Stotra · Bhagwan Krishna
Govinda Damodara Stotram
गोविन्द दामोदर स्तोत्रम्
- Shloka 1
अग्रे कुरूणामथ पाण्डवानां दुःशासनेनाहृतवस्त्रकेशा। कृष्णा तदाक्रोशदनन्यनाथा गोविन्द दामोदर माधवेति॥ १॥
Agre kurunam atha pandavanam duhshasanena Aahrita vastra kesha, krishna tada Aakroshat ananya natha govinda damodara madhava iti.
In front of the Kauravas and the Pandavas, Draupadi, whose garment and hair had been seized by Duhshasana, had no other protector. Then she cried out, "Govinda, Damodara, Madhava!"
Word by word
- Shloka 2
श्रीकृष्ण विष्णो मधुकैटभारे भक्तानुकम्पिन् भगवन् मुरारे। त्रायस्व मां केशव लोकनाथ गोविन्द दामोदर माधवेति॥ २॥
Shrikrishna vishno madhukaitabhare bhakta anukampin bhagavan murare, trayasva mam keshava lokanatha govinda damodara madhava iti.
O Shri Krishna, O Vishnu, slayer of Madhu and Kaitabha, compassionate to devotees, O Bhagwan, enemy of Mura! O Keshava, protector of the worlds, save me. Govinda, Damodara, Madhava!
Word by word
- Shloka 3
विक्रेतुकामाखिलगोपकन्या मुरारिपादार्पितचित्तवृत्तिः। दध्यादिकं मोहवशादवोचद् गोविन्द दामोदर माधवेति॥ ३॥
Vikretu kama akhila gopakanya murari pada arpita chittavrittih, dadhi Aadikam mohavashat avochat govinda damodara madhava iti.
The gopi maidens had set out to sell curd and other things, but their thoughts were fixed on the feet of Murari. Lost in love, instead of naming their curd they called out, "Govinda, Damodara, Madhava!"
Word by word
- Shloka 4
उलूखले सम्भृततण्डुलांश्च संघट्टयन्त्यो मुसलैः प्रमुग्धाः। गायन्ति गोप्यो जनितानुरागा गोविन्द दामोदर माधवेति॥ ४॥
Ulukhale sambhrita tandulan cha sanghattayantyah musalaih pramugdhah, gayanti gopyah janita anuragah govinda damodara madhava iti.
Pounding the rice gathered in their mortars with pestles, the gopis, enchanted and filled with love, sing, "Govinda, Damodara, Madhava!"
Word by word
- Shloka 5
काचित्कराम्भोजपुटे निषण्णं क्रीडाशुकं किंशुकरक्ततुण्डम्। अध्यापयामास सरोरुहाक्षी गोविन्द दामोदर माधवेति॥ ५॥
Kachit kara ambhoja pute nishannam krida shukam kinshuka rakta tundam, adhyapayamasa saroruhakshi govinda damodara madhava iti.
One lotus-eyed gopi held her pet parrot, whose beak was red like the kimshuka flower, in the cup of her lotus hands and taught it to say, "Govinda, Damodara, Madhava!"
Word by word
- Shloka 6
गृहे गृहे गोपवधूसमूहः प्रतिक्षणं पिञ्जरसारिकाणाम्। स्खलद्गिरं वाचयितुं प्रवृत्तो गोविन्द दामोदर माधवेति॥ ६॥
Grihe grihe gopavadhu samuhah pratikshanam pinjara sarikanam, skhalat giram vachayitum pravrittah govinda damodara madhava iti.
In house after house, groups of young gopi wives kept trying, every moment, to make their caged mynas say in faltering voices, "Govinda, Damodara, Madhava!"
Word by word
- Shloka 7
पर्य्यङ्किकाभाजमलं कुमारं प्रस्वापयन्त्योऽखिलगोपकन्याः। जगुः प्रबन्धं स्वरतालबन्धं गोविन्द दामोदर माधवेति॥ ७॥
Paryyankika bhajam alam kumaram prasvapayantyah akhila gopakanyah, jaguh prabandha svara tala bandha govinda damodara madhava iti.
All the gopi maidens, putting the little boy lying in the cradle to sleep, sang songs set to melody and rhythm: "Govinda, Damodara, Madhava!"
Word by word
- Shloka 8
रामानुजं वीक्षणकेलिलोलं गोपी गृहीत्वा नवनीतगोलम्। आबालकं बालकमाजुहाव गोविन्द दामोदर माधवेति॥ ८॥
Ramanujam vikshana keli lolam gopi grihitva navanita golam, Aabalakam balakam Aajuhava govinda damodara madhava iti.
A gopi, holding up a ball of butter, called the younger brother of Balarama, the child eager to play with glances, together with the other little ones: "Govinda, Damodara, Madhava!"
Word by word
- Shloka 9
अङ्काधिरूढं शिशुगोपगूढं स्तनं धयन्तं कमलैककान्तम्। सम्बोधयामास मुदा यशोदा गोविन्द दामोदर माधवेति॥ ९॥
Anka adhirudham shishu gopa gudham stanam dhayantam kamala eka kantam, sambodhayamasa muda yashoda govinda damodara madhava iti.
Seated on her lap was the Supreme, hidden in the form of a little cowherd boy, drinking her milk, the one beloved of Kamala. Yashoda joyfully called to Him, "Govinda, Damodara, Madhava!"
Word by word
- Shloka 10
क्रीडन्तमन्तर्व्रजमात्मजं स्वं समं वयस्यैः पशुपालबालैः। प्रेम्णा यशोदा प्रजुहाव कृष्णं गोविन्द दामोदर माधवेति॥ १०॥
Kridantam antah brajam Aatmajam svam samam vayasyaih pashupala balaih, premna yashoda prajuhava krishnam govinda damodara madhava iti.
Her own son Krishna was playing inside Vraja with His friends, the cowherd boys. Yashoda lovingly called Him, "Govinda, Damodara, Madhava!"
Word by word
- Shloka 11
यशोदया गाढमुलूखलेन गोकण्ठपाशेन निबध्यमानः। रुरोद मन्दं नवनीतभोजी गोविन्द दामोदर माधवेति॥ ११॥
Yashodaya gadham ulukhalena go kantha pashena nibadhyamanah, ruroda mandam navanita bhoji govinda damodara madhava iti.
Tied tightly to the mortar by Yashoda with a rope used for the cows' necks, the butter-eater cried softly, "Govinda, Damodara, Madhava!"
Word by word
- Shloka 12
निजाङ्गणे कङ्कणकेलिलोलं गोपी गृहीत्वा नवनीतगोलम्। आमर्दयत्पाणितलेन नेत्रे गोविन्द दामोदर माधवेति॥ १२॥
Nija angane kankana keli lolam gopi grihitva navanita golam, Aamardayat panitalena netre govinda damodara madhava iti.
In her own courtyard, a gopi took a ball of butter and, with her palm, gently rubbed the eyes of the child who was eager to play with her bangles, saying, "Govinda, Damodara, Madhava!"
Word by word
- Shloka 13
गृहे गृहे गोपवधूकदम्बाः सर्वे मिलित्वा समवाययोगे। पुण्यानि नामानि पठन्ति नित्यं गोविन्द दामोदर माधवेति॥ १३॥
Grihe grihe gopavadhu kadambah sarve militva samavaya yoge, punyani namani pathanti nityam govinda damodara madhava iti.
In house after house, groups of gopi women gather together and every day recite the sacred names, "Govinda, Damodara, Madhava!"
Word by word
- Shloka 14
मन्दारमूले वदनाभिरामं बिम्बाधरे पूरितवेणुनादम्। गोगोपगोपीजनमध्यसंस्थं गोविन्द दामोदर माधवेति॥ १४॥
Mandara mule vadana abhiramam bimba adhare purita venu nadam, go gopa gopijana madhya sanstham govinda damodara madhava iti.
At the foot of the Mandara tree stands the one with a charming face, filling the flute with music from His bimba-red lips, standing in the midst of the cows, cowherds and gopis. He is Govinda, Damodara, Madhava!
Word by word
- Shloka 15
उत्थाय गोप्योऽपररात्रभागे स्मृत्वा यशोदासुतबालकेलिम्। गायन्ति प्रोच्चैर्दधि मन्थयन्त्यो गोविन्द दामोदर माधवेति॥ १५॥
Utthaya gopyah apara ratri bhage smritva yashoda suta bala kelim, gayanti prochchaih dadhi manthayantyah govinda damodara madhava iti.
Rising in the last part of the night, the gopis remember the childhood play of Yashoda's son and, while churning curd, sing loudly, "Govinda, Damodara, Madhava!"
Word by word
- Shloka 16
जग्धोऽथ दत्तो नवनीतपिण्डो गृहे यशोदा विचिकित्सयन्ती। उवाच सत्यं वद हे मुरारे गोविन्द दामोदर माधवेति॥ १६॥
Jagdhah atha dattah navanita pindah grihe yashoda vichikitsayanti, uvacha satyam vada he murare govinda damodara madhava iti.
Unsure whether the lump of butter at home had been eaten or given away, Yashoda said, "Tell the truth, O Murari, Govinda, Damodara, Madhava!"
Word by word
- Shloka 17
अभ्यर्च्य गेहं युवतिः प्रवृद्धप्रेमप्रवाहा दधि निर्ममन्थ। गायन्ति गोप्योऽथ सखीसमेता गोविन्द दामोदर माधवेति॥ १७॥
Abhyarchya geham yuvatih pravriddha prema pravaha dadhi nirmamantha, gayanti gopyah atha sakhi sametah govinda damodara madhava iti.
After worshipping in her home, a young woman, with love flowing ever stronger, churned the curd. Then the gopis, together with their friends, sing, "Govinda, Damodara, Madhava!"
Word by word
- Shloka 18
क्वचित् प्रभाते दधिपूर्णपात्रे निक्षिप्य मन्थं युवती मुकुन्दम्। आलोक्य गानं विविधं करोति गोविन्द दामोदर माधवेति॥ १८॥
Kvachit prabhate dadhi purna patre nikshipya mantham yuvati mukundam, Aalokya ganam vividham karoti govinda damodara madhava iti.
Sometimes at dawn, a young woman puts the churning rod into a pot full of curd and, gazing at Mukunda, sings many songs: "Govinda, Damodara, Madhava!"
Word by word
- Shloka 19
क्रीडापरं भोजनमज्जनार्थं हितैषिणी स्त्री तनुजं यशोदा। आजूहवत् प्रेमपरिप्लुताक्षी गोविन्द दामोदर माधवेति॥ १९॥
Kridaparam bhojanamajjanartham hitaishini stri tanujam yashoda, Aajuhavat premapariplutakshi govinda damodara madhaveti.
Yashoda, always caring for her son's well-being, called her playful child to come for his meal and bath. Her eyes brimmed with love as she called, 'Govinda, Damodara, Madhava!'
Word by word
- Shloka 20
सुखं शयानं निलये च विष्णुं देवर्षिमुख्या मुनयः प्रपन्नाः। तेनाच्युते तन्मयतां व्रजन्ति गोविन्द दामोदर माधवेति॥ २०॥
Sukham shayanam nilaye cha vishnum devarshimukhya munayah prapannah, tenachyute tanmayatam vrajanti govinda damodara madhaveti.
The great sages, led by the foremost divine rishis, took refuge in Bhagwan Vishnu resting peacefully in his abode. By calling 'Govinda, Damodara, Madhava' they become fully absorbed in Achyuta.
Word by word
- Shloka 21
विहाय निद्रामरुणोदये च विधाय कृत्यानि च विप्रमुख्याः। वेदावसाने प्रपठन्ति नित्यं गोविन्द दामोदर माधवेति॥ २१॥
Vihaya nidramarunodaye cha vidhaya krityani cha vipramukhyah, vedavasane prapathanti nityam govinda damodara madhaveti.
Rising from sleep at dawn and finishing their daily duties, the eminent Brahmins recite every day, at the close of their Vedic study, 'Govinda, Damodara, Madhava'.
Word by word
- Shloka 22
वृन्दावने गोपगणाश्च गोप्यो विलोक्य गोविन्दवियोगखिन्नाम्। राधां जगुः साश्रुविलोचनाभ्यां गोविन्द दामोदर माधवेति॥ २२॥
Vrindavane gopaganashcha gopyo vilokya govindaviyogakhinnam, radham jaguh sashruvilochanabhyam govinda damodara madhaveti.
In Vrindavan, the cowherd boys and the gopis saw Radha grieving in separation from Govinda. With tear-filled eyes they sang, 'Govinda, Damodara, Madhava'.
Word by word
- Shloka 23
प्रभातसञ्चारगता नु गावस्तद्रक्षणार्थं तनयं यशोदा। प्राबोधयत् पाणितलेन मन्दं गोविन्द दामोदर माधवेति॥ २३॥
Prabhatasancharagata nu gavastadrakshanartham tanayam yashoda, prabodhayat panitalena mandam govinda damodara madhaveti.
The cows had set out for their morning grazing. So that they would be looked after, Yashoda gently woke her son with the palm of her hand, saying, 'Govinda, Damodara, Madhava'.
Word by word
- Shloka 24
प्रवालशोभा इव दीर्घकेशा वाताम्बुपर्णाशनपूतदेहाः। मूले तरूणां मुनयः पठन्ति गोविन्द दामोदर माधवेति॥ २४॥
Pravalashobha iva dirghakesha vatambuparnashanaputadehah, mule tarunam munayah pathanti govinda damodara madhaveti.
Sages with long hair glowing like coral, their bodies purified by living on air, water and leaves, sit at the roots of trees and recite 'Govinda, Damodara, Madhava'.
Word by word
- Shloka 25
एवं ब्रुवाणा विरहातुरा भृशं व्रजस्त्रियः कृष्णविषक्तमानसाः। विसृज्य लज्जां रुरुदुः स्म सुस्वरं गोविन्द दामोदर माधवेति॥ २५॥
Evam bruvana virahatura bhrisham vrajastriyah krishnavishaktamanasah, visrijya lajjam ruruduh sma susvaram govinda damodara madhaveti.
Speaking this way, the women of Vraja, deeply pained by separation and with hearts fixed on Krishna, set aside all shyness and wept aloud in sweet voices, 'Govinda, Damodara, Madhava'.
Word by word
- Shloka 26
गोपी कदाचिन्मणिपिञ्जरस्थं शुकं वचो वाचयितुं प्रवृत्ता। आनन्दकन्द व्रजचन्द्र कृष्ण गोविन्द दामोदर माधवेति॥ २६॥
Gopi kadachinmanipinjarastham shukam vacho vachayitum pravritta, Aanandakanda vrajachandra krishna govinda damodara madhaveti.
Once a gopi began teaching a parrot in a jewelled cage to say, 'Root of all joy, moon of Vraja, Krishna, Govinda, Damodara, Madhava'.
Word by word
- Shloka 27
गोवत्सबालैः शिशुकाकपक्षं बध्नन्तमम्भोजदलायताक्षम्। उवाच माता चिबुकं गृहीत्वा गोविन्द दामोदर माधवेति॥ २७॥
Govatsabalaih shishukakapaksham badhnantamambhojadalayataksham, uvacha mata chibukam grihitva govinda damodara madhaveti.
The lotus-eyed child, his boyish side-locks tied up, was playing among the calves and cowherd boys. His mother lifted his chin and said, 'Govinda, Damodara, Madhava'.
Word by word
- Shloka 28
प्रभातकाले वरवल्लवौघा गोरक्षणार्थं धृतवेत्रदण्डाः। आकारयामासुरनन्तमाद्यं गोविन्द दामोदर माधवेति॥ २८॥
Prabhatakale varavallavaugha gorakshanartham dhritavetradandah, Aakarayamasuranantamadyam govinda damodara madhaveti.
At daybreak, bands of good cowherds holding cane sticks for tending the cows called out to the endless, primal one, 'Govinda, Damodara, Madhava'.
Word by word
- Shloka 29
जलाशये कालियमर्दनाय यदा कदम्बादपतन्मुरारिः। गोपाङ्गनाश्चुक्रुशुरेत्य गोपा गोविन्द दामोदर माधवेति॥ २९॥
Jalashaye kaliyamardanaya yada kadambadapatanmurarih, gopanganashchukrushuretya gopa govinda damodara madhaveti.
When Murari leapt from the kadamba tree into the lake to subdue Kaliya, the gopis and cowherds came running and cried out, 'Govinda, Damodara, Madhava'.
Word by word
- Shloka 30
अक्रूरमासाद्य यदा मुकुन्दश्चापोत्सवार्थं मथुरां प्रविष्टः। तदा स पौरैर्जयतीत्यभाषि गोविन्द दामोदर माधवेति॥ ३०॥
Akruramasadya yada mukundashchapotsavartham mathuram pravishtah, tada sa paurairjayatityabhashi govinda damodara madhaveti.
When Mukunda, together with Akrura, entered Mathura for the festival of the bow, the townspeople hailed him with 'Victory!' and said, 'Govinda, Damodara, Madhava'.
Word by word
- Shloka 31
कंसस्य दूतेन यदैव नीतौ वृन्दावनान्ताद् वसुदेवसूनू। रुरोद गोपी भवनस्य मध्ये गोविन्द दामोदर माधवेति॥ ३१॥
Kansasya dutena yadaiva nitau vrindavanantad vasudevasunu, ruroda gopi bhavanasya madhye govinda damodara madhaveti.
When the two sons of Vasudeva were taken away from Vrindavan by Kamsa's messenger, a gopi wept inside her home, 'Govinda, Damodara, Madhava'.
Word by word
- Shloka 32
सरोवरे कालियनागबद्धं शिशुं यशोदातनयं निशम्य। चक्रुर्लुठन्त्यः पथि गोपबाला गोविन्द दामोदर माधवेति॥ ३२॥
Sarovare kaliyanagabaddham shishum yashodatanayam nishamya, chakrurluthantyah pathi gopabala govinda damodara madhaveti.
Hearing that Yashoda's little son was caught in the coils of the serpent Kaliya in the lake, the young gopis rolled on the path, crying 'Govinda, Damodara, Madhava'.
Word by word
- Shloka 33
अक्रूरयाने यदुवंशनाथं संगच्छमानं मथुरां निरीक्ष्य। ऊचुर्वियोगात् किल गोपबाला गोविन्द दामोदर माधवेति॥ ३३॥
Akrurayane yaduvanshanatham sangachchhamanam mathuram nirikshya, uchurviyogat kila gopabala govinda damodara madhaveti.
Seeing the master of the Yadu clan going to Mathura in Akrura's chariot, the young gopis, pained by separation, said 'Govinda, Damodara, Madhava'.
Word by word
- Shloka 34
चक्रन्द गोपी नलिनीवनान्ते कृष्णेन हीना कुसुमे शयाना। प्रफुल्लनीलोत्पललोचनाभ्यां गोविन्द दामोदर माधवेति॥ ३४॥
Chakranda gopi nalinivanante krishnena hina kusume shayana, praphullanilotpalalochanabhyam govinda damodara madhaveti.
At the edge of a lotus grove, a gopi lying on a bed of flowers, alone without Krishna, cried out with eyes like blossoming blue lotuses, 'Govinda, Damodara, Madhava'.
Word by word
- Shloka 35
मातापितृभ्यां परिवार्यमाणा गेहं प्रविष्टा विललाप गोपी। आगत्य मां पालय विश्वनाथ गोविन्द दामोदर माधवेति॥ ३५॥
Matapitribhyam parivaryamana geham pravishta vilalapa gopi, Aagatya mam palaya vishvanatha govinda damodara madhaveti.
Kept back by her parents, a gopi went into the house and lamented, 'Come and protect me, master of the universe! Govinda, Damodara, Madhava'.
Word by word
- Shloka 36
वृन्दावनस्थं हरिमाशु बुद्ध्वा गोपी गता कापि वनं निशायाम्। तत्राप्यदृष्ट्वातिभयादवोचद् गोविन्द दामोदर माधवेति॥ ३६॥
Vrindavanastham harimashu buddhva gopi gata kapi vanam nishayam, tatrapyadrishtvatibhayadavochad govinda damodara madhaveti.
Thinking that Hari was in Vrindavan, a gopi hurried to the forest at night. Not finding him even there, she called out in deep distress, 'Govinda, Damodara, Madhava'.
Word by word
- Shloka 37
सुखं शयाना निलये निजेऽपि नामानि विष्णोः प्रवदन्ति मर्त्याः। ते निश्चितं तन्मयतां व्रजन्ति गोविन्द दामोदर माधवेति॥ ३७॥
Sukham shayana nilaye nijepi namani vishnoh pravadanti martyah, te nishchitam tanmayatam vrajanti govinda damodara madhaveti.
People who speak the names of Bhagwan Vishnu even while resting at ease in their own homes, saying 'Govinda, Damodara, Madhava': the text says they surely become absorbed in him.
Word by word
- Shloka 38
सा नीरजाक्षीमवलोक्य राधां रुरोद गोविन्दवियोगखिन्नाम्। सखी प्रफुल्लोत्पललोचनाभ्यां गोविन्द दामोदर माधवेति॥ ३८॥
Sa nirajakshimavalokya radham ruroda govindaviyogakhinnam, sakhi praphullotpalalochanabhyam govinda damodara madhaveti.
Seeing lotus-eyed Radha grieving in separation from Govinda, her friend wept with eyes like blossoming lotuses, 'Govinda, Damodara, Madhava'.
Word by word
- Shloka 39
जिह्वे रसज्ञे मधुरप्रिया त्वं सत्यं हितं त्वां परमं वदामि। आवर्णयेथा मधुराक्षराणि गोविन्द दामोदर माधवेति॥ ३९॥
Jihve rasagye madhurapriya tvam satyam hitam tvam paramam vadami, Aavarnayetha madhuraksharani govinda damodara madhaveti.
O tongue, you know every taste and love what is sweet. I tell you the truest and highest good: keep repeating these sweet syllables, 'Govinda, Damodara, Madhava'.
Word by word
- Shloka 40
आत्यन्तिकव्याधिहरं जनानां चिकित्सकं वेदविदो वदन्ति। संसारतापत्रयनाशबीजं गोविन्द दामोदर माधवेति॥ ४०॥
Aatyantikavyadhiharam jananam chikitsakam vedavido vadanti, sansaratapatrayanashabijam govinda damodara madhaveti.
The knowers of the Veda call 'Govinda, Damodara, Madhava' the healer that removes the deepest ailment of people, the seed that ends the threefold suffering of worldly life.
Word by word
- Shloka 41
ताताज्ञया गच्छति रामचन्द्रे सलक्ष्मणेऽरण्यचये ससीते। चक्रन्द रामस्य निजा जनित्री गोविन्द दामोदर माधवेति॥ ४१॥
Tatagyaya gachchhati ramachandre salakshmaneranyachaye sasite, chakranda ramasya nija janitri govinda damodara madhaveti.
When Ramachandra, at his father's command, left for the forests with Lakshmana and Sita, Rama's own mother cried, 'Govinda, Damodara, Madhava'.
Word by word
- Shloka 42
एकाकिनी दण्डककाननान्तात् सा नीयमाना दशकन्धरेण। सीता तदाक्रन्ददनन्यनाथा गोविन्द दामोदर माधवेति॥ ४२॥
Ekakini dandakakananantat sa niyamana dashakandharena, sita tadakrandadananyanatha govinda damodara madhaveti.
As she was carried away alone from the Dandaka forest by ten-headed Ravana, Sita, who had no protector but him, cried out, 'Govinda, Damodara, Madhava'.
Word by word
- Shloka 43
रामाद्वियुक्ता जनकात्मजा सा विचिन्तयन्ती हृदि रामरूपम्। रुरोद सीता रघुनाथ पाहि गोविन्द दामोदर माधवेति॥ ४३॥
Ramadviyukta janakatmaja sa vichintayanti hridi ramarupam, ruroda sita raghunatha pahi govinda damodara madhaveti.
Separated from Rama, Janaka's daughter Sita held Rama's form in her heart and wept, 'Raghunath, protect me! Govinda, Damodara, Madhava'.
Word by word
- Shloka 44
प्रसीद विष्णो रघुवंशनाथ सुरासुराणां सुखदुःखहेतो। रुरोद सीता तु समुद्रमध्ये गोविन्द दामोदर माधवेति॥ ४४॥
Prasida vishno raghuvanshanatha surasuranam sukhaduhkhaheto, ruroda sita tu samudramadhye govinda damodara madhaveti.
'Be gracious, O Vishnu, master of the Raghu line, you who are the cause of joy and sorrow for gods and asuras alike.' So Sita wept in the middle of the ocean, 'Govinda, Damodara, Madhava'.
Word by word
- Shloka 45
अन्तर्जले ग्राहगृहीतपादो विसृष्टविक्लिष्टसमस्तबन्धुः। तदा गजेन्द्रो नितरां जगाद गोविन्द दामोदर माधवेति॥ ४५॥
Antarjale grahagrihitapado visrishtaviklishtasamastabandhuh, tada gajendro nitaram jagada govinda damodara madhaveti.
Under the water, his foot seized by a crocodile and left alone by all his exhausted kin, Gajendra the elephant king called out with all his heart, 'Govinda, Damodara, Madhava'.
Word by word
- Shloka 46
हंसध्वजः शङ्खयुतो ददर्श पुत्रं कटाहे प्रपतन्तमेनम्। पुण्यानि नामानि हरेर्जपन्तं गोविन्द दामोदर माधवेति॥ ४६॥
Hansadhvajah shankhayuto dadarsha putram katahe prapatantamenam, punyani namani harerjapantam govinda damodara madhaveti.
King Hamsadhvaja, together with Shankha, saw his son falling into the cauldron while chanting the sacred names of Hari, 'Govinda, Damodara, Madhava'.
Word by word
- Shloka 47
दुर्वाससो वाक्यमुपेत्य कृष्णा सा चाब्रवीत् काननवासिनीशम्। अन्तः प्रविष्टं मनसा जुहाव गोविन्द दामोदर माधवेति॥ ४७॥
Durvasaso vakyamupetya krishna sa chabravit kananavasinisham, antah pravishtam manasa juhava govinda damodara madhaveti.
Faced with Durvasa's demand, Draupadi, then living in the forest, turned to Prabhu. In her mind she called upon him who dwells within, 'Govinda, Damodara, Madhava'.
Word by word
- Shloka 48
ध्येयः सदा योगिभिरप्रमेयश्चिन्ताहरश्चिन्तितपारिजातः। कस्तूरिकाकल्पितनीलवर्णो गोविन्द दामोदर माधवेति॥ ४८॥
Dhyeyah sada yogibhiraprameyashchintaharashchintitaparijatah, kasturikakalpitanilavarno govinda damodara madhaveti.
He is ever meditated on by yogis and is beyond all measure. He removes worry, is a wish-granting parijata tree for those who think of him, and has a dark complexion as if made of musk: Govinda, Damodara, Madhava.
Word by word
- Shloka 49
संसारकूपे पतितोऽत्यगाधे मोहान्धपूर्णे विषयाभितप्ते। करावलम्बं मम देहि विष्णो गोविन्द दामोदर माधवेति॥ ४९॥
Sansarakupe patitotyagadhe mohandhapurne vishayabhitapte, karavalambam mama dehi vishno govinda damodara madhaveti.
I have fallen into the bottomless well of worldly life, full of the blindness of delusion and scorched by sense desires. O Vishnu, give me the support of your hand. Govinda, Damodara, Madhava.
Word by word
- Shloka 50
त्वामेव याचे मम देहि जिह्वे समागते दण्डधरे कृतान्ते। वक्तव्यमेवं मधुरं सुभक्त्या गोविन्द दामोदर माधवेति॥ ५०॥
Tvameva yache mama dehi jihve samagate dandadhare kritante, vaktavyamevam madhuram subhaktya govinda damodara madhaveti.
O tongue, I ask only this of you: at the final moment, when Yama the staff-bearer arrives, let me say these sweet words with deep devotion, 'Govinda, Damodara, Madhava'.
Word by word
- Shloka 51
भजस्व मन्त्रं भवबन्धमुक्त्यै जिह्वे रसज्ञे सुलभं मनोज्ञम्। द्वैपायनाद्यैर्मुनिभिः प्रजप्तं गोविन्द दामोदर माधवेति॥ ५१॥
Bhajasva mantram bhavabandhamuktyai jihve rasagye sulabham manogyam, dvaipayanadyairmunibhih prajaptam govinda damodara madhaveti.
O tongue, knower of tastes, take up this mantra for release from worldly bondage. It is easy and delightful, and was chanted by Vyasa and other sages: 'Govinda, Damodara, Madhava'.
Word by word
- Shloka 52
गोपाल वंशीधर रूपसिन्धो लोकेश नारायण दीनबन्धो। उच्चस्वरैस्त्वं वद सर्वदैव गोविन्द दामोदर माधवेति॥ ५२॥
Gopala vanshidhara rupasindho lokesha narayana dinabandho, uchchasvaraistvam vada sarvadaiva govinda damodara madhaveti.
Gopala, holder of the flute, ocean of beauty, master of the worlds, Narayana, friend of the humble: always say aloud 'Govinda, Damodara, Madhava'.
Word by word
- Shloka 53
जिह्वे सदैवं भज सुन्दराणि नामानि कृष्णस्य मनोहराणि। समस्तभक्तार्तिविनाशनानि गोविन्द दामोदर माधवेति॥ ५३॥
Jihve sadaivam bhaja sundarani namani krishnasya manoharani, samastabhaktartivinashanani govinda damodara madhaveti.
O tongue, always sing the beautiful and enchanting names of Krishna that remove the distress of all devotees: 'Govinda, Damodara, Madhava'.
Word by word
- Shloka 54
गोविन्द गोविन्द हरे मुरारे गोविन्द गोविन्द मुकुन्द कृष्ण। गोविन्द गोविन्द रथाङ्गपाणे गोविन्द दामोदर माधवेति॥ ५४॥
Govinda govinda hare murare govinda govinda mukunda krishna, govinda govinda rathangapane govinda damodara madhaveti.
Govinda, Govinda, Hari, Murari; Govinda, Govinda, Mukunda, Krishna; Govinda, Govinda, holder of the discus; Govinda, Damodara, Madhava.
Word by word
- Shloka 55
सुखावसाने त्विदमेव सारं दुःखावसाने त्विदमेव गेयम्। देहावसाने त्विदमेव जाप्यं गोविन्द दामोदर माधवेति॥ ५५॥
Sukhavasane tvidameva saram duhkhavasane tvidameva geyam, dehavasane tvidameva japyam govinda damodara madhaveti.
When happiness ends, this alone is the essence; when sorrow ends, this alone is to be sung; when the body's time ends, this alone is to be chanted: 'Govinda, Damodara, Madhava'.
Word by word
- Shloka 56
दुर्वारवाक्यं परिगृह्य कृष्णा मृगीव भीता तु कथं कथञ्चित्। सभां प्रविष्टा मनसाजुहाव गोविन्द दामोदर माधवेति॥ ५६॥
Durvaravakyam parigrihya krishna mrigiva bhita tu katham kathanchit, sabham pravishta manasajuhava govinda damodara madhaveti.
Hearing the harsh command that could not be refused, Draupadi, trembling like a doe, somehow entered the assembly hall and called in her mind, 'Govinda, Damodara, Madhava'.
Word by word
- Shloka 57
श्रीकृष्ण राधावर गोकुलेश गोपाल गोवर्धननाथ विष्णो। जिह्वे पिबस्वामृतमेतदेव गोविन्द दामोदर माधवेति॥ ५७॥
Shrikrishna radhavara gokulesha gopala govardhananatha vishno, jihve pibasvamritametadeva govinda damodara madhaveti.
Shri Krishna, beloved of Radha, master of Gokul, Gopala, master of Govardhan, Vishnu: O tongue, drink only this nectar, 'Govinda, Damodara, Madhava'.
Word by word
- Shloka 58
श्रीनाथ विश्वेश्वर विश्वमूर्ते श्रीदेवकीनन्दन दैत्यशत्रो। जिह्वे पिबस्वामृतमेतदेव गोविन्द दामोदर माधवेति॥ ५८॥
Shrinatha vishveshvara vishvamurte shridevakinandana daityashatro, jihve pibasvamritametadeva govinda damodara madhaveti.
Master of Shri, ruler of the universe, the universe in form, beloved son of Devaki, foe of the daityas: O tongue, drink only this nectar, 'Govinda, Damodara, Madhava'.
Word by word
- Shloka 59
गोपीपते कंसरिपो मुकुन्द लक्ष्मीपते केशव वासुदेव। जिह्वे पिबस्वामृतमेतदेव गोविन्द दामोदर माधवेति॥ ५९॥
Gopipate kansaripo mukunda lakshmipate keshava vasudeva, jihve pibasvamritametadeva govinda damodara madhaveti.
Master of the gopis, foe of Kamsa, Mukunda, husband of Lakshmi, Keshava, Vasudeva: O tongue, drink only this nectar, 'Govinda, Damodara, Madhava'.
Word by word
- Shloka 60
गोपीजनाह्लादकर व्रजेश गोचारणारण्यकृतप्रवेश। जिह्वे पिबस्वामृतमेतदेव गोविन्द दामोदर माधवेति॥ ६०॥
Gopijanahladakara vrajesha gocharanaranyakritapravesha, jihve pibasvamritametadeva govinda damodara madhaveti.
You who delight the gopis, master of Vraja, who go into the forest to graze the cows: O tongue, drink only this nectar, 'Govinda, Damodara, Madhava'.
Word by word
- Shloka 61
प्राणेश विश्वम्भर कैटभारे वैकुण्ठ नारायण चक्रपाणे। जिह्वे पिबस्वामृतमेतदेव गोविन्द दामोदर माधवेति॥ ६१॥
Pranesha vishvambhara kaitabhare vaikuntha narayana chakrapane, jihve pibasvamritametadeva govinda damodara madhaveti.
Master of life, sustainer of the world, slayer of Kaitabha, Vaikuntha, Narayana, holder of the discus: O tongue, drink only this nectar, 'Govinda, Damodara, Madhava'.
Word by word
- Shloka 62
हरे मुरारे मधुसूदनाद्य श्रीराम सीतावर रावणारे। जिह्वे पिबस्वामृतमेतदेव गोविन्द दामोदर माधवेति॥ ६२॥
Hare murare madhusudanadya shrirama sitavara ravanare, jihve pibasvamritametadeva govinda damodara madhaveti.
Hari, Murari, Madhusudana, primal one, Shri Rama, husband of Sita, foe of Ravana: O tongue, drink only this nectar, 'Govinda, Damodara, Madhava'.
Word by word
- Shloka 63
श्रीयादवेन्द्राद्रिधराम्बुजाक्ष गोगोपगोपीसुखदानदक्ष। जिह्वे पिबस्वामृतमेतदेव गोविन्द दामोदर माधवेति॥ ६३॥
Shriyadavendradridharambujaksha gogopagopisukhadanadaksha, jihve pibasvamritametadeva govinda damodara madhaveti.
Chief of the Yadavas, lifter of the mountain, lotus-eyed one, skilled in giving joy to the cows, cowherds and gopis: O tongue, drink only this nectar, 'Govinda, Damodara, Madhava'.
Word by word
- Shloka 64
धराभरोत्तारणगोपवेष विहारलीलाकृतबन्धुशेष। जिह्वे पिबस्वामृतमेतदेव गोविन्द दामोदर माधवेति॥ ६४॥
Dharabharottaranagopavesha viharalilakritabandhushesha, jihve pibasvamritametadeva govinda damodara madhaveti.
You who took the form of a cowherd to lift the burden of the earth, and who made Shesha your brother in play: O tongue, drink only this nectar, 'Govinda, Damodara, Madhava'.
Word by word
- Shloka 65
बकीबकाघासुरधेनुकारे केशीतृणावर्तविघातदक्ष। जिह्वे पिबस्वामृतमेतदेव गोविन्द दामोदर माधवेति॥ ६५॥
Bakibakaghasuradhenukare keshitrinavartavighatadaksha, jihve pibasvamritametadeva govinda damodara madhaveti.
Foe of Putana, Baka, Aghasura and Dhenuka, skilled in slaying Keshi and Trinavarta: O tongue, drink only this nectar, 'Govinda, Damodara, Madhava'.
Word by word
- Shloka 66
श्रीजानकीजीवन रामचन्द्र निशाचरारे भरताग्रजेश। जिह्वे पिबस्वामृतमेतदेव गोविन्द दामोदर माधवेति॥ ६६॥
Shrijanakijivana ramachandra nishacharare bharatagrajesha, jihve pibasvamritametadeva govinda damodara madhaveti.
Life of Janaki, Ramachandra, foe of the night-wandering demons, elder brother and master of Bharata: O tongue, drink only this nectar, 'Govinda, Damodara, Madhava'.
Word by word
- Shloka 67
नारायणानन्त हरे नृसिंह प्रह्लादबाधाहर हे कृपालो। जिह्वे पिबस्वामृतमेतदेव गोविन्द दामोदर माधवेति॥ ६७॥
Narayanananta hare nrisinha prahladabadhahara he kripalo, jihve pibasvamritametadeva govinda damodara madhaveti.
Narayana, endless one, Hari, Nrisimha, remover of Prahlada's troubles, O compassionate one: O tongue, drink only this nectar, 'Govinda, Damodara, Madhava'.
Word by word
- Shloka 68
लीलामनुष्याकृतिरामरूप प्रतापदासीकृतसर्वभूप। जिह्वे पिबस्वामृतमेतदेव गोविन्द दामोदर माधवेति॥ ६८॥
Lilamanushyakritiramarupa pratapadasikritasarvabhupa, jihve pibasvamritametadeva govinda damodara madhaveti.
You who, as Rama, took a human form in divine play, and whose glory made all kings your servants: O tongue, drink only this nectar, 'Govinda, Damodara, Madhava'.
Word by word
- Shloka 69
विचित्रवर्णाभरणाभिरामेऽभिधेहि वक्त्राम्बुजराजहंसि। सदा मदीये रसनेऽग्ररङ्गे गोविन्द दामोदर माधवेति॥ ६९॥
Vichitra varna Aabharana abhirame abhidhehi vaktra ambuja rajahansi, sada madiye rasane agra range govinda damodara madhava iti.
O my tongue, beautiful with ornaments of many colours, royal swan of the lotus of my mouth, dancing on the front stage, always say, "Govinda, Damodara, Madhava!"
Word by word
- Shloka 70
श्रीकृष्ण गोविन्द हरे मुरारे हे नाथ नारायण वासुदेव। जिह्वे पिबस्वामृतमेतदेव गोविन्द दामोदर माधवेति॥ ७०॥
Shrikrishna govinda hare murare he natha narayana vasudeva, jihve pibasvamritametadeva govinda damodara madhaveti.
Shri Krishna, Govinda, Hari, Murari, O master, Narayana, Vasudeva: O tongue, drink only this nectar, 'Govinda, Damodara, Madhava'.
Word by word
About this text
Govinda Damodara Stotram is a Sanskrit hymn to Bhagwan Krishna in which every verse ends by calling His three names: Govinda, Damodara and Madhava.
When it is recited: Janmashtami, Ekadashi, Kartik month, Daily morning or evening prayer, Satsang and bhajan gatherings
