Stotra · Bhagwan Krishna
Bhaja Govindam
भज गोविन्दम्
- Shloka 1
भज गोविन्दं भज गोविन्दं गोविन्दं भज मूढमते । सम्प्राप्ते सन्निहिते काले नहि नहि रक्षति डुकृञ्करणे ॥ १ ॥
Bhaja govindam bhaja govindam govindam bhaja mudhamate, samprapte sannihite kale nahi nahi rakshati dukrinkarane.
Worship Govinda, worship Govinda, worship Govinda, O foolish mind. When the final time comes near, the memorised rules of grammar like "dukrin karane" will not protect you at all.
Word by word
- Shloka 2
मूढ जहीहि धनागमतृष्णां कुरु सद्बुद्धिं मनसि वितृष्णाम् । यल्लभसे निजकर्मोपात्तं वित्तं तेन विनोदय चित्तम् ॥ २ ॥
Mudha jahihi dhanagamatrishnam kuru sadbuddhim manasi vitrishnam, yallabhase nijakarmopattam vittam tena vinodaya chittam.
O fool, give up the thirst for gathering wealth. Fill your mind with good thoughts and free it from craving. Keep your mind content with whatever wealth you earn through your own work.
Word by word
- Shloka 3
नारीस्तनभरनाभीदेशं दृष्ट्वा मा गा मोहावेशम् । एतन्मांसवसादिविकारं मनसि विचिन्तय वारं वारम् ॥ ३ ॥
Naristanabharanabhidesham drishtva ma ga mohavesham, etanmansavasadivikaram manasi vichintaya varam varam.
Seeing a woman's breasts and navel, do not fall into the grip of infatuation. Reflect in your mind again and again that these are only forms of flesh, fat and the like.
Word by word
- Shloka 4
नलिनीदलगतजलमतितरलं तद्वज्जीवितमतिशयचपलम् । विद्धि व्याध्यभिमानग्रस्तं लोकं शोकहतं च समस्तम् ॥ ४ ॥
Nalinidalagatasalilam taralam tadvajjivitamatishayachapalam, viddhi vyadhyabhimanagrastam lokam shokahatam cha samastam, bhaja.
A drop of water on a lotus leaf is very unsteady, and life is just as fleeting. Know that the whole world is gripped by illness and ego, and struck down by sorrow.
Word by word
- Shloka 5
यावद्वित्तोपार्जनसक्तः तावन्निजपरिवारो रक्तः । पश्चाज्जीवति जर्जरदेहे वार्तां कोऽपि न पृच्छति गेहे ॥ ५ ॥
Yavadvittoparjanasaktah tavannijaparivaro raktah, pashchajjivati jarjaradehe vartam kopi na prichchhati gehe.
As long as a person is busy earning money, the family stays fond of him. Later, when he lives on in a worn-out body, no one at home even asks how he is.
Word by word
- Shloka 6
यावत्पवनो निवसति देहे तावत्पृच्छति कुशलं गेहे । गतवति वायौ देहापाये भार्या बिभ्यति तस्मिन्काये ॥ ६ ॥
Yavatpavano nivasati dehe tavatprichchhati kushalam gehe, gatavati vayau dehapaye bharya bibhyati tasminkaye.
As long as breath dwells in the body, people at home ask about one's well-being. When the breath has gone and the body falls, even the wife shrinks from that same body.
Word by word
- Shloka 7
बालस्तावत्क्रीडासक्तः तरुणस्तावत्तरुणीसक्तः । वृद्धस्तावच्चिन्तासक्तः परे ब्रह्मणि कोऽपि न सक्तः ॥ ७ ॥
Balastavatkridasaktah tarunastavattarunisaktah, vriddhastavachchintasaktah pare brahmani kopi na saktah.
The child is absorbed in play, the young man in a young woman, the old man in worries. No one is absorbed in the Supreme Brahman.
Word by word
- Shloka 8
का ते कान्ता कस्ते पुत्रः संसारोऽयमतीव विचित्रः । कस्य त्वं कः कुत आयातः तत्त्वं चिन्तय तदिह भ्रातः ॥ ८ ॥
Ka te kanta kaste putrah sansaroyamativa vichitrah, kasya tvam kah kuta Aayatastattvam chintaya yadidam bhratah, bhaja.
Who is your wife? Who is your son? This worldly life is very strange. Whose are you, who are you, and where have you come from? Brother, reflect on this truth right here.
Word by word
- Shloka 9
सत्सङ्गत्वे निस्सङ्गत्वं निस्सङ्गत्वे निर्मोहत्वम् । निर्मोहत्वे निश्चलतत्त्वं निश्चलतत्त्वे जीवन्मुक्तिः ॥ ९ ॥
Satsangatve nissangatvam nissangatve nirmohatvam, nirmohatve nishchalatattvam nishchalatattve jivanmuktih.
Good company leads to non-attachment, and non-attachment to freedom from delusion. Freedom from delusion leads to the unwavering Truth, and that leads to liberation while still living.
Word by word
- Shloka 10
वयसि गते कः कामविकारः शुष्के नीरे कः कासारः । क्षीणे वित्ते कः परिवारः ज्ञाते तत्त्वे कः संसारः ॥ १० ॥
Vayasi gate kah kamavikarah shushke nire kah kasarah, kshine vitte kah parivarah gyate tattve kah sansarah.
When youth has passed, where is desire? When the water dries up, where is the lake? When wealth is spent, where is the household of followers? When the Truth is known, where is the cycle of worldly life?
Word by word
- Shloka 11
मा कुरु धनजनयौवनगर्वं हरति निमेषात्कालः सर्वम् । मायामयमिदमखिलं हित्वा ब्रह्मपदं त्वं प्रविश विदित्वा ॥ ११ ॥
Ma kuru dhanajanayauvanagarvam harati nimeshatkalah sarvam, mayamayamidamakhilam hitva brahmapadam tvam pravisha viditva, bhaja.
Do not be proud of wealth, people around you, or youth, for time takes everything away in the blink of an eye. Leaving aside all this, which is made of maya, know the Supreme and enter the state of Brahman.
Word by word
- Shloka 12
दिनयामिन्यौ सायं प्रातः शिशिरवसन्तौ पुनरायातः । कालः क्रीडति गच्छत्यायुः तदपि न मुञ्चत्याशावायुः ॥ १२ ॥
Dinayaminyau sayam pratah shishiravasantau punarayatah, kalah kridati gachchhatyayuh tadapi na munchatyashavayuh.
Day and night, evening and morning, winter and spring come again and again. Time plays and life slips away, yet the wind of desire does not let go.
Word by word
- Shloka 13
द्वादशमञ्जरिकाभिरशेषः कथितो वैयाकरणस्यैषः । उपदेशोऽभूद्विद्यानिपुणैः श्रीमच्छङ्करभगवच्चरणैः ॥ १२अ ॥
Dvadashamanjarikabhirasheshah kathito vaiyakaranasyaishah, upadeshobhudvidyanipunaih shrimachchhankarabhagavachcharanaih. a.
This complete teaching, given as a cluster of twelve verses, was offered to a grammarian by the revered Shri Shankara Bhagavatpada, a master of knowledge.
Word by word
- Shloka 14
का ते कान्ता धनगतचिन्ता वातुल किं तव नास्ति नियन्ता । त्रिजगति सज्जनसङ्गतिरेका भवति भवार्णवतरणे नौका ॥ १३ ॥
Ka te kanta dhanagatachinta vatula kim tava nasti niyanta, trijagati sajjanasangatireka bhavati bhavarnavatarane nauka.
Why worry about your wife and your wealth, O restless one? Is there no one who guides you? In all three worlds, only the company of good people is the boat for crossing the ocean of worldly life.
Word by word
- Shloka 15
जटिलो मुण्डी लुञ्छितकेशः काषायाम्बरबहुकृतवेषः । पश्यन्नपि च न पश्यति मूढः उदरनिमित्तं बहुकृतवेषः ॥ १४ ॥
Jatilo mundi lunchhitakeshah kashayambarabahukritaveshah, pashyannapi cha na pashyati mudhah udaranimittam bahukritaveshah.
One wears matted hair, one shaves his head, one plucks out his hair, another dresses in ochre robes. The fool sees, yet does not truly see. These many guises are only for filling the belly.
Word by word
- Shloka 16
अङ्गं गलितं पलितं मुण्डं दशनविहीनं जातं तुण्डम् । वृद्धो याति गृहीत्वा दण्डं तदपि न मुञ्चत्याशापिण्डम् ॥ १५ ॥
Angam galitam palitam mundam dashanavihinam jatam tundam, vriddho yati grihitva dandam tadapi na munchatyashapindam.
The limbs have grown weak, the head has turned grey, the mouth has lost its teeth. The old man walks leaning on a stick, yet he does not let go of his bundle of desires.
Word by word
- Shloka 17
अग्रे वह्निः पृष्ठे भानुः रात्रौ चिबुकसमर्पितजानुः । करतलभिक्षस्तरुतलवासः तदपि न मुञ्चत्याशापाशः ॥ १६ ॥
Agre vahnih prishthe bhanuh ratrau chibukasamarpitajanuh, karatalabhikshastarutalavasah tadapi na munchatyashapashah.
Fire in front, the sun at his back, at night sitting with chin resting on his knees; taking alms in his palms and living under a tree, yet the noose of desire does not let him go.
Word by word
- Shloka 18
कुरुते गङ्गासागरगमनं व्रतपरिपालनमथवा दानम् । ज्ञानविहीनः सर्वमतेन मुक्तिं न भजति जन्मशतेन ॥ १७ ॥
Kurute gangasagaragamanam vrataparipalanamathava danam, gyanavihinah sarvamatena muktim na bhajati janmashatena.
One may travel to where the Ganga meets the sea, keep vows, or give charity. Yet, by every view, one without true knowledge does not attain liberation even in a hundred births.
Word by word
- Shloka 19
सुरमन्दिरतरुमूलनिवासः शय्या भूतलमजिनं वासः । सर्वपरिग्रहभोगत्यागः कस्य सुखं न करोति विरागः ॥ १८ ॥
Suramandiratarumulanivasah shayya bhutalamajinam vasah, sarvaparigrahabhogatyagah kasya sukham na karoti viragah, bhaja.
Living in a temple or at the foot of a tree, the ground as a bed, a deerskin as clothing, giving up every possession and pleasure: to whom does such detachment not bring happiness?
Word by word
- Shloka 20
योगरतो वा भोगरतो वा सङ्गरतो वा सङ्गविहीनः । यस्य ब्रह्मणि रमते चित्तं नन्दति नन्दति नन्दत्येव ॥ १९ ॥
Yogarato va bhogarato va sangarato va sangavihinah, yasya brahmani ramate chittam nandati nandati nandatyeva.
Whether devoted to yoga or to enjoyment, whether in company or alone, one whose mind delights in Brahman rejoices, rejoices, truly rejoices.
Word by word
- Shloka 21
भगवद्गीता किञ्चिदधीता गङ्गाजललवकणिका पीता । सकृदपि येन मुरारिसमर्चा क्रियते तस्य यमेन न चर्चा ॥ २० ॥
Bhagavadgita kinchidadhita gangajalalavakanika pita, sakridapi yena murarisamarcha kriyate tasya yamena na charcha.
Whoever has studied even a little of the Bhagavad Gita, has drunk even a drop of Ganga water, and has worshipped Murari, Bhagwan Krishna, even once: the text says Yama has no quarrel with that person.
Word by word
- Shloka 22
पुनरपि जननं पुनरपि मरणं पुनरपि जननीजठरे शयनम् । इह संसारे बहुदुस्तारे कृपयाऽपारे पाहि मुरारे ॥ २१ ॥
Punarapi jananam punarapi maranam punarapi jananijathare shayanam, iha sansare bahudustare kripayapare pahi murare.
Birth again, death again, lying in a mother's womb again. This worldly cycle is very hard to cross. O Murari, protect me through your boundless grace.
Word by word
- Shloka 23
रथ्याचर्पटविरचितकन्थः पुण्यापुण्यविवर्जितपन्थः । योगी योगनियोजितचित्तो रमते बालोन्मत्तवदेव ॥ २२ ॥
Rathyacharpatavirachitakanthah punyapunyavivarjitapanthah, yogi yoganiyojitachitto ramate balonmattavadeva.
Wearing a quilt stitched from rags found on the street, walking a path beyond merit and demerit, the yogi with his mind fixed in yoga delights like a child or one lost to the world.
Word by word
- Shloka 24
कस्त्वं कोऽहं कुत आयातः का मे जननी को मे तातः । इति परिभावय सर्वमसारं विश्वं त्यक्त्वा स्वप्नविचारम् ॥ २३ ॥
Kastvam koham kuta Aayatah ka me janani ko me tatah, iti paribhavaya sarvamasaram vishvam tyaktva svapnavicharam.
Who are you? Who am I? Where have I come from? Who is my mother, who is my father? Reflect in this way, see all this as without substance, and set aside the world as a passing dream.
Word by word
- Shloka 25
त्वयि मयि चान्यत्रैको विष्णुः व्यर्थं कुप्यसि मय्यसहिष्णुः । भव समचित्तः सर्वत्र त्वं वाञ्छस्यचिराद्यदि विष्णुत्वम् ॥ २४ ॥
Tvayi mayi chanyatraiko vishnuh vyartham kupyasi mayyasahishnuh, bhava samachittah sarvatra tvam vanchhasyachiradyadi vishnutvam.
In you, in me and everywhere else, there is only one Bhagwan Vishnu. Being impatient, you grow angry with me for nothing. Be even-minded everywhere if you wish to reach the state of Vishnu soon.
Word by word
- Shloka 26
शत्रौ मित्रे पुत्रे बन्धौ मा कुरु यत्नं विग्रहसन्धौ । भव समचित्तः सर्वत्र त्वं वाञ्छस्यचिराद्यदि विष्णुत्वम् ॥ २५ ॥
Shatrau mitre putre bandhau ma kuru yatnam vigrahasandhau, bhava samachittah sarvatra tvam vanchhasyachiradyadi vishnutvam.
Toward an enemy, a friend, a son or a relative, do not put effort into quarrelling or into making alliances. If you wish to soon attain the state of Vishnu, be even-minded toward everyone, everywhere.
Word by word
- Shloka 27
कामं क्रोधं लोभं मोहं त्यक्त्वाऽऽत्मानं भावय कोऽहम् । आत्मज्ञानविहीना मूढाः ते पच्यन्ते नरकनिगूढाः ॥ २६ ॥
Kamam krodham lobham moham tyaktvatmanam bhavaya koham, Aatmagyanavihina mudhaste pachyante narakanigudhah, bhaja.
Giving up desire, anger, greed and delusion, contemplate the Self and ask: who am I? The text says that the deluded who lack Self-knowledge stay caught in suffering, sunk deep as if in naraka.
Word by word
- Shloka 28
गेयं गीतानामसहस्रं ध्येयं श्रीपतिरूपमजस्रम् । नेयं सज्जनसङ्गे चित्तं देयं दीनजनाय च वित्तम् ॥ २७ ॥
Geyam gitanamasahasram dhyeyam shripatirupamajasram, neyam sajjanasange chittam deyam dinajanaya cha vittam.
Sing the Gita and the Thousand Names. Meditate always on the form of Shripati, Bhagwan Vishnu. Lead the mind towards the company of good people, and give wealth to those in need.
Word by word
- Shloka 29
सुखतः क्रियते रामाभोगः पश्चाद्धन्त शरीरे रोगः । यद्यपि लोके मरणं शरणं तदपि न मुञ्चति पापाचरणम् ॥ २८ ॥
Sukhatah kriyate ramabhogah pashchaddhanta sharire rogah, yadyapi loke maranam sharanam tadapi na munchati papacharanam.
People readily give themselves to sensual pleasure, and afterwards, alas, disease comes to the body. Though death is the final end for everyone in this world, still a person does not give up wrong conduct.
Word by word
- Shloka 30
अर्थमनर्थं भावय नित्यं नास्ति ततः सुखलेशः सत्यम् । पुत्रादपि धनभाजां भीतिः सर्वत्रैषा विहिता रीतिः ॥ २९ ॥
Arthamanartham bhavaya nityam nasti tatah sukhaleshah satyam, putradapi dhanabhajam bhitih sarvatresha vihita nitih, bhaja.
Always reflect that wealth brings trouble; truly, there is not even a trace of happiness from it. Those who have wealth fear even their own son. This is the way of things everywhere.
Word by word
- Shloka 31
प्राणायामं प्रत्याहारं नित्यानित्यविवेकविचारम् । जाप्यसमेतसमाधिविधानं कुर्ववधानं महदवधानम् ॥ ३० ॥
Pranayamam pratyaharam nityanityavivekavicharam, japyasametasamadhividhanam kurvavadhanam mahadavadhanam, bhaja.
Practise pranayama and pratyahara, reflect to tell the eternal from the passing, and follow the discipline of samadhi together with japa. Do these with care, with great care.
Word by word
- Shloka 32
गुरुचरणाम्बुजनिर्भरभक्तः संसारादचिराद्भव मुक्तः । सेन्द्रियमानसनियमादेवं द्रक्ष्यसि निजहृदयस्थं देवम् ॥ ३१ ॥
Gurucharanambujanirbharabhaktah sansaradachiradbhava muktah, sendriyamanasaniyamadevam drakshyasi nijahridayastham devam, bhaja.
Wholly devoted to the lotus feet of the Guru, become free from worldly bondage soon. Through restraint of the senses and the mind, you will see the Divine who dwells in your own heart.
Word by word
- Shloka 33
मूढः कश्चन वैयाकरणो डुकृञ्करणाध्ययनधुरीणः । श्रीमच्छङ्करभगवच्छिष्यैः बोधित आसीच्छोधितकरणः ॥ ३२ ॥
Mudhah kashchana vaiyakarano dukrinkaranadhyayanadhurinah, shrimachchhankarabhagavachchhishyaih bodhita Aasichchhodhitakaranah.
A certain deluded grammarian was fully absorbed in studying grammar rules like 'dukrñ karane'. The disciples of the revered Shankara Bhagavatpada awakened him to the truth, and his mind and senses were purified.
Word by word
About this text
Bhaja Govindam is a short Sanskrit stotra to Bhagwan Krishna, traditionally attributed to Adi Shankaracharya, urging the mind to turn to Govinda.
When it is recited: daily, satsang, janmashtami, gita-jayanti, shankara-jayanti, ekadashi
