Stotra · Bhagwan Vishnu
Mukundamala Stotram
मुकुन्दमाला स्तोत्रम्
- Shloka 1
घुष्यते यस्य नगरे रङ्गयात्रा दिने दिने । तमहं शिरसा वन्दे राजानं कुलशेखरम् ॥
Ghushyate yasya nagare rangayatra dine dine, tamaham shirasa vande rajanam kulashekharam.
I bow my head to King Kulashekhara, in whose city the call for the pilgrimage to Shri Ranga was announced day after day.
Word by word
- Shloka 2
श्रीवल्लभेति वरदेति दयापरेति भक्तप्रियेति भवलुण्ठनकोविदेति । नाथेति नागशयनेति जगन्निवासे- त्यालापिनं प्रतिदिनं कुरु मां मुकुन्द ॥
Shrivallabheti varadeti dayapareti bhaktapriyeti bhavalunthanakovideti, natheti nagashayaneti jagannivase- tyalapinam pratidinam kuru mam mukunda.
O Mukunda, make me one who calls out to you every day with these names: Beloved of Shri, Giver of boons, Full of compassion, Dear to devotees, Skilled at ending the cycle of birth and death, Master, One who rests on the serpent, and Abode of the whole world.
Word by word
- Shloka 3
जयतु जयतु देवो देवकीनन्दनोऽयं जयतु जयतु कृष्णो वृष्णिवंशप्रदीपः । जयतु जयतु मेघश्यामलः कोमलाङ्गो जयतु जयतु पृथ्वीभारनाशो मुकुन्दः ॥
Jayatu jayatu devo devakinandanoyam jayatu jayatu krishno vrishnivanshapradipah, jayatu jayatu meghashyamalah komalango jayatu jayatu prithvibharanasho mukundah.
Victory, victory to this deity, the son of Devaki. Victory to Krishna, the lamp of the Vrishni clan. Victory to the soft-limbed one, dark like a rain cloud. Victory to Mukunda, who removes the burden of the earth.
Word by word
- Shloka 4
मुकुन्द मूर्ध्ना प्रणिपत्य याचे भवन्तमेकान्तमियन्तमर्थम् । अविस्मृतिस्त्वच्चरणारविन्दे भवे भवे मेऽस्तु भवत्प्रसादात् ॥
Mukunda murdhna pranipatya yache bhavantamekantamiyantamartham, avismritistvachcharanaravinde bhave bhave mestu bhavatprasadat.
Mukunda, bowing my head before you, I ask for this one thing alone: by your grace, may I never forget your lotus feet, in birth after birth.
Word by word
- Shloka 5
नाहं वन्दे तव चरणयोर्द्वन्द्वमद्वन्द्वहेतोः कुम्भीपाकं गुरुमपि हरे नारकं नापनेतुम् । रम्या रामा मृदुतनुलता नन्दने नापि रन्तुं भावे भावे हृदयभवने भावयेयं भवन्तम् ॥
Naham vande tava charanayordvandvamadvandvahetoh kumbhipakam gurumapi hare narakam napanetum, ramya rama mridutanulata nandane napi rantum bhave bhave hridayabhavane bhavayeyam bhavantam.
Hari, I do not bow to your feet to be freed from life's opposites, nor to escape the heavy hell called Kumbhipaka, nor to enjoy lovely, graceful maidens in the Nandana garden of heaven. I bow only so that in every state of mind I may keep you in the home of my heart.
Word by word
- Shloka 6
नास्था धर्मे न वसुनिचये नैव कामोपभोगे यद्भाव्यं तद्भवतु भगवन् पूर्वकर्मानुरूपम् । एतत्प्रार्थ्यं मम बहुमतं जन्मजन्मान्तरेऽपि त्वत्पादाम्भोरुहयुगगता निश्चला भक्तिरस्तु ॥
Nastha dharme na vasunichaye naiva kamopabhoge yadbhavyam tadbhavatu bhagavan purvakarmanurupam, etatprarthyam mama bahumatam janmajanmantarepi tvatpadambhoruhayugagata nishchala bhaktirastu.
I have no attachment to dharma, to piling up wealth, or to enjoying pleasures. Bhagwan, let whatever must happen happen according to my past karma. This alone is my dearest prayer, even across births: may my devotion rest firmly on your two lotus feet.
Word by word
- Shloka 7
दिवि वा भुवि वा ममास्तु वासो नरके वा नरकान्तक प्रकामम् । अवधीरितशारदारविन्दौ चरणौ ते मरणेऽपि चिन्तयामि ॥
Divi va bhuvi va mamastu vaso narake va narakantaka prakamam, avadhiritasharadaravindau charanau te maranepi chintayami.
O destroyer of Naraka, let me live in heaven, on earth, or even in naraka, wherever it may be. Even at the time of death, I will keep thinking of your two feet, which surpass the beauty of the autumn lotus.
Word by word
- Shloka 8
कृष्ण त्वदीयपदपङ्कजपञ्जरान्त- मद्यैव मे विशतु मानसराजहंसः । प्राणप्रयाणसमये कफवातपित्तैः कण्ठावरोधनविधौ स्मरणं कुतस्ते ॥
Krishna tvadiyapadapankajapanjaranta- madyaiva me vishatu manasarajahansah, pranaprayanasamaye kaphavatapittaih kanthavarodhanavidhau smaranam kutaste.
Krishna, may the royal swan of my mind enter the shelter of your lotus feet this very day. When life is departing and the throat is blocked by phlegm, wind and bile, how will I be able to remember you then?
Word by word
- Shloka 9
चिन्तयामि हरिमेव सन्ततं मन्दहासमुदिताननाम्बुजम् । नन्दगोपतनयं परात्परं नारदादिमुनिवृन्दवन्दितम् ॥
Chintayami harimeva santatam mandahasamuditananambujam, nandagopatanayam paratparam naradadimunivrindavanditam.
I think always of Hari alone, whose lotus face shines with a gentle smile, the son of Nanda the cowherd, higher than the highest, honoured by Narada and the gathering of sages.
Word by word
- Shloka 10
करचरणसरोजे कान्तिमन्नेत्रमीने श्रममुषि भुजवीचिव्याकुलेऽगाधमार्गे । हरिसरसि विगाह्यापीय तेजोजलौघं भवमरुपरिखिन्नः क्लेशमद्य त्यजामि ॥
Karacharanasaroje kantimannetramine shramamushi bhujavichivyakulegadhamarge, harisarasi vigahyapiya tejojalaugham bhavamaruparikhinnah kleshamadya tyajami.
Hari is like a lake whose lotuses are his hands and feet, whose fish are his bright eyes, whose waves are his arms, deep beyond measure and soothing to the weary. Tired from the desert of worldly life, I dive into this lake, drink its flood of radiant water, and today let go of my distress.
Word by word
- Shloka 11
सरसिजनयने सशङ्खचक्रे मुरभिदि मा विरमस्व चित्त रन्तुम् । सुखतरमपरं न जातु जाने हरिचरणस्मरणामृतेन तुल्यम् ॥
Sarasijanayane sashankhachakre murabhidi ma viramasva chitta rantum, sukhataramaparam na jatu jane haricharanasmaranamritena tulyam.
O mind, do not stop delighting in the lotus-eyed one who holds the conch and discus, the slayer of Mura. I know of no greater joy anywhere that equals the nectar of remembering Hari's feet.
Word by word
- Shloka 12
मा भीर्मन्दमनो विचिन्त्य बहुधा यामीश्चिरं यातनाः नैवामी प्रभवन्ति पापरिपवः स्वामी ननु श्रीधरः । आलस्यं व्यपनीय भक्तिसुलभं ध्यायस्व नारायणं लोकस्य व्यसनापनोदनकरो दासस्य किं न क्षमः ॥
Ma bhirmandamano vichintya bahudha yamishchiram yatanah naivami prabhavanti paparipavah svami nanu shridharah, Aalasyam vyapaniya bhaktisulabham dhyayasva narayanam lokasya vyasanapanodanakaro dasasya kim na kshamah.
Slow mind, do not be afraid by thinking again and again about Yama's long punishments. These enemies called sins have no power here, for Shridhara is surely our master. Drop your laziness and meditate on Narayana, who is easily reached through devotion. He removes the troubles of the whole world; can he not help his own servant?
Word by word
- Shloka 13
भवजलधिगतानां द्वन्द्ववाताहतानां सुतदुहितृकलत्रत्राणभारार्दितानाम् । विषमविषयतोये मज्जतामप्लवानां भवति शरणमेको विष्णुपोतो नराणाम् ॥
Bhavajaladhigatanam dvandvavatahatanam sutaduhitrikalatratranabhararditanam, vishamavishayatoye majjatamaplavanam bhavati sharanameko vishnupoto naranam.
People have fallen into the ocean of worldly life, struck by the winds of opposites like joy and sorrow, weighed down by the burden of caring for sons, daughters and spouse, sinking in the rough waters of sense objects with no raft. For them the one refuge is the ship that is Vishnu.
Word by word
- Shloka 14
भवजलधिमगाधं दुस्तरं निस्तरेयं कथमहमिति चेतो मा स्म गाः कातरत्वम् । सरसिजदृशि देवे तावकी भक्तिरेका नरकभिदि निषण्णा तारयिष्यत्यवश्यम् ॥
Bhavajaladhimagadham dustaram nistareyam kathamahamiti cheto ma sma gah kataratvam, sarasijadrishi deve tavaki bhaktireka narakabhidi nishanna tarayishyatyavashyam.
O mind, do not grow anxious, thinking, "How will I cross this deep and hard ocean of worldly life?" Your devotion alone, resting in the lotus-eyed deity who slew Naraka, will surely carry you across.
Word by word
- Shloka 15
तृष्णातोये मदनपवनोद्धूतमोहोर्मिमाले दारावर्ते तनयसहजग्राहसङ्घाकुले च । संसाराख्ये महति जलधौ मज्जतां नस्त्रिधामन् पादाम्भोजे वरद भवतो भक्तिनावं प्रयच्छ ॥
Trishnatoye madanapavanoddhutamohormimale daravarte tanayasahajagrahasanghakule cha, sansarakhye mahati jaladhau majjatam nastridhaman padambhoje varada bhavato bhaktinavam prayachchha.
We are sinking in the great ocean called worldly life, whose water is craving, whose rows of waves are delusion stirred by the wind of desire, whose whirlpool is the spouse, and which is crowded with crocodiles in the form of children and siblings. Tridhaman, giver of blessings, grant us the boat of devotion to your lotus feet.
Word by word
- Shloka 16
माद्राक्षं क्षीणपुण्यान् क्षणमपि भवतो भक्तिहीनान् पदाब्जे मा श्रौषं श्राव्यबन्धं तव चरितमपास्यान्यदाख्यानजातम् । मा स्मार्षं माधव त्वामपि भुवनपते चेतसापह्नुवानान् मा भूवं त्वत्सपर्याव्यतिकररहितो जन्मजन्मान्तरेऽपि ॥
Madraksham kshinapunyan kshanamapi bhavato bhaktihinan padabje ma shrausham shravyabandham tava charitamapasyanyadakhyanajatam, ma smarsham madhava tvamapi bhuvanapate chetasapahnuvanan ma bhuvam tvatsaparyavyatikararahito janmajanmantarepi.
Madhava, protector of the worlds, may I not look even for a moment upon those without devotion to your lotus feet. May I not listen to any tale other than your story, which is worth hearing. May I not dwell on those who deny you in their minds. May I never be without your worship, in any birth.
Word by word
- Shloka 17
जिह्वे कीर्तय केशवं मुररिपुं चेतो भज श्रीधरं पाणिद्वन्द्व समर्चयाच्युतकथाः श्रोत्रद्वय त्वं शृणु । कृष्णं लोकय लोचनद्वय हरेर्गच्छाङ्घ्रियुग्मालयं जिघ्र घ्राण मुकुन्दपादतुलसीं मूर्धन्नमाधोक्षजम् ॥
Jihve kirtaya keshavam muraripum cheto bhaja shridharam panidvandva samarchayachyutakathah shrotradvaya tvam shrinu, krishnam lokaya lochanadvaya harergachchhanghriyugmalayam jighra ghrana mukundapadatulasim murdhannamadhokshajam.
Tongue, sing of Keshava, the foe of Mura. Mind, worship Shridhara. Two hands, serve Achyuta. Two ears, hear his stories. Two eyes, behold Krishna. Two feet, go to Hari's temple. Nose, smell the tulsi at Mukunda's feet. Head, bow to Adhokshaja.
Word by word
- Shloka 18
हे लोकाः शृणुत प्रसूतिमरणव्याधेश्चिकित्सामिमां योगज्ञाः समुदाहरन्ति मुनयो यां याज्ञवल्क्यादयः । अन्तर्ज्योतिरमेयमेकममृतं कृष्णाख्यमापीयतां तत्पीतं परमौषधं वितनुते निर्वाणमात्यन्तिकम् ॥
He lokah shrinuta prasutimaranavyadheshchikitsamimam yogagyah samudaharanti munayo yam yagyavalkyadayah, antarjyotirameyamekamamritam krishnakhyamapiyatam tatpitam paramaushadham vitanute nirvanamatyantikam.
O people, hear of this remedy for the illness of birth and death, which yogis and sages like Yajnavalkya describe. Drink the inner light called Krishna, beyond measure, one and immortal. The verse says that this supreme medicine, once taken, grants final liberation.
Word by word
- Shloka 19
हे मर्त्याः परमं हितं शृणुत वो वक्ष्यामि सङ्क्षेपतः संसारार्णवमापदूर्मिबहुलं सम्यक् प्रविश्य स्थिताः । नानाज्ञानमपास्य चेतसि नमो नारायणायेत्यमुं मन्त्रं सप्रणवं प्रणामसहितं प्रावर्तयध्वं मुहुः ॥
He martyah paramam hitam shrinuta vo vakshyami sankshepatah sansararnavamapadurmibahulam samyak pravishya sthitah, nanagyanamapasya chetasi namo narayanayetyamum mantram sapranavam pranamasahitam pravartayadhvam muhuh.
O mortals, hear what is truly good for you; I will say it briefly. You have entered the ocean of worldly life, full of waves of trouble. Put aside your many kinds of learning and, with a bow, repeat again and again in your mind this mantra with Om: Om Namo Narayanaya.
Word by word
- Shloka 20
नाथे नः पुरुषोत्तमे त्रिजगतामेकाधिपे चेतसा सेव्ये स्वस्य पदस्य दातरि परे नारायणे तिष्ठति । यं कञ्चित्पुरुषाधमं कतिपयग्रामेशमल्पार्थदं सेवायै मृगयामहे नरमहो मूढा वराका वयम् ॥
Nathe nah purushottame trijagatamekadhipe chetasa sevye svasya padasya datari pare narayane tishthati, yam kanchitpurushadhamam katipayagrameshamalparthadam sevayai mrigayamahe naramaho mudha varaka vayam.
Our master Narayana is right here: Purushottama, the one ruler of the three worlds, who can be served with the mind alone and who gives his own abode. Yet we go looking for some low person, chief of a few villages who gives only a little, to serve. How foolish and pitiable we are!
Word by word
- Shloka 21
बद्धेनाञ्जलिना नतेन शिरसा गात्रैः सरोमोद्गमैः कण्ठेन स्वरगद्गदेन नयनेनोद्गीर्णबाष्पाम्बुना । नित्यं त्वच्चरणारविन्दयुगलध्यानामृतास्वादिना- मस्माकं सरसीरुहाक्ष सततं सम्पद्यतां जीवितम् ॥
Baddhenanjalina natena shirasa gatraih saromodgamaih kanthena svaragadgadena nayanenodgirnabashpambuna, nityam tvachcharanaravindayugaladhyanamritasvadina- masmakam sarasiruhaksha satatam sampadyatam jivitam.
Lotus-eyed one, may our life always be like this: palms joined, head bowed, hair on the body standing on end, voice choked with feeling, eyes flowing with tears, ever tasting the nectar of meditation on your two lotus feet.
Word by word
- Shloka 22
यत्कृष्णप्रणिपातधूलिधवलं तद्वर्ष्म तद्वै शिर- स्ते नेत्रे तमसोज्झिते सुरुचिरे याभ्यां हरिर्दृश्यते । सा बुद्धिर्विमलेन्दुशङ्खधवला या माधवध्यायिनी सा जिह्वामृतवर्षिणी प्रतिपदं या स्तौति नारायणम् ॥
Yatkrishnapranipatadhulidhavalam tadvarshma tadvai shira- ste netre tamasojjhite suruchire yabhyam harirdrishyate, sa buddhirvimalendushankhadhavala ya madhavadhyayini sa jihvamritavarshini pratipadam ya stauti narayanam.
That is truly a body, and that truly a head, which is whitened by dust from bowing to Krishna. Those eyes are beautiful and free of darkness which see Hari. That mind is pure white like the clear moon and the conch, which meditates on Madhava. That tongue rains nectar which praises Narayana at every step.
Word by word
- Shloka 23
इदं शरीरं परिणामपेशलं पतत्यवश्यं श्लथसन्धिजर्जरम् । किमौषधं पृच्छसि मूढ दुर्मते निरामयं कृष्णरसायनं पिब ॥
Idam shariram parinamapeshalam patatyavashyam shlathasandhijarjaram, kimaushadham prichchhasi mudha durmate niramayam krishnarasayanam piba.
This body, attractive only for a while, will surely fall, its joints loosening as it wears out. Confused one, why ask which medicine to take? Drink the healing elixir of Krishna, which is free of all illness.
Word by word
- Shloka 24
आश्चर्यमेतद्धि मनुष्यलोके सुधां परित्यज्य विषं पिबन्ति । नामानि नारायणगोचराणि त्यक्त्वान्यवाचः कुहकाः पठन्ति ॥
Aashcharyametaddhi manushyaloke sudham parityajya visham pibanti, namani narayanagocharani tyaktvanyavachah kuhakah pathanti.
This is truly a wonder in the human world: people leave nectar and drink poison. Leaving aside the names that speak of Narayana, the deluded recite other words.
Word by word
- Shloka 25
त्यजन्तु बान्धवाः सर्वे निन्दन्तु गुरवो जनाः । तथापि परमानन्दो गोविन्दो मम जीवनम् ॥
Tyajantu bandhavah sarve nindantu guravo janah, tathapi paramanando govindo mama jivanam.
Let all my relatives leave me, and let elders and people criticise me. Even so, Govinda, the supreme bliss, is my very life.
Word by word
- Shloka 26
सत्यं ब्रवीमि मनुजाः स्वयमूर्ध्वबाहु- र्यो यो मुकुन्द नरसिंह जनार्दनेति । जीवो जपत्यनुदिनं मरणे रणे वा पाषाणकाष्ठसदृशाय ददात्यभीष्टम् ॥
Satyam bravimi manujah svayamurdhvabahu- ryo yo mukunda narasinha janardaneti, jivo japatyanudinam marane rane va pashanakashthasadrishaya dadatyabhishtam.
People, with arms raised I tell you the truth. The verse says that whoever chants daily "Mukunda, Narasimha, Janardana", whether at the time of death or in battle, is given what they long for, even if they are as dull as stone or wood.
Word by word
- Shloka 27
नमामि नारायणपादपङ्कजं करोमि नारायणपूजनं सदा । वदामि नारायणनाम निर्मलं स्मरामि नारायणतत्त्वमव्ययम् ॥
Namami narayanapadapankajam karomi narayanapujanam sada, vadami narayananama nirmalam smarami narayanatattvamavyayam.
I bow to Narayana's lotus feet. I always worship Narayana. I speak Narayana's pure name. I remember the unchanging truth that is Narayana.
Word by word
- Shloka 28
श्रीनाथ नारायण वासुदेव श्रीकृष्ण भक्तप्रिय चक्रपाणे । श्रीपद्मनाभाच्युत कैटभारे श्रीराम पद्माक्ष हरे मुरारे ॥
Shrinatha narayana vasudeva shrikrishna bhaktapriya chakrapane, shripadmanabhachyuta kaitabhare shrirama padmaksha hare murare.
Master of Shri, Narayana, Vasudeva, Shri Krishna, dear to devotees, holder of the discus, Shri Padmanabha, Achyuta, slayer of Kaitabha, Shri Rama, lotus-eyed one, Hari, foe of Mura.
Word by word
- Shloka 29
अनन्त वैकुण्ठ मुकुन्द कृष्ण गोविन्द दामोदर माधवेति । वक्तुं समर्थोऽपि न वक्ति कश्चि- दहो जनानां व्यसनाभिमुख्यम् ॥
Ananta vaikuntha mukunda krishna govinda damodara madhaveti, vaktum samarthopi na vakti kashchi- daho jananam vyasanabhimukhyam.
Ananta, Vaikuntha, Mukunda, Krishna, Govinda, Damodara, Madhava: though able to say these names, hardly anyone says them. How strange that people lean toward what brings them trouble!
Word by word
- Shloka 30
ध्यायन्ति ये विष्णुमनन्तमव्ययं हृत्पद्ममध्ये सततं व्यवस्थितम् । समाहितानां सततमभयप्रदं ते यान्ति सिद्धिं परमां तु वैष्णवीम् ॥
Dhyayanti ye vishnumanantamavyayam hritpadmamadhye satatam vyavasthitam, samahitanam satatamabhayapradam te yanti siddhim paramam tu vaishnavim.
Some meditate on Vishnu, endless and imperishable, who always dwells in the centre of the heart lotus and always gives fearlessness to those with a steady mind. The text says they reach the highest attainment, that of Vishnu.
Word by word
- Shloka 31
क्षीरसागरतरङ्गशीकरा- सारतारकितचारुमूर्तये । भोगिभोगशयनीयशायिने माधवाय मधुविद्विषे नमः ॥
Kshirasagaratarangashikara- saratarakitacharumurtaye, bhogibhogashayaniyashayine madhavaya madhuvidvishe namah.
Salutations to Madhava, foe of the demon Madhu, whose lovely form is dotted like stars with spray from the waves of the milk ocean, and who rests on the bed of the serpent's coils.
Word by word
- Shloka 32
अलमलमलमेका प्राणिनां पातकानां निरसनविषये या कृष्ण कृष्णेति वाणी । यदि भवति मुकुन्दे भक्तिरानन्दसान्द्रा करतलकलिता सा मोक्षसाम्राज्यलक्ष्मीः ॥
Alamalamalameka praninam patakanam nirasanavishaye ya krishna krishneti vani, yadi bhavati mukunde bhaktiranandasandra karatalakalita sa mokshasamrajyalakshmih.
Enough, enough, truly enough: the verse says that just saying "Krishna, Krishna" is sufficient to remove the sins of living beings. And if there is devotion to Mukunda, deep with joy, then the wealth of liberation rests in the palm of one's hand.
Word by word
- Shloka 33
आम्नायाभ्यसनान्यरण्यरुदितं वेदव्रतान्यन्वहं मेदश्छेदफलानि पूर्तविधयः सर्वे हुतं भस्मनि । तीर्थानामवगाहनानि च गजस्नानं विना यत्पद- द्वन्द्वाम्भोरुहसंस्मृतिं विजयते देवः स नारायणः ॥
Aamnayabhyasananyaranyaruditam vedavratanyanvaham medashchhedaphalani purtavidhayah sarve hutam bhasmani, tirthanamavagahanani cha gajasnanam vina yatpada- dvandvambhoruhasansmritim vijayate devah sa narayanah.
Without remembering his two lotus feet, study of the Vedas is like crying in the forest, daily Vedic vows only thin the body, works of charity are like offerings poured on ash, and bathing at holy places is like an elephant's bath. Victory to that deity, Narayana.
Word by word
- Shloka 34
मदन परिहर स्थितिं मदीये मनसि मुकुन्दपदारविन्दधाम्नि । हरनयनकृशानुना कृशोऽसि स्मरसि न चक्रपराक्रमं मुरारेः ॥
Madana parihara sthitim madiye manasi mukundapadaravindadhamni, haranayanakrishanuna krishosi smarasi na chakraparakramam murareh.
Madana, god of desire, leave your place in my mind, for it is now the home of Mukunda's lotus feet. You were already burnt thin by the fire of Shiva's eye. Do you not remember the might of Murari's discus?
Word by word
- Shloka 35
पृथ्वी रेणुरणुः पयांसि कणिकाः फल्गुः स्फुलिङ्गो लघु- स्तेजो निःश्वसनं मरुत्तनुतरं रन्ध्रं सुसूक्ष्मं नभः । क्षुद्रा रुद्रपितामहप्रभृतयः कीटाः समस्ताः सुरा दृष्टे यत्र स तावको विजयते भूमावधूतावधिः ॥
Prithvi renuranuh payansi kanikah phalguh sphulingo laghu- stejo nihshvasanam maruttanutaram randhram susukshmam nabhah, kshudra rudrapitamahaprabhritayah kitah samastah sura drishte yatra sa tavako vijayate bhumavadhutavadhih.
When your boundless greatness is seen, the earth looks like a speck of dust, the oceans like droplets, fire like a tiny spark, wind like a breath, and space like a small hole. Rudra, Brahma and all the gods look like little insects. Victory to your vastness, which has no limit.
Word by word
- Shloka 36
शत्रुच्छेदैकमन्त्रं सकलमुपनिषद्वाक्यसम्पूज्यमन्त्रं संसारोच्छेदमन्त्रं समुपचिततमःसङ्घनिर्याणमन्त्रम् । सर्वैश्वर्यैकमन्त्रं व्यसनभुजगसन्दष्टसन्त्राणमन्त्रं जिह्वे श्रीकृष्णमन्त्रं जप जप सततं जन्मसाफल्यमन्त्रम् ॥
Shatruchchhedaikamantram sakalamupanishadvakyasampujyamantram sansarochchhedamantram samupachitatamahsanghaniryanamantram, sarvaishvaryaikamantram vyasanabhujagasandashtasantranamantram jihve shrikrishnamantram japa japa satatam janmasaphalyamantram.
O tongue, chant, chant always the Shri Krishna mantra. The verse calls it the one mantra that cuts down enemies, honoured by all the words of the Upanishads, that ends the cycle of worldly life, that clears away heaped darkness, the one mantra of all glory, that rescues those bitten by the serpent of misfortune, and that makes one's birth fruitful.
Word by word
- Shloka 37
व्यामोहप्रशमौषधं मुनिमनोवृत्तिप्रवृत्त्यौषधं दैत्येन्द्रार्तिकरौषधं त्रिभुवने सञ्जीवनैकौषधम् । भक्तात्यन्तहितौषधं भवभयप्रध्वंसनैकौषधं श्रेयःप्राप्तिकरौषधं पिब मनः श्रीकृष्णदिव्यौषधम् ॥
Vyamohaprashamaushadham munimanovrittipravrittyaushadham daityendrartikaraushadham tribhuvane sanjivanaikaushadham, bhaktatyantahitaushadham bhavabhayapradhvansanaikaushadham shreyahpraptikaraushadham piba manah shrikrishnadivyaushadham.
O mind, drink the divine medicine of Shri Krishna. The verse calls it the medicine that calms delusion, that turns the minds of sages inward, that troubles the demon kings, the one life-giving medicine in the three worlds, deeply good for devotees, the one remedy that destroys the fear of worldly life, and the medicine that brings the highest good.
Word by word
- Shloka 38
कृष्णो रक्षतु नो जगत्त्रयगुरुः कृष्णं नमस्याम्यहं कृष्णेनामरशत्रवो विनिहताः कृष्णाय तुभ्यं नमः । कृष्णादेव समुत्थितं जगदिदं कृष्णस्य दासोऽस्म्यहं कृष्णे तिष्ठति सर्वमेतदखिलं हे कृष्ण संरक्ष माम् ॥
Krishno rakshatu no jagattrayaguruh krishnam namasyamyaham krishnenamarashatravo vinihatah krishnaya tubhyam namah, krishnadeva samutthitam jagadidam krishnasya dasosmyaham krishne tishthati sarvametadakhilam he krishna sanraksha mam.
May Krishna, teacher of the three worlds, protect us. I bow to Krishna. By Krishna the enemies of the gods were destroyed. Salutations to you, Krishna. From Krishna this whole world arose. I am Krishna's servant. All of this rests in Krishna. O Krishna, protect me.
Word by word
- Shloka 39
हे गोपालक हे कृपाजलनिधे हे सिन्धुकन्यापते हे कंसान्तक हे गजेन्द्रकरुणापारीण हे माधव । हे रामानुज हे जगत्त्रयगुरो हे पुण्डरीकाक्ष मां हे गोपीजननाथ पालय परं जानामि न त्वां विना ॥
He gopalaka he kripajalanidhe he sindhukanyapate he kansantaka he gajendrakarunaparina he madhava, he ramanuja he jagattrayaguro he pundarikaksha mam he gopijananatha palaya param janami na tvam vina.
O protector of cows, ocean of compassion, husband of the ocean's daughter, slayer of Kamsa, the one whose mercy rescued Gajendra, Madhava, younger brother of Balarama, teacher of the three worlds, lotus-eyed one, beloved of the gopis, protect me. I know nothing beyond you.
Word by word
- Shloka 40
दारा वाराकरवरसुता ते तनूजो विरिञ्चिः स्तोता वेदस्तव सुरगणा भृत्यवर्गः प्रसादः । मुक्तिर्माया जगदविकलं तावकी देवकी ते माता मित्रं बलरिपुसुतस्तत्त्वदन्यं न जाने ॥
Dara varakaravarasuta te tanujo virinchih stota vedastava suragana bhrityavargah prasadah, muktirmaya jagadavikalam tavaki devaki te mata mitram balaripusutastattvadanyam na jane.
Your consort is the noble daughter of the ocean, Maa Lakshmi. Your son is Brahma. The Veda sings your praise. The gods are your attendants. Liberation is your grace. The whole world is your maya. Devaki is your mother, and your friend is Arjuna, son of Indra. I know nothing other than you.
Word by word
- Shloka 41
तत्त्वं प्रसीद भगवन् कुरु मय्यनाथे विष्णो कृपां परमकारुणिकः खलु त्वम् । संसारसागरनिमग्नमनन्त दीन- मुद्धर्तुमर्हसि हरे पुरुषोत्तमोऽसि ॥
Tattvam prasida bhagavan kuru mayyanathe vishno kripam paramakarunikah khalu tvam, sansarasagaranimagnamananta dina- muddhartumarhasi hare purushottamosi.
So be pleased, Bhagwan, and show mercy to me, who have no other protector. Vishnu, you are truly the most compassionate. Ananta, Hari, you are Purushottama; it is fitting for you to lift up this helpless one who is sunk in the ocean of worldly life.
Word by word
- Shloka 42
मज्जन्मनः फलमिदं मधुकैटभारे मत्प्रार्थनीयमदनुग्रह एष एव । त्वद्भृत्यभृत्यपरिचारकभृत्यभृत्य- भृत्यस्य भृत्य इति मां स्मर लोकनाथ ॥
Majjanmanah phalamidam madhukaitabhare matprarthaniyamadanugraha esha eva, tvadbhrityabhrityaparicharakabhrityabhritya- bhrityasya bhritya iti mam smara lokanatha.
Slayer of Madhu and Kaitabha, protector of the world, this alone is the fruit of my birth and this alone is the blessing I ask: remember me as the servant of the servant of the servant of the attendant of the servant of the servant of your servant.
Word by word
- Shloka 43
यस्य प्रियौ श्रुतिधरौ कविलोकवीरौ मित्रे द्विजन्मवरपद्मशरावभूताम् । तेनाम्बुजाक्षचरणाम्बुजषट्पदेन राज्ञा कृता कृतिरियं कुलशेखरेण ॥
Yasya priyau shrutidharau kavilokavirau mitre dvijanmavarapadmasharavabhutam, tenambujakshacharanambujashatpadena ragya krita kritiriyam kulashekharena.
This work was composed by King Kulashekhara, a bee at the lotus feet of the lotus-eyed one. His dear friends were two excellent Brahmins, Padma and Shara, deeply learned in the Vedas and heroes among poets.
Word by word
About this text
Mukundamala Stotram is a Sanskrit hymn of loving surrender to Bhagwan Vishnu as Mukunda, traditionally attributed to the Alvar saint-king Kulashekhara.
When it is recited: Daily puja, Ekadashi, Vaikuntha Ekadashi, Thursday prayer, Janmashtami
