Stotra · Bhagwan Kartikeya Murugan
Subramanya Bhujangam
सुब्रह्मण्यभुजङ्गम्
- Shloka 1
सदा बालरूपापि विघ्नाद्रिहन्त्री महादन्तिवक्त्रापि पञ्चास्यमान्या । विधीन्द्रादिमृग्या गणेशाभिधा मे विधत्तां श्रियं कापि कल्याणमूर्तिः ॥१॥
Sada balarupapi vighnadrihantri mahadantivaktrapi panchasyamanya, vidhindradimrigya ganeshabhidha me vidhattam shriyam kapi kalyanamurtih.
Though always in the form of a child, it breaks down mountains of obstacles. Though it has the face of a great elephant, it is honoured by the five-faced Shiva. Sought by Brahma, Indra and others, and known as Ganesha, may that wondrous auspicious form grant me prosperity.
Word by word
- Shloka 2
न जानामि शब्दं न जानामि चार्थं न जानामि पद्यं न जानामि गद्यम् । चिदेका षडास्या हृदि द्योतते मे मुखान्निःसरन्ते गिरश्चापि चित्रम् ॥२॥
Na janami shabdam na janami chartham na janami padyam na janami gadyam, chideka shadasya hridi dyotate me mukhannihsarante girashchapi chitram.
I do not know words, nor their meanings. I do not know verse, nor prose. Yet one six-faced consciousness shines in my heart, and wondrous words flow from my mouth.
Word by word
- Shloka 3
मयूराधिरूढं महावाक्यगूढं मनोहारिदेहं महच्चित्तगेहम् । महीदेवदेवं महावेदभावं महादेवबालं भजे लोकपालम् ॥३॥
Mayuradhirudham mahavakyagudham manoharideham mahachchittageham, mahidevadevam mahavedabhavam mahadevabalam bhaje lokapalam.
I worship the protector of the worlds, the son of Mahadeva. He rides the peacock, is hidden within the great sayings of the Upanishads, has a charming form, and dwells in the hearts of great souls. He is the deity of the learned and the very essence of the Vedas.
Word by word
- Shloka 4
यदा संनिधानं गता मानवा मे भवाम्भोधिपारं गतास्ते तदैव । इति व्यञ्जयन्सिन्धुतीरे य आस्ते तमीडे पवित्रं पराशक्तिपुत्रम् ॥४॥
Yada sannidhanam gata manava me bhavambhodhiparam gataste tadaiva, iti vyanjayansindhutire ya Aaste tamide pavitram parashaktiputram.
"When people come into my presence, they cross the ocean of worldly life at that very moment." As if to show this, he stays on the seashore. I praise him, the pure son of Parashakti.
Word by word
- Shloka 5
यथाब्धेस्तरङ्गा लयं यान्ति तुङ्गास्तथैवापदः संनिधौ सेवतां मे । इतीवोर्मिपङ्क्तीर्नृणां दर्शयन्तं सदा भावये हृत्सरोजे गुहं तम् ॥५॥
Yathabdhestaranga layam yanti tungastathaivapadah sannidhau sevatam me, itivormipanktirnrinam darshayantam sada bhavaye hritsaroje guham tam.
"Just as the tall waves of the sea settle down, so the troubles of those who serve me settle down in my presence." As if showing this to people through the rows of waves, Guha stays there. I always meditate on him in the lotus of my heart.
Word by word
- Shloka 6
गिरौ मन्निवासे नरा येऽधिरूढास्तदा पर्वते राजतेऽद्रौ तिरूढाः । इतीव ब्रुवन्गन्धशैलाधिरूढः स देवो मुदे मे सदा षण्मुखोऽस्तु ॥६॥
Girau mannivase nara yedhirudhastada parvate rajatedrau tirudhah, itiva bruvangandhashailadhirudhah sa devo mude me sada shanmukhostu.
As if saying, "People who climb the hill where I dwell are, by that very act, raised to the silver mountain Kailasa," the six-faced deity stands upon the fragrant hill. May that Bhagwan Shanmukha always bring me joy.
Word by word
- Shloka 7
महाम्भोधितीरे महापापचोरे मुनीन्द्रानुकूले सुगन्धाख्यशैले । गुहायां वसन्तं स्वभासा लसन्तं जनार्तिं हरन्तं श्रयामो गुहं तम् ॥७॥
Mahambhodhitire mahapapachore munindranukule sugandhakhyashaile, guhayam vasantam svabhasa lasantam janartim harantam shrayamo guham tam.
On the shore of the great ocean, at the hill called Sugandha, which takes away great sins and is dear to great sages, Guha lives in a cave, shining with his own light and removing people's sorrows. We take refuge in him.
Word by word
- Shloka 8
लसत्स्वर्णगेहे नृणां कामदोहे सुमस्तोमसंछन्नमाणिक्यमञ्चे । समुद्यत्सहस्रार्कतुल्यप्रकाशं सदा भावये कार्तिकेयं सुरेशम् ॥८॥
Lasatsvarnagehe nrinam kamadohe sumastomasanchhannamanikyamanche, samudyatsahasrarkatulyaprakasham sada bhavaye kartikeyam suresham.
In a shining golden shrine that fulfils people's wishes, on a jewelled seat covered with heaps of flowers, sits Kartikeya, chief of the devas, glowing like a thousand rising suns. I always meditate on him.
Word by word
- Shloka 9
रणद्धंसके मञ्जुलेऽत्यन्तशोणे मनोहारिलावण्यपीयूषपूर्णे । मनःषट्पदो मे भवक्लेशतप्तः सदा मोदतां स्कन्द ते पादपद्मे ॥९॥
Ranaddhansake manjuletyantashone manoharilavanyapiyushapurne, manahshatpado me bhavakleshataptah sada modatam skanda te padapadme.
O Skanda, your lotus feet have tinkling anklets, are lovely and deep red, and are full of the nectar of charming beauty. May the bee of my mind, scorched by the pains of worldly life, always rejoice there.
Word by word
- Shloka 10
सुवर्णाभदिव्याम्बरैर्भासमानां क्वणत्किङ्किणीमेखलाशोभमानाम् । लसद्धेमपट्टेन विद्योतमानां कटिं भावये स्कन्द ते दीप्यमानाम् ॥१०॥
Suvarnabhadivyambarairbhasamanam kvanatkinkinimekhalashobhamanam, lasaddhemapattena vidyotamanam katim bhavaye skanda te dipyamanam.
O Skanda, I meditate on your radiant waist, shining with divine golden garments, adorned with a girdle of tinkling bells, and gleaming with a golden band.
Word by word
- Shloka 11
पुलिन्देशकन्याघनाभोगतुङ्गस्तनालिङ्गनासक्तकाश्मीररागम् । नमस्यामहं तारकारे तवोरः स्वभक्तावने सर्वदा सानुरागम् ॥११॥
Pulindeshakanyaghanabhogatungastanalinganasaktakashmiraragam, namasyamaham tarakare tavorah svabhaktavane sarvada sanuragam.
O slayer of Taraka, I bow to your chest, reddened with saffron from the close embrace of Valli, daughter of the hunter chief, and always full of love in protecting your devotees.
Word by word
- Shloka 12
विधेः क्लृप्तदण्डान्स्वलीलाधृताण्डान्निरस्तेभशुण्डान्द्विषत्कालदण्डान् । हतेन्द्रारिषण्डाञ्जगत्त्राणशौण्डान्सदा ते प्रचण्डान् श्रये बाहुदण्डान् ॥१२॥
Vidheh klriptadandansvaliladhritandannirastebhashundandvishatkaladandan, hatendrarishandanjagattranashaundansada te prachandan shraye bahudandan.
O Skanda, I always take refuge in your mighty, staff-like arms: they punished Brahma, they hold the universes in play, they surpass the trunks of elephants, they are the rod of death to enemies, they destroyed the hosts of Indra's foes, and they are skilled in protecting the world.
Word by word
- Shloka 13
यदा शारदाः षण्मृगाङ्का यदि स्युः समुद्यन्त एव स्थिताश्चेत्समन्तात् । सदा पूर्णबिम्बाः कलङ्कैश्च हीनास्तदा त्वन्मुखानां ब्रुवे स्कन्द साम्यम् ॥१३॥
Yada sharadah shanmriganka yadi syuh samudyanta eva sthitashchetsamantat, sada purnabimbah kalankaishcha hinastada tvanmukhanam bruve skanda samyam.
O Skanda, if six autumn moons were to rise and stay together all around, always full and without any spot, only then could I say they are equal to your faces.
Word by word
- Shloka 14
स्फुरन्मन्दहासैः सहंसानि चञ्चत्कटाक्षावलीभृङ्गसंघोज्ज्वलानि । सुधास्यन्दिबिम्बाधराणीशसूनो तवालोकये षण्मुखाम्भोरुहाणि ॥१४॥
Sphuranmandahasaih sahansani chanchatkatakshavalibhringasanghojjvalani, sudhasyandibimbadharanishasuno tavalokaye shanmukhambhoruhani.
O son of Shiva, I gaze upon your six lotus faces. Their gentle smiles shine like swans, their moving glances are bright like swarms of bees, and their red lips flow with nectar.
Word by word
- Shloka 15
विशालेषु कर्णान्तदीर्घेष्वजस्रं दयास्यन्दिषु द्वादशस्वीक्षणेषु । मयीषत्कटाक्षः सकृत्पातितश्चेद्भवेत्ते दयाशील का नाम हानिः ॥१५॥
Vishaleshu karnantadirgheshvajasram dayasyandishu dvadashasvikshaneshu, mayishatkatakshah sakritpatitashchedbhavette dayashila ka nama hanih.
Your twelve eyes are wide, stretching to the ears, and always flowing with compassion. O kind one, if even a slight glance from them falls on me just once, what loss would it be to you?
Word by word
- Shloka 16
सुताङ्गोद्भवो मेऽसि जीवेति षड्धा जपन्मन्त्रमीशो मुदा जिघ्रते यान् । जगद्भारभृद्भ्यो जगन्नाथ तेभ्यः किरीटोज्ज्वलेभ्यो नमो मस्तकेभ्यः ॥१६॥
Sutangodbhavo mesi jiveti shaddha japanmantramisho muda jighrate yan, jagadbharabhridbhyo jagannatha tebhyah kiritojjvalebhyo namo mastakebhyah.
"You are born of my own body, my son, may you live long." Chanting this six times, Bhagwan Shiva joyfully kissed your heads. O master of the world, I bow to those six crowned heads that carry the burden of the world.
Word by word
- Shloka 17
स्फुरद्रत्नकेयूरहाराभिरामश्चलत्कुण्डलश्रीलसद्गण्डभागः । कटौ पीतवासाः करे चारुशक्तिः पुरस्तान्ममास्तां पुरारेस्तनूजः ॥१७॥
Sphuradratnakeyuraharabhiramashchalatkundalashrilasadgandabhagah, katau pitavasah kare charushaktih purastanmamastam purarestanujah.
Lovely with shining jewelled armlets and necklaces, his cheeks bright with swaying earrings, wearing yellow cloth at the waist and holding a beautiful spear: may the son of Shiva stand before me.
Word by word
- Shloka 18
इहायाहि वत्सेति हस्तान्प्रसार्याह्वयत्यादराच्छंकरे मातुरङ्कात् । समुत्पत्य तातं श्रयन्तं कुमारं हराश्लिष्टगात्रं भजे बालमूर्तिम् ॥१८॥
Ihayahi vatseti hastanprasaryahvayatyadarachchhankare maturankat, samutpatya tatam shrayantam kumaram harashlishtagatram bhaje balamurtim.
When Shankara lovingly stretched out his hands and called, "Come here, child," Kumara leapt from his mother's lap to his father. I worship that child form, held close in Hara's embrace.
Word by word
- Shloka 19
कुमारेशसूनो गुह स्कन्द सेनापते शक्तिपाणे मयूराधिरूढ । पुलिन्दात्मजाकान्त भक्तार्तिहारिन्प्रभो तारकारे सदा रक्ष मां त्वम् ॥१९॥
Kumareshasuno guha skanda senapate shaktipane mayuradhirudha, pulindatmajakanta bhaktartiharinprabho tarakare sada raksha mam tvam.
O Kumara, son of Shiva, Guha, Skanda, commander of the army, holder of the spear, rider of the peacock, beloved of Valli, remover of devotees' sorrows, O Prabhu, slayer of Taraka, always protect me.
Word by word
- Shloka 20
प्रशान्तेन्द्रिये नष्टसंज्ञे विचेष्टे कफोद्गारिवक्त्रे भयोत्कम्पिगात्रे । प्रयाणोन्मुखे मय्यनाथे तदानीं द्रुतं मे दयालो भवाग्रे गुह त्वम् ॥२०॥
Prashantendriye nashtasangye vicheshte kaphodgarivaktre bhayotkampigatre, prayanonmukhe mayyanathe tadanim drutam me dayalo bhavagre guha tvam.
When my senses have grown still, my awareness has faded, my body cannot move, my mouth fills with phlegm and my limbs tremble, when I am about to depart with no one to help me, at that time, O compassionate Guha, come quickly before me.
Word by word
- Shloka 21
कृतान्तस्य दूतेषु चण्डेषु कोपाद्दहच्छिन्द्धि भिन्द्धीति मां तर्जयत्सु । मयूरं समारुह्य मा भैरिति त्वं पुरः शक्तिपाणिर्ममायाहि शीघ्रम् ॥२१॥
Kritantasya duteshu chandeshu kopaddahachchhinddhi bhinddhiti mam tarjayatsu, mayuram samaruhya ma bhairiti tvam purah shaktipanirmamayahi shighram.
When the stern messengers of Yama speak harshly to me in anger, then, riding your peacock with the spear in hand, come quickly before me saying, "Do not be afraid."
Word by word
- Shloka 22
प्रणम्यासकृत्पादयोस्ते पतित्वा प्रसाद्य प्रभो प्रार्थयेऽनेकवारम् । न वक्तुं क्षमोऽहं तदानीं कृपाब्धे न कार्यान्तकाले मनागप्युपेक्षा ॥२२॥
Pranamyasakritpadayoste patitva prasadya prabho prarthayenekavaram, na vaktum kshamoham tadanim kripabdhe na karyantakale managapyupeksha.
Bowing again and again, falling at your feet and seeking your grace, O Prabhu, I pray to you many times now. O ocean of mercy, at that final hour I will not be able to speak, so please do not overlook me even a little then.
Word by word
- Shloka 23
सहस्राण्डभोक्ता त्वया शूरनामा हतस्तारकः सिंहवक्त्रश्च दैत्यः । ममान्तर्हृदिस्थं मनःक्लेशमेकं न हंसि प्रभो किं करोमि क्व यामि ॥२३॥
Sahasrandabhokta tvaya shuranama hatastarakah sinhavaktrashcha daityah, mamantarhridistham manahkleshamekam na hansi prabho kim karomi kva yami.
You defeated Shura, who ruled a thousand worlds, as well as Taraka and the lion-faced asura. Yet, O Prabhu, you do not remove the one sorrow that sits in my heart. What shall I do, where shall I go?
Word by word
- Shloka 24
अहं सर्वदा दुःखभारावसन्नो भवान्दीनबन्धुस्त्वदन्यं न याचे । भवद्भक्तिरोधं सदा क्लृप्तबाधं ममाधिं द्रुतं नाशयोमासुत त्वम् ॥२४॥
Aham sarvada duhkhabharavasanno bhavandinabandhustvadanyam na yache, bhavadbhaktirodham sada klriptabadham mamadhim drutam nashayomasuta tvam.
I am always weighed down by a load of sorrows. You are the friend of the helpless, and I ask no one but you. O son of Uma, quickly remove my inner distress, which blocks my devotion to you and keeps troubling me.
Word by word
- Shloka 25
अपस्मारकुष्ठक्षयार्शःप्रमेहज्वरोन्मादगुल्मादिरोगा महान्तः । पिशाचाश्च सर्वे भवत्पत्रभूतिं विलोक्य क्षणात्तारकारे द्रवन्ते ॥२५॥
Apasmarakushthakshayarshahpramehajvaronmadagulmadiroga mahantah, pishachashcha sarve bhavatpatrabhutim vilokya kshanattarakare dravante.
The text says that serious ailments such as epilepsy, skin disease, wasting illness, piles, diabetes, fever, madness and abdominal growths, along with all troubling spirits, run away in a moment, O slayer of Taraka, on seeing the sacred ash given in your leaf.
Word by word
- Shloka 26
दृशि स्कन्दमूर्तिः श्रुतौ स्कन्दकीर्तिर्मुखे मे पवित्रं सदा तच्चरित्रम् । करे तस्य कृत्यं वपुस्तस्य भृत्यं गुहे सन्तु लीना ममाशेषभावाः ॥२६॥
Drishi skandamurtih shrutau skandakirtirmukhe me pavitram sada tachcharitram, kare tasya krityam vapustasya bhrityam guhe santu lina mamasheshabhavah.
May Skanda's form be in my eyes, his glory in my ears, and his pure story always on my lips. May my hands do his work and my body be his servant. May all my feelings merge in Guha.
Word by word
- Shloka 27
मुनीनामुताहो नृणां भक्तिभाजामभीष्टप्रदाः सन्ति सर्वत्र देवाः । नृणामन्त्यजानामपि स्वार्थदाने गुहाद्देवमन्यं न जाने न जाने ॥२७॥
Muninamutaho nrinam bhaktibhajamabhishtapradah santi sarvatra devah, nrinamantyajanamapi svarthadane guhaddevamanyam na jane na jane.
Everywhere there are deities who grant wishes to sages or to devoted people. But for granting wishes even to those placed lowest in society, I know no deity other than Guha, I know none.
Word by word
- Shloka 28
कलत्रं सुता बन्धुवर्गः पशुर्वा नरो वाथ नारी गृहे ये मदीयाः । यजन्तो नमन्तः स्तुवन्तो भवन्तं स्मरन्तश्च ते सन्तु सर्वे कुमार ॥२८॥
Kalatram suta bandhuvargah pashurva naro vatha nari grihe ye madiyah, yajanto namantah stuvanto bhavantam smarantashcha te santu sarve kumara.
My spouse, children, relatives, animals, and every man and woman of my household: may all of them worship you, bow to you, praise you and remember you, O Kumara.
Word by word
- Shloka 29
मृगाः पक्षिणो दंशका ये च दुष्टास्तथा व्याधयो बाधका ये मदङ्गे । भवच्छक्तितीक्ष्णाग्रभिन्नाः सुदूरे विनश्यन्तु ते चूर्णितक्रौञ्चशैल ॥२९॥
Mrigah pakshino danshaka ye cha dushtastatha vyadhayo badhaka ye madange, bhavachchhaktitikshnagrabhinnah sudure vinashyantu te churnitakraunchashaila.
Harmful animals, birds and biting insects, and the ailments that trouble my body: may they be pierced by the sharp tip of your spear and perish far away, O you who shattered the Krauncha mountain.
Word by word
- Shloka 30
जनित्री पिता च स्वपुत्रापराधं सहेते न किं देवसेनाधिनाथ । अहं चातिबालो भवान् लोकतातः क्षमस्वापराधं समस्तं महेश ॥३०॥
Janitri pita cha svaputraparadham sahete na kim devasenadhinatha, aham chatibalo bhavan lokatatah kshamasvaparadham samastam mahesha.
O leader of the deva army, do a mother and father not forgive the faults of their own son? I am a small child and you are the father of the worlds. O great one, forgive all my faults.
Word by word
- Shloka 31
नमः केकिने शक्तये चापि तुभ्यं नमश्छाग तुभ्यं नमः कुक्कुटाय । नमः सिन्धवे सिन्धुदेशाय तुभ्यं पुनः स्कन्दमूर्ते नमस्ते नमोऽस्तु ॥३१॥
Namah kekine shaktaye chapi tubhyam namashchhaga tubhyam namah kukkutaya, namah sindhave sindhudeshaya tubhyam punah skandamurte namaste namostu.
Salutations to your peacock and to your spear. Salutations to your goat, salutations to your rooster. Salutations to your sea and to your seashore home. Again and again, O form of Skanda, salutations to you.
Word by word
- Shloka 32
जयानन्दभूमञ्जयापारधामञ्जयामोघकीर्ते जयानन्दमूर्ते । जयानन्दसिन्धो जयाशेषबन्धो जय त्वं सदा मुक्तिदानेशसूनो ॥३२॥
Jayanandabhumanjayaparadhamanjayamoghakirte jayanandamurte, jayanandasindho jayasheshabandho jaya tvam sada muktidaneshasuno.
Victory to you, abode of bliss. Victory, you of boundless radiance. Victory, you of unfailing glory. Victory, embodiment of joy. Victory, ocean of bliss. Victory, friend of all. Victory to you always, son of Shiva, the giver of liberation.
Word by word
- Shloka 33
भुजङ्गाख्यवृत्तेन क्लृप्तं स्तवं यः पठेद्भक्तियुक्तो गुहं संप्रणम्य । स पुत्रान्कलत्रं धनं दीर्घमायुर्लभेत्स्कन्दसायुज्यमन्ते नरः सः ॥३३॥
Bhujangakhyavrittena klriptam stavam yah pathedbhaktiyukto guham sampranamya, sa putrankalatram dhanam dirghamayurlabhetskandasayujyamante narah sah.
The text says that whoever bows to Guha and reads with devotion this hymn composed in the bhujanga metre gains children, a spouse, wealth and long life, and in the end attains union with Skanda.
Word by word
About this text
Subramanya Bhujangam is a Sanskrit hymn of 33 verses to Bhagwan Kartikeya (Murugan), traditionally attributed to Adi Shankaracharya and set in the flowing bhujanga metre.
When it is recited: Skanda Shashti, Shashti tithi, Krittika nakshatra, Thaipusam, Vaikasi Visakam, Tuesday puja
