Stotra · Maa Parvati
Ananda Lahari
आनन्द लहरी
- Shloka 1
भवानि स्तोतुं त्वां प्रभवति चतुर्भिर्न वदनैः प्रजानामीशानस्त्रिपुरमथनः पञ्चभिरपि । न षड्भिः सेनानीर्दशशतमुखैरप्यहिपतिः तदान्येषां केषां कथय कथमस्मिन्नवसरः ॥ १ ॥
Bhavani stotum tvam prabhavati chaturbhirna vadanaih prajanamishanastripuramathanah panchabhirapi, na shadbhih senanirdashashatamukhairapyahipatih tadanyesham kesham kathaya kathamasminnavasarah.
O Bhavani, even Brahma with his four faces cannot fully praise you, nor can Bhagwan Shiva, destroyer of Tripura, with his five. Kartikeya with six faces cannot, nor can Adishesha, king of serpents, with a thousand mouths. So tell me, what chance do others have?
Word by word
- Shloka 2
घृतक्षीरद्राक्षामधुमधुरिमा कैरपि पदैः विशिष्यानाख्येयो भवति रसनामात्रविषयः । तथा ते सौन्दर्यं परमशिवदृङ्मात्रविषयः कथङ्कारं ब्रूमः सकलनिगमागोचरगुणे ॥ २ ॥
Ghritakshiradrakshamadhumadhurima kairapi padaih vishishyanakhyeyo bhavati rasanamatravishayah, tatha te saundaryam paramashivadrinmatravishayah kathankaram brumah sakalanigamagocharagune.
The sweetness of ghee, milk, grapes and honey cannot be described exactly in any words; only the tongue knows it. In the same way your beauty is known only to the eyes of Paramashiva. How can we speak of it, O you whose qualities are beyond the reach of all the Vedas?
Word by word
- Shloka 3
मुखे ते ताम्बूलं नयनयुगले कज्जलकला ललाटे काश्मीरं विलसति गले मौक्तिकलता । स्फुरत्काञ्ची शाटी पृथुकटितटे हाटकमयी भजामि त्वां गौरीं नगपतिकिशोरीमविरतम् ॥ ३ ॥
Mukhe te tambulam nayanayugale kajjalakala lalate kashmiram vilasati gale mauktikalata, sphuratkanchi shati prithukatitate hatakamayi bhajami tvam gaurim nagapatikishorimaviratam.
Betel is in your mouth, a fine line of kajal in your eyes, saffron shines on your forehead and a string of pearls rests at your throat. A sparkling girdle and a golden sari adorn your broad hips. I worship you without pause, Gauri, young daughter of the king of mountains.
Word by word
- Shloka 4
विराजन्मन्दारद्रुमकुसुमहारस्तनतटी नदद्वीणानादश्रवणविलसत्कुण्डलगुणा । नताङ्गी मातङ्गीरुचिरगतिभङ्गी भगवती सती शम्भोरम्भोरुहचटुलचक्षुर्विजयते ॥ ४ ॥
Virajanmandaradrumakusumaharastanatati nadadvinanadashravanavilasatkundalaguna, natangi matangiruchiragatibhangi bhagavati sati shambhorambhoruhachatulachakshurvijayate.
Her bosom is adorned with a garland of mandara flowers, and her earrings sway as she listens to the music of the veena. Slightly bending, with a graceful walk like a young elephant, Bhagavati Sati, beloved of Shambhu, with lively lotus eyes, shines supreme.
Word by word
- Shloka 5
नवीनार्कभ्राजन्मणिकनकभूषापरिकरैः वृताङ्गी सारङ्गीरुचिरनयनाङ्गीकृतशिवा । तडित्पीता पीताम्बरललितमञ्जीरसुभगा ममापर्णा पूर्णा निरवधिसुखैरस्तु सुमुखी ॥ ५ ॥
Navinarkabhrajanmanikanakabhushaparikaraih vritangi sarangiruchiranayanangikritashiva, taditpita pitambaralalitamanjirasubhaga mamaparna purna niravadhisukhairastu sumukhi.
Her body is decked with ornaments of gems and gold that glow like the rising sun. With lovely eyes like a doe's she has won Shiva as her own; she is golden like lightning and charming in yellow silk and graceful anklets. May Aparna, full of endless joy, turn her gracious face towards me.
Word by word
- Shloka 6
हिमाद्रेः सम्भूता सुललितकरैः पल्लवयुता सुपुष्पा मुक्ताभिर्भ्रमरकलिता चालकभरैः । कृतस्थाणुस्थाना कुचफलनता सूक्तिसरसा रुजां हन्त्री गन्त्री विलसति चिदानन्दलतिका ॥ ६ ॥
Himadreh sambhuta sulalitakaraih pallavayuta supushpa muktabhirbhramarakalita chalakabharaih, kritasthanusthana kuchaphalanata suktisarasa rujam hantri gantri vilasati chidanandalatika.
She shines like a creeper of consciousness and bliss, born from the Himalaya. Her soft hands are its tender leaves, her pearls its flowers, her thick curls its bees; she rests on the pillar that is Sthanu (Shiva), bends with fruit, is sweet with lovely words, removes ailments and moves gracefully.
Word by word
- Shloka 7
सपर्णामाकीर्णां कतिपयगुणैः सादरमिह श्रयन्त्यन्ये वल्लीं मम तु मतिरेवं विलसति । अपर्णैका सेव्या जगति सकलैर्यत्परिवृतः पुराणोऽपि स्थाणुः फलति किल कैवल्यपदवीम् ॥ ७ ॥
Saparnamakirnam katipayagunaih sadaramiha shrayantyanye vallim mama tu matirevam vilasati, aparnaika sevya jagati sakalairyatparivritah puranopi sthanuh phalati kila kaivalyapadavim.
Others carefully take shelter in creepers that have leaves (saparna) and only a few good qualities. But my mind sees it this way: Aparna, the leafless one, alone is worth serving by everyone in the world, for embraced by her even the ancient dry trunk, Sthanu (Shiva), bears the fruit of liberation.
Word by word
- Shloka 8
विधात्री धर्माणां त्वमसि सकलाम्नायजननी त्वमर्थानां मूलं धनदनमनीयाङ्घ्रिकमले । त्वमादिः कामानां जननि कृतकन्दर्पविजये सतां मुक्तेर्बीजं त्वमसि परमब्रह्ममहिषी ॥ ८ ॥
Vidhatri dharmanam tvamasi sakalamnayajanani tvamarthanam mulam dhanadanamaniyanghrikamale, tvamadih kamanam janani kritakandarpavijaye satam mukterbijam tvamasi paramabrahmamahishi.
You establish dharma and are the mother of all the Vedas. You are the root of wealth, and your lotus feet receive the bows of Kubera. O Mother, you are the source of all desires and gave victory to Kamadeva; you are the seed of liberation for the good, the queen of the Supreme Brahman.
Word by word
- Shloka 9
प्रभूता भक्तिस्ते यदपि न ममालोलमनसः त्वया तु श्रीमत्या सदयमवलोक्योऽहमधुना । पयोदः पानीयं दिशति मधुरं चातकमुखे भृशं शङ्के कैर्वा विधिभिरनुनीता मम मतिः ॥ ९ ॥
Prabhuta bhaktiste yadapi na mamalolamanasah tvaya tu shrimatya sadayamavalokyohamadhuna, payodah paniyam dishati madhuram chatakamukhe bhrisham shanke kairva vidhibhiranunita mama matih.
My mind is restless and my devotion to you is not great, yet you, glorious Mother, should now look at me with compassion. The cloud pours sweet water into the mouth of the chataka bird. I keep wondering by what grace my mind was drawn towards you.
Word by word
- Shloka 10
कृपापाङ्गालोकं वितर तरसा साधुचरिते न ते युक्तोपेक्षा मयि शरणदीक्षामुपगते । न चेदिष्टं दद्यादनुपदमहो कल्पलतिका विशेषः सामान्यैः कथमितरवल्लीपरिकरैः ॥ १० ॥
Kripapangalokam vitara tarasa sadhucharite na te yuktopeksha mayi sharanadikshamupagate, na chedishtam dadyadanupadamaho kalpalatika visheshah samanyaih kathamitaravalliparikaraih.
O Mother of good ways, quickly give me your kind sidelong glance; it is not fitting to overlook me when I have come to you for refuge. If the wish-fulfilling creeper did not grant wishes at every step, how would it differ from ordinary creepers?
Word by word
- Shloka 11
महान्तं विश्वासं तव चरणपङ्केरुहयुगे निधायान्यन्नैवाश्रितमिह मया दैवतमुमे । तथापि त्वच्चेतो यदि मयि न जायेत सदयं निरालम्बो लम्बोदरजननि कं यामि शरणम् ॥ ११ ॥
Mahantam vishvasam tava charanapankeruhayuge nidhayanyannaivashritamiha maya daivatamume, tathapi tvachcheto yadi mayi na jayeta sadayam niralambo lambodarajanani kam yami sharanam.
O Uma, I have placed deep trust in your two lotus feet and have not turned to any other deity here. Even so, if your heart does not soften towards me, O Mother of Ganesha, I am left without support; to whom shall I go for refuge?
Word by word
- Shloka 12
अयः स्पर्शे लग्नं सपदि लभते हेमपदवीं यथा रथ्यापाथः शुचि भवति गङ्गौघमिलितम् । तथा तत्तत्पापैरतिमलिनमन्तर्मम यदि त्वयि प्रेम्णासक्तं कथमिव न जायेत विमलम् ॥ १२ ॥
Ayah sparshe lagnam sapadi labhate hemapadavim yatha rathyapathah shuchi bhavati gangaughamilitam, tatha tattatpapairatimalinamantarmama yadi tvayi premnasaktam kathamiva na jayeta vimalam.
Iron that touches the philosopher's stone turns into gold at once, and water from the street becomes pure when it joins the flow of the Ganga. In the same way, if my heart, darkened by many wrongs, clings to you with love, how could it not become pure?
Word by word
- Shloka 13
त्वदन्यस्मादिच्छाविषयफललाभे न नियमः त्वमर्थानामिच्छाधिकमपि समर्था वितरणे । इति प्राहुः प्राञ्चः कमलभवनाद्यास्त्वयि मनः त्वदासक्तं नक्तं दिवमुचितमीशानि कुरु तत् ॥ १३ ॥
Tvadanyasmadichchhavishayaphalalabhe na niyamah tvamarthanamichchhadhikamapi samartha vitarane, iti prahuh pranchah kamalabhavanadyastvayi manah tvadasaktam naktam divamuchitamishani kuru tat.
From anyone other than you, there is no certainty of receiving what one wishes for, but you are able to give even more than one desires. So said the ancients, Brahma and others. O Ishani, make my mind cling to you night and day, as is right.
Word by word
- Shloka 14
स्फुरन्नानारत्नस्फटिकमयभित्तिप्रतिफलत्त्वदाकारं चञ्चच्छशधरकलासौधशिखरम् । मुकुन्दब्रह्मेन्द्रप्रभृतिपरिवारं विजयते तवागारं रम्यं त्रिभुवनमहाराजगृहिणि ॥ १४ ॥
Sphurannanaratnasphatikamayabhittipratiphalattvadakaram chanchachchhashadharakalasaudhashikharam, mukundabrahmendraprabhritiparivaram vijayate tavagaram ramyam tribhuvanamaharajagrihini.
O queen of the great king of the three worlds, your lovely abode shines supreme. Its walls of crystal and many gems reflect your form, its palace tops glow with the shimmering crescent moon, and Vishnu, Brahma, Indra and others form your retinue.
Word by word
- Shloka 15
निवासः कैलासे विधिशतमखाद्याः स्तुतिकराः कुटुम्बं त्रैलोक्यं कृतकरपुटः सिद्धिनिकरः । महेशः प्राणेशस्तदवनिधराधीशतनये न ते सौभाग्यस्य क्वचिदपि मनागस्ति तुलना ॥ १५ ॥
Nivasah kailase vidhishatamakhadyah stutikarah kutumbam trailokyam kritakaraputah siddhinikarah, maheshah praneshastadavanidharadhishatanaye na te saubhagyasya kvachidapi managasti tulana.
Your home is Kailasa; Brahma, Indra and others sing your praise; the three worlds are your family; the siddhis stand before you with folded hands; and Mahesha is your beloved. So, O daughter of the king of mountains, nothing anywhere compares even a little to your good fortune.
Word by word
- Shloka 16
वृषो वृद्धो यानं विषमशनमाशा निवसनं श्मशानं क्रीडाभूर्भुजगनिवहो भूषणविधिः । समग्रा सामग्री जगति विदितैव स्मररिपोः यदेतस्यैश्वर्यं तव जननि सौभाग्यमहिमा ॥ १६ ॥
Vrisho vriddho yanam vishamashanamasha nivasanam shmashanam kridabhurbhujaganivaho bhushanavidhih, samagra samagri jagati viditaiva smararipoh yadetasyaishvaryam tava janani saubhagyamahima.
An old bull is his vehicle, poison his food, the directions his clothing, the cremation ground his playground and snakes his ornaments. Everyone in the world knows these are all that Shiva, the foe of Kama, owns. O Mother, whatever majesty he has is the glory of your good fortune.
Word by word
- Shloka 17
अशेषब्रह्माण्डप्रलयविधिनैसर्गिकमतिः श्मशानेष्वासीनः कृतभसितलेपः पशुपतिः । दधौ कण्ठे हालाहलमखिलभूगोलकृपया भवत्याः सङ्गत्याः फलमिति च कल्याणि कलये ॥ १७ ॥
Asheshabrahmandapralayavidhinaisargikamatih shmashaneshvasinah kritabhasitalepah pashupatih, dadhau kanthe halahalamakhilabhugolakripaya bhavatyah sangatyah phalamiti cha kalyani kalaye.
Pashupati, whose nature is set on dissolving all the universes, sits in cremation grounds smeared with ash. Yet out of compassion for the whole earth he held the halahala poison in his throat. O auspicious Mother, I see this as the fruit of your company.
Word by word
- Shloka 18
त्वदीयं सौन्दर्यं निरतिशयमालोक्य परया भियैवासीद्गङ्गा जलमयतनुः शैलतनये । तदेतस्यास्तस्माद्वदनकमलं वीक्ष्य कृपया प्रतिष्ठामातन्वन्निजशिरसि वासेन गिरिशः ॥ १८ ॥
Tvadiyam saundaryam niratishayamalokya paraya bhiyaivasidganga jalamayatanuh shailatanaye, tadetasyastasmadvadanakamalam vikshya kripaya pratishthamatanvannijashirasi vasena girishah.
O daughter of the mountain, on seeing your unmatched beauty, Ganga was so overwhelmed with awe that her body turned to water. So Girisha, looking at her lotus face with compassion, gave her a place of honour by letting her live on his head.
Word by word
- Shloka 19
विशालश्रीखण्डद्रवमृगमदाकीर्णघुसृणप्रसूनव्यामिश्रं भगवति तवाभ्यङ्गसलिलम् । समादाय स्रष्टा चलितपदपांसून्निजकरैः समाधत्ते सृष्टिं विबुधपुरपङ्केरुहदृशाम् ॥ १९ ॥
Vishalashrikhandadravamrigamadakirnaghusrinaprasunavyamishram bhagavati tavabhyangasalilam, samadaya srashta chalitapadapansunnijakaraih samadhatte srishtim vibudhapurapankeruhadrisham.
O Bhagavati, your bath water is mixed with rich sandal paste, musk, saffron and flowers. The Creator gathers it, along with the dust from your moving feet, in his own hands, and from it shapes the lotus-eyed maidens of the city of the gods.
Word by word
- Shloka 20
वसन्ते सानन्दे कुसुमितलताभिः परिवृते स्फुरन्नानापद्मे सरसि कलहंसालिसुभगे । सखीभिः खेलन्तीं मलयपवनान्दोलितजले स्मरेद्यस्त्वां तस्य ज्वरजनितपीडापसरति ॥ २० ॥
Vasante sanande kusumitalatabhih parivrite sphurannanapadme sarasi kalahansalisubhage, sakhibhih khelantim malayapavanandolitajale smaredyastvam tasya jvarajanitapidapasarati.
Picture joyful spring, with blossoming creepers all around and a lake full of lotuses, graced by rows of swans, its waters rippled by the Malaya breeze, where you play with your friends. The text says that whoever remembers you in this way is freed from the suffering caused by fever.
Word by word
About this text
Ananda Lahari is a Sanskrit hymn of twenty verses that praises the beauty, grace and glory of Maa Parvati, traditionally attributed to Adi Shankaracharya.
When it is recited: Navaratri, Friday puja, Hartalika Teej, Gauri Puja, Mangala Gauri Vrat
