Stotra · Bhagwan Vishnu
Gajendra Moksha Stotram
गजेन्द्रमोक्ष स्तोत्रम्
- Shloka 1
श्रीशुक उवाच एवं व्यवसितो बुद्ध्या समाधाय मनो हृदि। जजाप परमं जाप्यं प्राग्जन्मन्यनुशिक्षितम्॥
Shrishuka uvacha evam vyavasito buddhya samadhaya mano hridi, jajapa paramam japyam pragjanmanyanushikshitam.
Shri Shuka said: Having firmly decided with his intellect and fixed his mind in his heart, Gajendra began to chant the supreme prayer he had learned in his previous birth.
Word by word
- Shloka 2
गजेन्द्र उवाच ॐ नमो भगवते तस्मै यत एतच्चिदात्मकम्। पुरुषायादिबीजाय परेशायाभिधीमहि॥
Gajendra uvacha Om namo bhagavate tasmai yata etachchidatmakam, purushayadibijaya pareshayabhidhimahi.
Gajendra said: Om, salutations to that Bhagwan from whom this conscious world arises. I meditate on the Supreme Person, the first seed of all, the highest Controller.
Word by word
- Shloka 3
यस्मिन्निदं यतश्चेदं येनेदं य इदं स्वयम्। योऽस्मात्परस्माच्च परस्तं प्रपद्ये स्वयम्भुवम्॥
Yasminnidam yatashchedam yenedam ya idam svayam, yosmatparasmachcha parastam prapadye svayambhuvam.
In whom this world rests, from whom it comes, by whom it is made, and who is himself this world, yet who stands beyond both cause and effect: I take refuge in that self-existent One.
Word by word
- Shloka 4
यः स्वात्मनीदं निजमाययार्पितं क्वचिद्विभातं क्व च तत्तिरोहितम्। अविद्धदृक् साक्ष्युभयं तदीक्षते स आत्ममूलोऽवतु मां परात्परः॥
Yah svatmanidam nijamayayarpitam kvachidvibhatam kva cha tattirohitam, aviddhadrik sakshyubhayam tadikshate sa Aatmamulovatu mam paratparah.
Within himself, by his own Maya, he has placed this world, which sometimes appears and sometimes disappears. He is the witness whose sight is never blocked, and he sees both states. May that Supreme, higher than the highest, who rests on himself alone, protect me.
Word by word
- Shloka 5
कालेन पञ्चत्वमितेषु कृत्स्नशो लोकेषु पालेषु च सर्वहेतुषु। तमस्तदासीद्गहनं गभीरं यस्तस्य पारेऽभिविराजते विभुः॥
Kalena panchatvamiteshu kritsnasho lokeshu paleshu cha sarvahetushu, tamastadasidgahanam gabhiram yastasya parebhivirajate vibhuh.
When, in the course of time, all the worlds, their guardians and all causes have dissolved completely into the five elements, only a deep and dense darkness remains. Beyond that darkness shines the all-pervading One.
Word by word
- Shloka 6
न यस्य देवा ऋषयः पदं विदु- र्जन्तुः पुनः कोऽर्हति गन्तुमीरितुम्। यथा नटस्याकृतिभिर्विचेष्टतो दुरत्ययानुक्रमणः स मावतु॥
Na yasya deva rishayah padam vidu- rjantuh punah korhati gantumiritum, yatha natasyakritibhirvicheshtato duratyayanukramanah sa mavatu.
Even the devas and rishis do not know his true state, so how could an ordinary being reach it or describe it? Like an actor moving about in many roles, his path is hard to follow. May he protect me.
Word by word
- Shloka 7
दिदृक्षवो यस्य पदं सुमङ्गलं विमुक्तसङ्गा मुनयः सुसाधवः। चरन्त्यलोकव्रतमव्रणं वने भूतात्मभूताः सुहृदः स मे गतिः॥
Didrikshavo yasya padam sumangalam vimuktasanga munayah susadhavah, charantyalokavratamavranam vane bhutatmabhutah suhridah sa me gatih.
Longing to see his most auspicious feet, sages free from attachment and truly good live in the forest, keeping flawless vows unlike worldly ways. They see themselves in all beings and are friends to all. He is my refuge.
Word by word
- Shloka 8
न विद्यते यस्य च जन्म कर्म वा न नामरूपे गुणदोष एव वा। तथापि लोकाप्ययसम्भवाय यः स्वमायया तान्यनुकालमृच्छति॥
Na vidyate yasya cha janma karma va na namarupe gunadosha eva va, tathapi lokapyayasambhavaya yah svamayaya tanyanukalamrichchhati.
He has no birth and no action of his own, no name or form, no good or bad qualities. Even so, for the creation and dissolution of the worlds, he takes these on from time to time through his own Maya.
Word by word
- Shloka 9
तस्मै नमः परेशाय ब्रह्मणेऽनन्तशक्तये। अरूपायोरुरूपाय नम आश्चर्यकर्मणे॥
Tasmai namah pareshaya brahmanenantashaktaye, arupayorurupaya nama Aashcharyakarmane.
Salutations to that supreme Controller, the Brahman of endless power. Salutations to the One who is formless yet has countless forms, whose deeds are full of wonder.
Word by word
- Shloka 10
नम आत्मप्रदीपाय साक्षिणे परमात्मने। नमो गिरां विदूराय मनसश्चेतसामपि॥
Nama Aatmapradipaya sakshine paramatmane, namo giram viduraya manasashchetasamapi.
Salutations to the self-luminous One, the witness, the Supreme Self. Salutations to the One who is far beyond the reach of speech, mind and thought.
Word by word
- Shloka 11
सत्त्वेन प्रतिलभ्याय नैष्कर्म्येण विपश्चिता। नमः कैवल्यनाथाय निर्वाणसुखसंविदे॥
Satvena pratilabhyaya naishkarmyena vipashchita, namah kaivalyanathaya nirvanasukhasanvide.
He is attained by the wise through purity and through freedom from selfish action. Salutations to the master of liberation, who is himself the experience of the bliss of nirvana.
Word by word
- Shloka 12
नमः शान्ताय घोराय मूढाय गुणधर्मिणे। निर्विशेषाय साम्याय नमो ज्ञानघनाय च॥
Namah shantaya ghoraya mudhaya gunadharmine, nirvisheshaya samyaya namo gyanaghanaya cha.
Salutations to the One who appears peaceful, fierce and dull through the qualities he takes on. Salutations to the One without distinctions, equal to all, made entirely of knowledge.
Word by word
- Shloka 13
क्षेत्रज्ञाय नमस्तुभ्यं सर्वाध्यक्षाय साक्षिणे। पुरुषायात्ममूलाय मूलप्रकृतये नमः॥
Kshetragyaya namastubhyam sarvadhyakshaya sakshine, purushayatmamulaya mulaprakritaye namah.
Salutations to you, the knower of every body, the overseer and witness of all. Salutations to the Supreme Person who is his own source and also the root of nature.
Word by word
- Shloka 14
सर्वेन्द्रियगुणद्रष्ट्रे सर्वप्रत्ययहेतवे। असताच्छाययोक्ताय सदाभासाय ते नमः॥
Sarvendriyagunadrashtre sarvapratyayahetave, asatachchhayayoktaya sadabhasaya te namah.
Salutations to you who see the workings of all the senses, who are the cause of every perception. You are hinted at by this unreal world like an object by its shadow, and you shine as the reality within everything.
Word by word
- Shloka 15
नमो नमस्तेऽखिलकारणाय निष्कारणायाद्भुतकारणाय। सर्वागमाम्नायमहार्णवाय नमोऽपवर्गाय परायणाय॥
Namo namastekhilakaranaya nishkaranayadbhutakaranaya, sarvagamamnayamaharnavaya namopavargaya parayanaya.
Salutations again and again to you, the cause of all, who have no cause yourself and are a wondrous cause. You are the great ocean into which all scriptures flow, the giver of liberation and the final refuge.
Word by word
- Shloka 16
गुणारणिच्छन्नचिदुष्मपाय तत्क्षोभविस्फूर्जितमानसाय। नैष्कर्म्यभावेन विवर्जितागम- स्वयंप्रकाशाय नमस्करोमि॥
Gunaranichchhannachidushmapaya tatkshobhavisphurjitamanasaya, naishkarmyabhavena vivarjitagama- svayamprakashaya namaskaromi.
You are like fire hidden in firewood, your consciousness covered by the qualities of nature, and when those qualities are stirred your will turns to creation. I bow to you who shine on your own for those who have gone beyond ritual through freedom from selfish action.
Word by word
- Shloka 17
मादृक्प्रपन्नपशुपाशविमोक्षणाय मुक्ताय भूरिकरुणाय नमोऽलयाय। स्वांशेन सर्वतनुभृन्मनसि प्रतीत- प्रत्यग्दृशे भगवते बृहते नमस्ते॥
Madrikprapannapashupashavimokshanaya muktaya bhurikarunaya namolayaya, svanshena sarvatanubhrinmanasi pratita- pratyagdrishe bhagavate brihate namaste.
Salutations to the One who frees surrendered beings like me from the noose of bondage, who is ever free, full of great compassion and never slow to help. Salutations to you, the infinite Bhagwan, who by a portion of yourself are known as the inner witness in the mind of every embodied being.
Word by word
- Shloka 18
आत्मात्मजाप्तगृहवित्तजनेषु सक्तै- र्दुष्प्रापणाय गुणसङ्गविवर्जिताय। मुक्तात्मभिः स्वहृदये परिभाविताय ज्ञानात्मने भगवते नम ईश्वराय॥
Aatmatmajaptagrihavittajaneshu saktai- rdushprapanaya gunasangavivarjitaya, muktatmabhih svahridaye paribhavitaya gyanatmane bhagavate nama ishvaraya.
He is hard to reach for those attached to body, children, relatives, home, wealth and people, and he is untouched by the gunas. Liberated souls meditate on him within their hearts. Salutations to Bhagwan, the Ishvara, whose very nature is knowledge.
Word by word
- Shloka 19
यं धर्मकामार्थविमुक्तिकामा भजन्त इष्टां गतिमाप्नुवन्ति। किं चाशिषो रात्यपि देहमव्ययं करोतु मेऽदभ्रदयो विमोक्षणम्॥
Yam dharmakamarthavimuktikama bhajanta ishtam gatimapnuvanti, kim chashisho ratyapi dehamavyayam karotu medabhradayo vimokshanam.
Those who seek dharma, desires, wealth or liberation worship him and reach the goal they wish for. He gives other blessings too, and even an imperishable body. May he, whose compassion is boundless, grant me freedom.
Word by word
- Shloka 20
एकान्तिनो यस्य न कञ्चनार्थं वाञ्छन्ति ये वै भगवत्प्रपन्नाः। अत्यद्भुतं तच्चरितं सुमङ्गलं गायन्त आनन्दसमुद्रमग्नाः॥
Ekantino yasya na kanchanartham vanchhanti ye vai bhagavatprapannah, atyadbhutam tachcharitam sumangalam gayanta Aanandasamudramagnah.
His single-minded devotees, fully surrendered to Bhagwan, want nothing at all for themselves. They sing of his most wondrous and auspicious deeds, immersed in an ocean of bliss.
Word by word
- Shloka 21
तमक्षरं ब्रह्म परं परेश- मव्यक्तमाध्यात्मिकयोगगम्यम्। अतीन्द्रियं सूक्ष्ममिवातिदूर- मनन्तमाद्यं परिपूर्णमीडे॥
Tamaksharam brahma param paresha- mavyaktamadhyatmikayogagamyam, atindriyam sukshmamivatidura- manantamadyam paripurnamide.
I praise him: the imperishable, supreme Brahman, ruler of even the highest beings, unmanifest and reached through inner yoga. He is beyond the senses, subtle, seeming very far away, endless, the origin of all and complete in every way.
Word by word
- Shloka 22
यस्य ब्रह्मादयो देवा वेदा लोकाश्चराचराः। नामरूपविभेदेन फल्ग्व्या च कलया कृताः॥
Yasya brahmadayo deva veda lokashcharacharah, namarupavibhedena phalgvya cha kalaya kritah.
From a tiny portion of him, Brahma and the other devas, the Vedas, and the worlds of moving and unmoving beings were made, each different in name and form.
Word by word
- Shloka 23
यथार्चिषोऽग्नेः सवितुर्गभस्तयो निर्यान्ति संयान्त्यसकृत् स्वरोचिषः। तथा यतोऽयं गुणसम्प्रवाहो बुद्धिर्मनः खानि शरीरसर्गाः॥
Yatharchishogneh saviturgabhastayo niryanti sanyantyasakrit svarochishah, tatha yatoyam gunasampravaho buddhirmanah khani sharirasargah.
Just as flames rise from a fire and rays spread from the sun, going out and returning again and again, in the same way this flow of the gunas comes forth from him: intellect, mind, the senses and all the bodies that are created.
Word by word
- Shloka 24
स वै न देवासुरमर्त्यतिर्यङ् न स्त्री न षण्ढो न पुमान् न जन्तुः। नायं गुणः कर्म न सन्न चास- न्निषेधशेषो जयतादशेषः॥
Sa vai na devasuramartyatiryan na stri na shandho na puman na jantuh, nayam gunah karma na sanna chasa- nnishedhashesho jayatadasheshah.
He is not a deva, asura, human or animal. He is not woman, man or neither, nor any creature. He is not a guna, not action, not being and not non-being. He is what remains when all else is denied, and he is everything. May he be victorious.
Word by word
- Shloka 25
जिजीविषे नाहमिहामुया कि- मन्तर्बहिश्चावृतयेभयोन्या। इच्छामि कालेन न यस्य विप्लव- स्तस्यात्मलोकावरणस्य मोक्षम्॥
Jijivishe nahamihamuya ki- mantarbahishchavritayebhayonya, ichchhami kalena na yasya viplava- stasyatmalokavaranasya moksham.
I do not wish to go on living here. What use is this elephant body, covered inside and out by ignorance? I long for freedom from that covering over the light of the Self, which time cannot destroy.
Word by word
- Shloka 26
सोऽहं विश्वसृजं विश्वमविश्वं विश्ववेदसम्। विश्वात्मानमजं ब्रह्म प्रणतोऽस्मि परं पदम्॥
Soham vishvasrijam vishvamavishvam vishvavedasam, vishvatmanamajam brahma pranatosmi param padam.
I bow to the creator of the universe, who is the universe and also beyond it, who knows the whole universe and is its soul. I bow to the unborn Brahman, the supreme goal.
Word by word
- Shloka 27
योगरन्धितकर्माणो हृदि योगविभाविते। योगिनो यं प्रपश्यन्ति योगेशं तं नतोऽस्म्यहम्॥
Yogarandhitakarmano hridi yogavibhavite, yogino yam prapashyanti yogesham tam natosmyaham.
Yogis whose karma has been burned away by yoga see him in hearts made pure by yoga. I bow to that master of yoga.
Word by word
- Shloka 28
नमो नमस्तुभ्यमसह्यवेग- शक्तित्रयायाखिलधीगुणाय। प्रपन्नपालाय दुरन्तशक्तये कदिन्द्रियाणामनवाप्यवर्त्मने॥
Namo namastubhyamasahyavega- shaktitrayayakhiladhigunaya, prapannapalaya durantashaktaye kadindriyanamanavapyavartmane.
Salutations again and again to you, whose three powers move with irresistible force, who appear as the objects of all the senses. You protect those who take refuge in you, your power has no end, and your path cannot be reached by those whose senses run unchecked.
Word by word
- Shloka 29
नायं वेद स्वमात्मानं यच्छक्त्याहंधिया हतम्। तं दुरत्ययमाहात्म्यं भगवन्तमितोऽस्म्यहम्॥
Nayam veda svamatmanam yachchhaktyahandhiya hatam, tam duratyayamahatmyam bhagavantamitosmyaham.
By his power, the individual being's awareness is covered by ego, so it does not know its own true self. I have come to that Bhagwan whose greatness is hard to fathom.
Word by word
- Shloka 30
श्रीशुक उवाच एवं गजेन्द्रमुपवर्णितनिर्विशेषं ब्रह्मादयो विविधलिङ्गभिदाभिमानाः। नैते यदोपससृपुर्निखिलात्मकत्वात् तत्राखिलामरमयो हरिराविरासीत्॥
Shrishuka uvacha evam gajendramupavarnitanirvishesham brahmadayo vividhalingabhidabhimanah, naite yadopasasripurnikhilatmakatvat tatrakhilamaramayo hariravirasit.
Shri Shuka said: When Gajendra praised the Supreme without naming any particular form, Brahma and the other devas, each holding to their own distinct form, did not come forward. Then Hari, the Self of all who contains all the devas, appeared there.
Word by word
- Shloka 31
तं तद्वदार्तमुपलभ्य जगन्निवासः स्तोत्रं निशम्य दिविजैः सह संस्तुवद्भिः। छन्दोमयेन गरुडेन समुह्यमान- श्चक्रायुधोऽभ्यगमदाशु यतो गजेन्द्रः॥
Tam tadvadartamupalabhya jagannivasah stotram nishamya divijaih saha sanstuvadbhih, chhandomayena garudena samuhyamana- shchakrayudhobhyagamadashu yato gajendrah.
Seeing Gajendra in such distress and hearing his prayer, Hari, the dwelling place of the world, holding his discus and carried by Garuda, whose form is the Vedic meters, quickly came to where Gajendra was, as the devas sang his praises.
Word by word
- Shloka 32
सोऽन्तःसरस्युरुबलेन गृहीत आर्तो दृष्ट्वा गरुत्मति हरिं ख उपात्तचक्रम्। उत्क्षिप्य साम्बुजकरं गिरमाह कृच्छ्रा- न्नारायणाखिलगुरो भगवन् नमस्ते॥
Sontahsarasyurubalena grihita Aarto drishtva garutmati harim kha upattachakram, utkshipya sambujakaram giramaha krichchhra- nnarayanakhilaguro bhagavan namaste.
Gajendra, held tight in the lake by the mighty crocodile and in pain, saw Hari on Garuda in the sky with the discus raised. Lifting his trunk holding a lotus, he spoke with great effort: O Narayana, teacher of all, O Bhagwan, salutations to you.
Word by word
- Shloka 33
तं वीक्ष्य पीडितमजः सहसावतीर्य सग्राहमाशु सरसः कृपयोज्जहार। ग्राहाद् विपाटितमुखादरिणा गजेन्द्रं सम्पश्यतां हरिरमूमुचदुस्रियाणाम्॥
Tam vikshya piditamajah sahasavatirya sagrahamashu sarasah kripayojjahara, grahad vipatitamukhadarina gajendram sampashyatam hariramumuchadusriyanam.
Seeing him in distress, the unborn Hari came down at once and, out of compassion, quickly lifted him out of the lake along with the crocodile. As the devas watched, Hari split open the crocodile's mouth with his discus and freed Gajendra.
Word by word
About this text
Gajendra Moksha Stotram is a Sanskrit stotra from the Srimad Bhagavatam, the elephant king Gajendra's prayer, followed by Bhagwan Vishnu's arrival.
When it is recited: Ekadashi, Daily morning prayer, Thursday Vishnu puja, Times of difficulty
