Stotra · Bhagwan Hayagriva
Hayagriva Stotram
हयग्रीव स्तोत्रम्
- Shloka 1
ज्ञानानन्दमयं देवं निर्मलस्फटिकाकृतिम् । आधारं सर्वविद्यानां हयग्रीवमुपास्महे ॥१॥
Gyananandamayam devam nirmalasphatikakritim, Aadharam sarvavidyanam hayagrivamupasmahe.
We worship Bhagwan Hayagriva, the divine one who is made of knowledge and bliss, whose form is like pure, spotless crystal, and who is the foundation of every branch of learning.
Word by word
- Shloka 2
स्वतस्सिद्धं शुद्धस्फटिकमणिभूभृत्प्रतिभटं सुधासध्रीचीभिर्द्युतिभिरवदातत्रिभुवनम् । अनन्तैस्त्रय्यन्तैरनुविहितहेषाहलहलं हताशेषावद्यं हयवदनमीडेमहि महः ॥२॥
Svatassiddham shuddhasphatikamanibhubhritpratibhatam sudhasadhrichibhirdyutibhiravadatatribhuvanam, anantaistrayyantairanuvihitaheshahalahalam hatasheshavadyam hayavadanamidemahi mahah.
We praise that radiance with the face of a horse. It exists by itself and rivals a mountain of pure crystal. Its nectar-like light brightens the three worlds, the endless Upanishads echo its neighing sound, and it removes every fault.
Word by word
- Shloka 3
समाहारस्साम्नां प्रतिपदमृचां धाम यजुषां लयः प्रत्यूहानां लहरिविततिर्बोधजलधेः । कथादर्पक्षुभ्यत्कथककुलकोलाहलभवं हरत्वन्तर्ध्वान्तं हयवदनहेषाहलहलः ॥३॥
Samaharassamnam pratipadamricham dhama yajusham layah pratyuhanam laharivitatirbodhajaladheh, kathadarpakshubhyatkathakakulakolahalabhavam haratvantardhvantam hayavadanaheshahalahalah.
The neighing of Hayavadana gathers in itself all the Sama chants. It is the source of every word of the Rig verses and the home of the Yajus, it dissolves obstacles, and it spreads like waves on the ocean of knowledge. May it remove the inner darkness born of the noisy clamour of debaters stirred up by pride in argument.
Word by word
- Shloka 4
प्राची सन्ध्या काचिदन्तर्निशायाः प्रज्ञादृष्टेरञ्जनश्रीरपूर्वा । वक्त्री वेदान् भातु मे वाजिवक्त्रा वागीशाख्या वासुदेवस्य मूर्तिः ॥४॥
Prachi sandhya kachidantarnishayah pragyadrishteranjanashrirapurva, vaktri vedan bhatu me vajivaktra vagishakhya vasudevasya murtih.
May the horse-faced form of Vasudeva, known as Vagisha, who speaks the Vedas, shine for me. It is like a rare eastern dawn in the night within, and a wondrous collyrium for the eye of wisdom.
Word by word
- Shloka 5
विशुद्धविज्ञानघनस्वरूपं विज्ञानविश्राणनबद्धदीक्षम् । दयानिधिं देहभृतां शरण्यं देवं हयग्रीवमहं प्रपद्ये ॥५॥
Vishuddhavigyanaghanasvarupam vigyanavishrananabaddhadiksham, dayanidhim dehabhritam sharanyam devam hayagrivamaham prapadye.
I take refuge in Deva Hayagriva. His very nature is pure and complete knowledge, he has vowed to give knowledge, he is a treasure of compassion and the shelter of all embodied beings.
Word by word
- Shloka 6
अपौरुषेयैरपि वाक्प्रपञ्चैः अद्यापि ते भूतिमदृष्टपाराम् । स्तुवन्नहं मुग्ध इति त्वयैव कारुण्यतो नाथ कटाक्षणीयः ॥६॥
Apaurusheyairapi vakprapanchaih adyapi te bhutimadrishtaparam, stuvannaham mugdha iti tvayaiva karunyato natha katakshaniyah.
Even the Vedas, which no person composed, have not reached the end of your glory to this day. I try to praise you all the same, simple as I am. So, Natha, look upon me yourself with compassion.
Word by word
- Shloka 7
दाक्षिण्यरम्या गिरिशस्य मूर्तिः देवी सरोजासनधर्मपत्नी । व्यासादयोऽपि व्यपदेश्यवाचः स्फुरन्ति सर्वे तव शक्तिलेशैः ॥७॥
Dakshinyaramya girishasya murtih devi sarojasanadharmapatni, vyasadayopi vyapadeshyavachah sphuranti sarve tava shaktileshaih.
The kindly form of Girisha (Bhagwan Shiva as Dakshinamurti), Devi Saraswati, the wife of lotus-seated Brahma, and Vyasa and other sages whose words are honoured all shine by tiny portions of your power.
Word by word
- Shloka 8
मन्दोऽभविष्यन्नियतं विरिञ्चः वाचां निधेर्वाञ्छितभागधेयः । दैत्यापनीतान् दययैव भूयोऽपि अध्यापयिष्यो निगमान्न चेत्त्वम् ॥८॥
Mandobhavishyanniyatam virinchah vacham nidhervanchhitabhagadheyah, daityapanitan dayayaiva bhuyopi adhyapayishyo nigamanna chettvam.
Brahma, who gained the fortune he wished for as the treasure-house of speech, would surely have become dull if you had not, out of compassion alone, taught him again the Vedas carried away by the demons.
Word by word
- Shloka 9
वितर्कडोलां व्यवधूय सत्त्वे बृहस्पतिं वर्तयसे यतस्त्वम् । तेनैव देव त्रिदशेश्वराणाम् अस्पृष्टडोलायितमाधिराज्यम् ॥९॥
Vitarkadolam vyavadhuya sattve brihaspatim vartayase yatastvam, tenaiva deva tridasheshvaranam asprishtadolayitamadhirajyam.
Deva, you shake off the swing of doubt and keep Brihaspati steady in clear understanding. Because of this, the rule of Indra, chief of the gods, stays untouched by wavering.
Word by word
- Shloka 10
अग्नौ समिद्धार्चिषि सप्ततन्तोः आतस्थिवान्मन्त्रमयं शरीरम् । अखण्डसारैर्हविषां प्रदानैः आप्यायनं व्योमसदां विधत्से ॥१०॥
Agnau samiddharchishi saptatantoh Aatasthivanmantramayam shariram, akhandasarairhavisham pradanaih Aapyayanam vyomasadam vidhatse.
You take a body made of mantras in the blazing flames of the sacrificial fire. Through offerings whose essence stays whole, you nourish the gods who dwell in the sky.
Word by word
- Shloka 11
यन्मूलमीदृक्प्रतिभाति तत्त्वं या मूलमाम्नायमहाद्रुमाणाम् । तत्त्वेन जानन्ति विशुद्धसत्त्वाः त्वामक्षरामक्षरमातृकां त्वाम् ॥११॥
Yanmulamidrikpratibhati tattvam ya mulamamnayamahadrumanam, tattvena jananti vishuddhasattvah tvamaksharamaksharamatrikam tvam.
Those whose nature is pure truly know you as the reality at the root of all that appears. They know you as the imperishable, and as the mother of letters, the root of the great trees of the Vedas.
Word by word
- Shloka 12
अव्याकृताद्व्याकृतवानसि त्वं नामानि रूपाणि च यानि पूर्वम् । शंसन्ति तेषां चरमां प्रतिष्ठां वागीश्वर त्वां त्वदुपज्ञवाचः ॥१२॥
Avyakritadvyakritavanasi tvam namani rupani cha yani purvam, shansanti tesham charamam pratishtham vagishvara tvam tvadupagyavachah.
In the beginning you brought names and forms out of the unmanifest into the manifest. Vagishvara, the words first taught by you declare you to be their final resting place.
Word by word
- Shloka 13
मुग्धेन्दुनिष्यन्दविलोभनीयां मूर्तिं तवानन्दसुधाप्रसूतिम् । विपश्चितश्चेतसि भावयन्ते वेलामुदारामिव दुग्धसिन्धोः ॥१३॥
Mugdhendunishyandavilobhaniyam murtim tavanandasudhaprasutim, vipashchitashchetasi bhavayante velamudaramiva dugdhasindhoh.
The wise meditate in their hearts on your form, which is as charming as the flow of light from a young moon and is the source of the nectar of bliss. To them it is like the gracious shore of the ocean of milk.
Word by word
- Shloka 14
मनोगतं पश्यति यस्सदा त्वां मनीषिणां मानसराजहंसम् । स्वयंपुरोभावविवादभाजः किंकुर्वते तस्य गिरो यथार्हम् ॥१४॥
Manogatam pashyati yassada tvam manishinam manasarajahansam, svayampurobhavavivadabhajah kinkurvate tasya giro yatharham.
You are the royal swan in the lake of the minds of the wise. Whoever always sees you dwelling in the mind finds that words, competing to come forward first, serve him as is fitting.
Word by word
- Shloka 15
अपि क्षणार्धं कलयन्ति ये त्वाम् आप्लावयन्तं विशदैर्मयूखैः । वाचां प्रवाहैरनिवारितैस्ते मन्दाकिनीं मन्दयितुं क्षमन्ते ॥१५॥
Api kshanardham kalayanti ye tvam Aaplavayantam vishadairmayukhaih, vacham pravahairanivaritaiste mandakinim mandayitum kshamante.
Those who contemplate you even for half a moment, as you flood them with bright rays, become able with their unstoppable streams of words to make even the Ganga seem slow.
Word by word
- Shloka 16
स्वामिन् भवद्ध्यानसुधाभिषेकात् वहन्ति धन्याः पुलकानुबन्धम् । अलक्षिते क्वापि निरूढमूलम् अङ्गेष्विवानन्दथुमङ्कुरन्तम् ॥१६॥
Svamin bhavaddhyanasudhabhishekat vahanti dhanyah pulakanubandham, alakshite kvapi nirudhamulam angeshvivanandathumankurantam.
Swamin, bathed in the nectar of meditation on you, the blessed carry a continuous thrill in their bodies. It is as if bliss, rooted somewhere unseen, were sprouting through their limbs.
Word by word
- Shloka 17
स्वामिन् प्रतीचा हृदयेन धन्याः त्वद्ध्यानचन्द्रोदयवर्धमानम् । अमान्तमानन्दपयोधिमन्तः पयोभिरक्ष्णां परिवाहयन्ति ॥१७॥
Svamin praticha hridayena dhanyah tvaddhyanachandrodayavardhamanam, amantamanandapayodhimantah payobhirakshnam parivahayanti.
Swamin, with hearts turned inward, the blessed feel an ocean of bliss swell within them at the moonrise of meditation on you. Too vast to be held, it overflows as tears from their eyes.
Word by word
- Shloka 18
स्वैरानुभावास्त्वदधीनभावाः समृद्धवीर्यास्त्वदनुग्रहेण । विपश्चितो नाथ तरन्ति मायां वैहारिकीं मोहनपिञ्छिकां ते ॥१८॥
Svairanubhavastvadadhinabhavah samriddhaviryastvadanugrahena, vipashchito natha taranti mayam vaiharikim mohanapinchhikam te.
Natha, the wise, free in their spirit, with their whole being resting in you and their strength made rich by your grace, cross over your maya, the playful peacock-feather wand that bewilders.
Word by word
- Shloka 19
प्राङ्निर्मितानां तपसां विपाकाः प्रत्यग्रनिश्श्रेयससम्पदो मे । समेधिषीरंस्तव पादपद्मे सङ्कल्पचिन्तामणयः प्रणामाः ॥१९॥
Prannirmitanam tapasam vipakah pratyagranishshreyasasampado me, samedhishiranstava padapadme sankalpachintamanayah pranamah.
My salutations at your lotus feet are the ripened fruit of austerities done long ago, fresh wealth of the highest good, and wish-fulfilling gems for every resolve. May they keep on growing.
Word by word
- Shloka 20
विलुप्तमूर्धन्यलिपिक्रमाणां सुरेन्द्रचूडापदलालितानाम् । त्वदङ्घ्रिराजीवरजःकणानां भूयान् प्रसादो मयि नाथ भूयात् ॥२०॥
Viluptamurdhanyalipikramanam surendrachudapadalalitanam, tvadanghrirajivarajahkananam bhuyan prasado mayi natha bhuyat.
Natha, may abundant grace come to me from the dust of your lotus feet. That dust wipes out the lines of fate written on the head and is cherished by the crowns of Indra.
Word by word
- Shloka 21
परिस्फुरन्नूपुरचित्रभानु- प्रकाशनिर्धूततमोनुषङ्गाम् । पदद्वयीं ते परिचिन्महेऽन्तः प्रबोधराजीवविभातसन्ध्याम् ॥२१॥
Parisphurannupurachitrabhanu- prakashanirdhutatamonushangam, padadvayim te parichinmahentah prabodharajivavibhatasandhyam.
Within our hearts we contemplate your two feet. The light of the shining anklets on them drives away every trace of darkness, and they are the dawn that opens the lotus of awakening.
Word by word
- Shloka 22
त्वत्किङ्करालङ्करणोचितानां त्वयैव कल्पान्तरपालितानाम् । मञ्जुप्रणादं मणिनूपुरं ते मञ्जूषिकां वेदगिरां प्रतीमः ॥२२॥
Tvatkinkaralankaranochitanam tvayaiva kalpantarapalitanam, manjupranadam maninupuram te manjushikam vedagiram pratimah.
We regard your sweet-sounding jewelled anklet as the casket of the Vedic words. Those words are fit to adorn your servants, and you yourself have protected them through age after age.
Word by word
- Shloka 23
सञ्चिन्तयामि प्रतिभादशास्थान् सन्धुक्षयन्तं समयप्रदीपान् । विज्ञानकल्पद्रुमपल्लवाभं व्याख्यानमुद्रामधुरं करं ते ॥२३॥
Sanchintayami pratibhadashasthan sandhukshayantam samayapradipan, vigyanakalpadrumapallavabham vyakhyanamudramadhuram karam te.
I meditate on your hand, lovely with the gesture of teaching, like a tender shoot of the wish-granting tree of knowledge. It kindles the lamps of scripture in those who have reached the stage of insight.
Word by word
- Shloka 24
चित्ते करोमि स्फुरिताक्षमालं सव्येतरं नाथ करं त्वदीयम् । ज्ञानामृतोदञ्चनलम्पटानां लीलाघटीयन्त्रमिवाश्रितानाम् ॥२४॥
Chitte karomi sphuritakshamalam savyetaram natha karam tvadiyam, gyanamritodanchanalampatanam lilaghatiyantramivashritanam.
Natha, I hold in my mind your right hand with its shining rosary. For devotees eager to draw up the nectar of knowledge, it is like a playful water-wheel.
Word by word
- Shloka 25
प्रबोधसिन्धोररुणैः प्रकाशैः प्रवालसङ्घातमिवोद्वहन्तम् । विभावये देव स पुस्तकं ते वामं करं दक्षिणमाश्रितानाम् ॥२५॥
Prabodhasindhorarunaih prakashaih pravalasanghatamivodvahantam, vibhavaye deva sa pustakam te vamam karam dakshinamashritanam.
Deva, I contemplate your left hand holding the book. With its reddish glow it seems to carry clusters of coral from the ocean of knowledge, and though it is the left hand, it is ever kind to those who take refuge in you.
Word by word
- Shloka 26
तमांसि भित्त्वा विशदैर्मयूखैः सम्प्रीणयन्तं विदुषश्चकोरान् । निशामये त्वां नवपुण्डरीके शरद्घने चन्द्रमिव स्फुरन्तम् ॥२६॥
Tamansi bhittva vishadairmayukhaih samprinayantam vidushashchakoran, nishamaye tvam navapundarike sharadghane chandramiva sphurantam.
I behold you seated on a fresh white lotus, shining like the moon among autumn clouds. Your bright rays pierce the darkness and delight the learned, as moonlight delights the chakora birds.
Word by word
- Shloka 27
दिशन्तु मे देव सदा त्वदीयाः दयातरङ्गानुचराः कटाक्षाः । श्रोत्रेषु पुंसाममृतं क्षरन्तीं सरस्वतीं संश्रितकामधेनुम् ॥२७॥
Dishantu me deva sada tvadiyah dayataranganucharah katakshah, shrotreshu punsamamritam ksharantim sarasvatim sanshritakamadhenum.
Deva, may your glances, followed by waves of compassion, always grant me the gift of speech, Saraswati. That speech pours nectar into people's ears and is a wish-fulfilling cow for those who seek shelter.
Word by word
- Shloka 28
विशेषवित्पारिषदेषु नाथ विदग्धगोष्ठीसमराङ्गणेषु । जिगीषतो मे कवितार्किकेन्द्रान् जिह्वाग्रसिंहासनमभ्युपेयाः ॥२८॥
Visheshavitparishadeshu natha vidagdhagoshthisamaranganeshu, jigishato me kavitarkikendran jihvagrasinhasanamabhyupeyah.
Natha, in assemblies of discerning scholars and in the battlefields of learned debate, when I seek to win against the foremost poets and logicians, please take your seat on the throne at the tip of my tongue.
Word by word
- Shloka 29
त्वां चिन्तयन् त्वन्मयतां प्रपन्नः त्वामुद्गृणन् शब्दमयेन धाम्ना । स्वामिन् समाजेषु समेधिषीय स्वच्छन्दवादाहवबद्धशूरः ॥२९॥
Tvam chintayan tvanmayatam prapannah tvamudgrinan shabdamayena dhamna, svamin samajeshu samedhishiya svachchhandavadahavabaddhashurah.
Swamin, thinking of you, filled with you, and uttering you through your form made of sound, may I flourish in assemblies as a brave one in free and open debate.
Word by word
- Shloka 30
नानाविधानामगतिः कलानां न चापि तीर्थेषु कृतावतारः । ध्रुवं तवानाथपरिग्रहायाः नवं नवं पात्रमहं दयायाः ॥३०॥
Nanavidhanamagatih kalanam na chapi tirtheshu kritavatarah, dhruvam tavanathaparigrahayah navam navam patramaham dayayah.
I have no grasp of the many arts, nor have I studied at the feet of great teachers. Surely, then, I am an ever new vessel for your compassion, which embraces those who have no one else.
Word by word
- Shloka 31
अकम्पनीयान्यपनीतिभेदैः अलङ्कृषीरन् हृदयं मदीयम् । शङ्काकलङ्कापगमोज्ज्वलानि तत्त्वानि सम्यञ्चि तव प्रसादात् ॥३१॥
Akampaniyanyapanitibhedaih alankrishiran hridayam madiyam, shankakalankapagamojjvalani tattvani samyanchi tava prasadat.
By your grace, may true principles adorn my heart. May they stay unshaken by every kind of false reasoning and shine bright, free of the stain of doubt.
Word by word
- Shloka 32
व्याख्यामुद्रां करसरसिजैः पुस्तकं शङ्खचक्रे बिभ्रद्भिन्नस्फटिकरुचिरे पुण्डरीके निषण्णः । अम्लानश्रीरमृतविशदैरंशुभिः प्लावयन्मां आविर्भूयादनघमहिमा मानसे वागधीशः ॥३२॥
Vyakhyamudram karasarasijaih pustakam shankhachakre bibhradbhinnasphatikaruchire pundarike nishannah, amlanashriramritavishadairanshubhih plavayanmam Aavirbhuyadanaghamahima manase vagadhishah.
In his lotus hands the Master of Speech holds the teaching gesture, a book, the conch and the discus. He is seated on a white lotus as bright as freshly split crystal. May he, of spotless glory and unfading beauty, appear in my mind and bathe me in rays as clear as nectar.
Word by word
- Shloka 33
वागर्थसिद्धिहेतोः पठत हयग्रीवसंस्तुतिं भक्त्या । कवितार्किककेसरिणा वेङ्कटनाथेन विरचितामेताम् ॥३३॥
Vagarthasiddhihetoh pathata hayagrivasanstutim bhaktya, kavitarkikakesarina venkatanathena virachitametam.
The text says: recite with devotion this hymn to Hayagriva, composed by Venkatanatha, the lion among poets and logicians, for mastery over words and their meaning.
Word by word
About this text
Hayagriva Stotram is a Sanskrit stotra, a hymn of praise, by Swami Vedanta Desika to Bhagwan Hayagriva, the horse-faced form of Bhagwan Vishnu.
When it is recited: Hayagriva Jayanti (Shravana Purnima), Before study or exams, Vidyarambham, Navaratri, Vijayadashami, Start of the school year
