Stotra · Bhagwan Krishna
Kunti Stuti
कुन्तीस्तुतिः (श्रीमद्भागवत १.८.१८–४३)
- 1.8.18
कुन्त्युवाच नमस्ये पुरुषं त्वाद्यमीश्वरं प्रकृतेः परम् । अलक्ष्यं सर्वभूतानामन्तर्बहिरवस्थितम् ॥ १८ ॥
Kuntyuvacha namasye purusham tvadyamishvaram prakriteh param, alakshyam sarvabhutanamantarbahiravasthitam.
Kunti said: I bow to you, the original Person, the Supreme Ishvara who is beyond material nature. No being can perceive you, yet you live both inside and outside of all of them.
Word by word
- 1.8.19
मायाजवनिकाच्छन्नमज्ञाधोक्षजमव्ययम् । न लक्ष्यसे मूढदृशा नटो नाट्यधरो यथा ॥ १९ ॥
Mayajavanikachchhannamagyadhokshajamavyayam, na lakshyase mudhadrisha nato natyadharo yatha.
You are covered by the curtain of maya. You are beyond the senses and never perish. Those with clouded vision cannot recognise you, just as people do not recognise an actor in costume.
Word by word
- 1.8.20
तथा परमहंसानां मुनीनाममलात्मनाम् । भक्तियोगविधानार्थं कथं पश्येम हि स्त्रियः ॥ २० ॥
Tatha paramahansanam muninamamalatmanam, bhaktiyogavidhanartham katham pashyema hi striyah.
You come to teach the path of bhakti yoga to the highest sages, the munis whose hearts are pure. How then can we women truly know you?
Word by word
- 1.8.21
कृष्णाय वासुदेवाय देवकीनन्दनाय च । नन्दगोपकुमाराय गोविन्दाय नमो नमः ॥ २१ ॥
Krishnaya vasudevaya devakinandanaya cha, nandagopakumaraya govindaya namo namah.
Salutations again and again to Krishna, to Vasudeva, to the joy of Devaki, to the young son of Nanda the cowherd, and to Govinda.
Word by word
- 1.8.22
नमः पङ्कजनाभाय नमः पङ्कजमालिने । नमः पङ्कजनेत्राय नमस्ते पङ्कजाङ्घ्रये ॥ २२ ॥
Namah pankajanabhaya namah pankajamaline, namah pankajanetraya namaste pankajanghraye.
Salutations to you whose navel bears a lotus, who wears a garland of lotuses, whose eyes are like lotuses, and whose feet are like lotuses.
Word by word
- 1.8.23
यथा हृषीकेश खलेन देवकी कंसेन रुद्धातिचिरं शुचार्पिता । विमोचिताहं च सहात्मजा विभो त्वयैव नाथेन मुहुर्विपद्गणात् ॥ २३ ॥
Yatha hrishikesha khalena devaki kansena ruddhatichiram shucharpita, vimochitaham cha sahatmaja vibho tvayaiva nathena muhurvipadganat.
O Hrishikesha, just as you freed Devaki, who was held captive for a long time by the wicked Kamsa and lived in sorrow, so too, O all-pervading one, you as our protector have freed me and my sons again and again from many troubles.
Word by word
- 1.8.24
विषान्महाग्नेः पुरुषाददर्शनादसत्सभाया वनवासकृच्छ्रतः । मृधे मृधेऽनेकमहारथास्त्रतो द्रौण्यस्त्रतश्चास्म हरेऽभिरक्षिताः ॥ २४ ॥
Vishanmahagneh purushadadarshanadasatsabhaya vanavasakrichchhratah, mridhe mridhenekamaharathastrato draunyastratashchasma harebhirakshitah.
O Hari, you protected us from poison, from a great fire, from the man-eating demons, from the assembly of the wicked, from the hardships of forest exile, from the weapons of great warriors in battle after battle, and from the weapon of Drona's son.
Word by word
- 1.8.25
विपदः सन्तु ताः शश्वत्तत्र तत्र जगद्गुरो । भवतो दर्शनं यत्स्यादपुनर्भवदर्शनम् ॥ २५ ॥
Vipadah santu tah shashvattatra tatra jagadguro, bhavato darshanam yatsyadapunarbhavadarshanam.
O teacher of the world, let those troubles come to us again and again, wherever we are. For in them we see you, and seeing you brings an end to birth and death.
Word by word
- 1.8.26
जन्मैश्वर्यश्रुतश्रीभिरेधमानमदः पुमान् । नैवार्हत्यभिधातुं वै त्वामकिञ्चनगोचरम् ॥ २६ ॥
Janmaishvaryashrutashribhiredhamanamadah puman, naivarhatyabhidhatum vai tvamakinchanagocharam.
A person whose pride keeps growing because of high birth, wealth, learning and beauty cannot even call out to you sincerely. You are reached by those who feel they own nothing.
Word by word
- 1.8.27
नमोऽकिञ्चनवित्ताय निवृत्तगुणवृत्तये । आत्मारामाय शान्ताय कैवल्यपतये नमः ॥ २७ ॥
Namokinchanavittaya nivrittagunavrittaye, Aatmaramaya shantaya kaivalyapataye namah.
Salutations to you, the treasure of those who own nothing, beyond the workings of the three gunas, content in yourself, peaceful, and the master of liberation.
Word by word
- 1.8.28
मन्ये त्वां कालमीशानमनादिनिधनं विभुम् । समं चरन्तं सर्वत्र भूतानां यन्मिथः कलिः ॥ २८ ॥
Manye tvam kalamishanamanadinidhanam vibhum, samam charantam sarvatra bhutanam yanmithah kalih.
I know you as eternal Time, the ruler of all, without beginning or end, present everywhere. You treat all beings equally; the quarrels among beings arise from among themselves.
Word by word
- 1.8.29
न वेद कश्चिद्भगवंश्चिकीर्षितं तवेहमानस्य नृणां विडम्बनम् । न यस्य कश्चिद्दयितोऽस्ति कर्हिचिद्द्वेष्यश्च यस्मिन्विषमा मतिर्नृणाम् ॥ २९ ॥
Na veda kashchidbhagavanshchikirshitam tavehamanasya nrinam vidambanam, na yasya kashchiddayitosti karhichiddveshyashcha yasminvishama matirnrinam.
O Bhagwan, no one understands what you intend when you act like a human being. No one is especially dear to you and no one is disliked by you. It is only people who imagine that you are partial.
Word by word
- 1.8.30
जन्म कर्म च विश्वात्मन्नजस्याकर्तुरात्मनः । तिर्यङ्नृषिषु यादःसु तदत्यन्तविडम्बनम् ॥ ३० ॥
Janma karma cha vishvatmannajasyakarturatmanah, tiryannrishishu yadahsu tadatyantavidambanam.
O soul of the universe, you are unborn and do not need to act, yet you take birth and act among animals, humans, rishis and creatures of the water. This is truly a wondrous play.
Word by word
- 1.8.31
गोप्याददे त्वयि कृतागसि दाम तावद्या ते दशाश्रुकलिलाञ्जनसम्भ्रमाक्षम् । वक्त्रं निनीय भयभावनया स्थितस्य सा मां विमोहयति भीरपि यद्बिभेति ॥ ३१ ॥
Gopyadade tvayi kritagasi dama tavadya te dashashrukalilanjanasambhramaksham, vaktram niniya bhayabhavanaya sthitasya sa mam vimohayati bhirapi yadbibheti.
When you had been naughty and Yashoda picked up a rope to tie you, your eyes filled with tears that smudged your kajal, and you stood with your face lowered, looking afraid. That sight puzzles me, since even fear itself is afraid of you.
Word by word
- 1.8.32
केचिदाहुरजं जातं पुण्यश्लोकस्य कीर्तये । यदोः प्रियस्यान्ववाये मलयस्येव चन्दनम् ॥ ३२ ॥
Kechidahurajam jatam punyashlokasya kirtaye, yadoh priyasyanvavaye malayasyeva chandanam.
Some say that you, the unborn, took birth to bring glory to the virtuous King Yadu, appearing in his beloved family line like sandalwood growing in the Malaya hills.
Word by word
- 1.8.33
अपरे वसुदेवस्य देवक्यां याचितोऽभ्यगात् । अजस्त्वमस्य क्षेमाय वधाय च सुरद्विषाम् ॥ ३३ ॥
Apare vasudevasya devakyam yachitobhyagat, ajastvamasya kshemaya vadhaya cha suradvisham.
Others say that you, the unborn, came as the son of Vasudeva and Devaki because they prayed for it, for their welfare and to end those who opposed the devas.
Word by word
- 1.8.34
भारावतारणायान्ये भुवो नाव इवोदधौ । सीदन्त्या भूरिभारेण जातो ह्यात्मभुवार्थितः ॥ ३४ ॥
Bharavataranayanye bhuvo nava ivodadhau, sidantya bhuribharena jato hyatmabhuvarthitah.
Still others say that you were born at the request of Brahma to lift the burden of the earth, which was sinking under its heavy load like a boat at sea.
Word by word
- 1.8.35
भवेऽस्मिन् क्लिश्यमानानामविद्याकामकर्मभिः । श्रवणस्मरणार्हाणि करिष्यन्निति केचन ॥ ३५ ॥
Bhavesmin klishyamananamavidyakamakarmabhih, shravanasmaranarhani karishyanniti kechana.
And some say you came to perform deeds worth hearing about and remembering, for the sake of those who suffer in this world because of ignorance, desire and karma.
Word by word
- 1.8.36
शृण्वन्ति गायन्ति गृणन्त्यभीक्ष्णशः स्मरन्ति नन्दन्ति तवेहितं जनाः । त एव पश्यन्त्यचिरेण तावकं भवप्रवाहोपरमं पदाम्बुजम् ॥ ३६ ॥
Shrinvanti gayanti grinantyabhikshnashah smaranti nandanti tavehitam janah, ta eva pashyantyachirena tavakam bhavapravahoparamam padambujam.
Those people who again and again listen to, sing of, speak of, remember and delight in your deeds, they alone soon behold your lotus feet, which bring the stream of birth and death to an end.
Word by word
- 1.8.37
अप्यद्य नस्त्वं स्वकृतेहित प्रभो जिहाससि स्वित्सुहृदोऽनुजीविनः । येषां न चान्यद्भवतः पदाम्बुजात्परायणं राजसु योजितांहसाम् ॥ ३७ ॥
Apyadya nastvam svakritehita prabho jihasasi svitsuhridonujivinah, yesham na chanyadbhavatah padambujatparayanam rajasu yojitanhasam.
O Prabhu, you who fulfil every wish of your own, are you leaving us today? We are your friends who depend on you. We have made enemies among many kings, and we have no shelter other than your lotus feet.
Word by word
- 1.8.38
के वयं नामरूपाभ्यां यदुभिः सह पाण्डवाः । भवतोऽदर्शनं यर्हि हृषीकाणामिवेशितुः ॥ ३८ ॥
Ke vayam namarupabhyam yadubhih saha pandavah, bhavatodarshanam yarhi hrishikanamiveshituh.
Without your presence, what are we, the Pandavas and the Yadus, with our names and fame? We would be like the senses without the soul that guides them.
Word by word
- 1.8.39
नेयं शोभिष्यते तत्र यथेदानीं गदाधर । त्वत्पदैरङ्किता भाति स्वलक्षणविलक्षितैः ॥ ३९ ॥
Neyam shobhishyate tatra yathedanim gadadhara, tvatpadairankita bhati svalakshanavilakshitaih.
O Gadadhara, this land of ours will not look as beautiful then as it does now, marked as it is by your footprints that carry their own special signs.
Word by word
- 1.8.40
इमे जनपदाः स्वृद्धाः सुपक्वौषधिवीरुधः । वनाद्रिनद्युदन्वन्तो ह्येधन्ते तव वीक्षितैः ॥ ४० ॥
Ime janapadah svriddhah supakvaushadhivirudhah, vanadrinadyudanvanto hyedhante tava vikshitaih.
These lands are rich and thriving, with ripe crops and plants. The forests, hills, rivers and seas all flourish because of your glance.
Word by word
- 1.8.41
अथ विश्वेश विश्वात्मन् विश्वमूर्ते स्वकेषु मे । स्नेहपाशमिमं छिन्धि दृढं पाण्डुषु वृष्णिषु ॥ ४१ ॥
Atha vishvesha vishvatman vishvamurte svakeshu me, snehapashamimam chhindhi dridham pandushu vrishnishu.
O master of the universe, soul of the universe, whose form is the universe, please cut this strong rope of attachment I feel for my own people, the Pandavas and the Vrishnis.
Word by word
- 1.8.42
त्वयि मेऽनन्यविषया मतिर्मधुपतेऽसकृत् । रतिमुद्वहतादद्धा गङ्गेवौघमुदन्वति ॥ ४२ ॥
Tvayi menanyavishaya matirmadhupatesakrit, ratimudvahatadaddha gangevaughamudanvati.
O Madhupati, may my mind turn to nothing else and flow towards you with love, constantly, just as the Ganga flows into the sea without stopping.
Word by word
- 1.8.43
श्रीकृष्ण कृष्णसख वृष्ण्यृषभावनिध्रुग्राजन्यवंशदहनानपवर्गवीर्य । गोविन्द गोद्विजसुरार्तिहरावतार योगेश्वराखिलगुरो भगवन्नमस्ते ॥ ४३ ॥
Shrikrishna krishnasakha vrishnyrishabhavanidhrugrajanyavanshadahananapavargavirya, govinda godvijasurartiharavatara yogeshvarakhilaguro bhagavannamaste.
O Shri Krishna, friend of Arjuna, best of the Vrishnis, you who burn away royal lines that harm the earth, whose strength never fails. O Govinda, you came to remove the suffering of cows, Brahmanas and devas. O master of yoga, teacher of all, Bhagwan, I bow to you.
Word by word
About this text
Kunti Stuti is the prayer of Kunti, mother of the Pandavas, to Bhagwan Krishna, found in Shrimad Bhagavatam, Canto 1, Chapter 8, verses 18 to 43.
When it is recited: Daily puja, Janmashtami, Ekadashi, Bhagavat Katha, Bhagavat Saptah
