Stotra · Maa Durga
Devi Atharvashirsha
देव्यथर्वशीर्षम्
- Shloka 1
ॐ सर्वे वै देवा देवीमुपतस्थुः कासि त्वं महादेवीति ॥१॥
Om sarve vai deva devimupatasthuh kasi tvam mahadeviti.
All the devas came before the Devi and asked her, "O Mahadevi, who are you?"
Word by word
- Shloka 2
साऽब्रवीत्—अहं ब्रह्मस्वरूपिणी । मत्तः प्रकृतिपुरुषात्मकं जगत् । शून्यं चाशून्यं च ॥२॥
Sabravit—aham brahmasvarupini, mattah prakritipurushatmakam jagat, shunyam chashunyam cha.
She said: I am of the very nature of Brahman. From me comes this world, made of Prakriti and Purusha. I am both the empty and the non-empty.
Word by word
- Shloka 3
अहमानन्दानानन्दौ । अहं विज्ञानाविज्ञाने । अहं ब्रह्माब्रह्मणी वेदितव्ये । अहं पञ्चभूतान्यपञ्चभूतानि । अहमखिलं जगत् ॥३॥
Ahamanandananandau, aham vigyanavigyane, aham brahmabrahmani veditavye, aham panchabhutanyapanchabhutani, ahamakhilam jagat.
I am bliss and also its absence. I am knowledge and also its absence. I am Brahman and what is not Brahman, both of which are to be known. I am the five elements and what lies beyond them. I am this entire world.
Word by word
- Shloka 4
वेदोऽहमवेदोऽहम् । विद्याहमविद्याहम् । अजाहमनजाहम् । अधश्चोर्ध्वं च तिर्यक्चाहम् ॥४॥
Vedohamavedoham, vidyahamavidyaham, ajahamanajaham, adhashchordhvam cha tiryakchaham.
I am the Veda and what is not the Veda. I am vidya (true knowledge) and avidya (ignorance). I am the unborn and also the born. I am below, above and on every side.
Word by word
- Shloka 5
अहं रुद्रेभिर्वसुभिश्चरामि । अहमादित्यैरुत विश्वदेवैः । अहं मित्रावरुणावुभौ बिभर्मि । अहमिन्द्राग्नी अहमश्विनावुभौ ॥५॥
Aham rudrebhirvasubhishcharami, ahamadityairuta vishvadevaih, aham mitravarunavubhau bibharmi, ahamindragni ahamashvinavubhau.
I move with the Rudras and the Vasus, and with the Adityas and the Vishvedevas. I uphold both Mitra and Varuna. I uphold Indra and Agni, and both the Ashvins.
Word by word
- Shloka 6
अहं सोमं त्वष्टारं पूषणं भगं दधामि । अहं विष्णुमुरुक्रमं ब्रह्माणमुत प्रजापतिं दधामि ॥६॥
Aham somam tvashtaram pushanam bhagam dadhami, aham vishnumurukramam brahmanamuta prajapatim dadhami.
I sustain Soma, Tvashta, Pushan and Bhaga. I sustain Bhagwan Vishnu of the wide strides, Brahma ji and Prajapati.
Word by word
- Shloka 7
अहं दधामि द्रविणं हविष्मते सुप्राव्ये यजमानाय सुन्वते । अहं राष्ट्री सङ्गमनी वसूनां चिकितुषी प्रथमा यज्ञियानाम् । अहं सुवे पितरमस्य मूर्धन्मम योनिरप्स्वन्तः समुद्रे । य एवं वेद । स दैवीं सम्पदमाप्नोति ॥७॥
Aham dadhami dravinam havishmate supravye yajamanaya sunvate, aham rashtri sangamani vasunam chikitushi prathama yagyiyanam, aham suve pitaramasya murdhanmama yonirapsvantah samudre, ya evam veda, sa daivim sampadamapnoti.
I give wealth to the yajaman who offers oblations, serves the devas well and presses the Soma. I am the sovereign queen, the one who gathers riches, the knowing one, first among those worthy of worship. At the summit of this world I bring forth the father, the sky; my origin is within the waters, in the ocean. The text says that one who knows this attains divine wealth.
Word by word
- Shloka 8
ते देवा अब्रुवन्—नमो देव्यै महादेव्यै शिवायै सततं नमः । नमः प्रकृत्यै भद्रायै नियताः प्रणताः स्म ताम् ॥८॥
Te deva abruvan—namo devyai mahadevyai shivayai satatam namah, namah prakrityai bhadrayai niyatah pranatah sma tam.
The devas said: Salutations to the Devi, to Mahadevi. Salutations always to the auspicious Shiva. Salutations to Prakriti, to the gracious Bhadra. With disciplined minds we bow to her.
Word by word
- Shloka 9
तामग्निवर्णां तपसा ज्वलन्तीं वैरोचनीं कर्मफलेषु जुष्टाम् । दुर्गां देवीं शरणं प्रपद्यामहेऽसुरान्नाशयित्र्यै ते नमः ॥
Tamagnivarnam tapasa jvalantim vairochanim karmaphaleshu jushtam, durgam devim sharanam prapadyamahesurannashayitryai te namah.
We take refuge in Devi Durga, who is the colour of fire, who blazes with her tapas, the radiant one, sought for the fruits of all actions. Salutations to you, who destroys the asuras.
Word by word
- Shloka 10
देवीं वाचमजनयन्त देवास्तां विश्वरूपाः पशवो वदन्ति । सा नो मन्द्रेषमूर्जं दुहाना धेनुर्वागस्मानुप सुष्टुतैतु ॥
Devim vachamajanayanta devastam vishvarupah pashavo vadanti, sa no mandreshamurjam duhana dhenurvagasmanupa sushtutaitu.
The devas brought forth the divine Speech, and living beings of every form speak through her. May that Speech, well praised and delightful, come to us like a cow giving nourishment and strength.
Word by word
- Shloka 11
कालरात्रीं ब्रह्मस्तुतां वैष्णवीं स्कन्दमातरम् । सरस्वतीमदितिं दक्षदुहितरं नमामः पावनां शिवाम् ॥
Kalaratrim brahmastutam vaishnavim skandamataram, sarasvatimaditim dakshaduhitaram namamah pavanam shivam.
We bow to Kalaratri, praised by Brahma ji, to Vaishnavi, the mother of Skanda, to Saraswati, to Aditi the daughter of Daksha, the purifying and auspicious Shiva.
Word by word
- Shloka 12
महालक्ष्म्यै च विद्महे सर्वशक्त्यै च धीमहि । तन्नो देवी प्रचोदयात् ॥
Mahalakshmyai cha vidmahe sarvashaktyai cha dhimahi, tanno devi prachodayat.
We come to know Mahalakshmi and meditate on her who is all power. May that Devi inspire and guide us.
Word by word
- Shloka 13
अदितिर्ह्यजनिष्ट दक्ष या दुहिता तव । तां देवा अन्वजायन्त भद्रा अमृतबन्धवः ॥
Aditirhyajanishta daksha ya duhita tava, tam deva anvajayanta bhadra amritabandhavah.
O Daksha, Aditi, who is your daughter, was born. After her were born the devas, the auspicious ones, kin of immortality.
Word by word
- Shloka 14
कामो योनिः कमला वज्रपाणिर्गुहा हसा मातरिश्वाभ्रमिन्द्रः । पुनर्गुहा सकला मायया च पुरूच्यैषा विश्वमातादिविद्योम् ॥
Kamo yonih kamala vajrapanirguha hasa matarishvabhramindrah, punarguha sakala mayaya cha puruchyaisha vishvamatadividyom.
Kama, Yoni, Kamala, Vajrapani, Guha, Ha, Sa, Matarishva, Abhra, Indra, again Guha, then Sa Ka La with Maya: these are coded names for the letters of her mantra. Spoken in many ways, she is the Mother of the universe, the primal knowledge, the Brahman.
Word by word
- Shloka 15
एषाऽऽत्मशक्तिः । एषा विश्वमोहिनी । पाशाङ्कुशधनुर्बाणधरा । एषा श्रीमहाविद्या । य एवं वेद स शोकं तरति ॥१५॥
Eshatmashaktih, esha vishvamohini, pashankushadhanurbanadhara, esha shrimahavidya, ya evam veda sa shokam tarati.
She is the power of the Self. She enchants the whole universe. She holds the noose, the goad, the bow and the arrow. She is Shri Mahavidya. The text says that one who knows this crosses beyond sorrow.
Word by word
- Shloka 16
नमस्ते अस्तु भगवति मातरस्मान् पाहि सर्वतः ॥१६॥
Namaste astu bhagavati matarasman pahi sarvatah.
Salutations to you, O Bhagavati. O Mother, protect us on every side.
Word by word
- Shloka 17
सैषाष्टौ वसवः । सैषैकादश रुद्राः । सैषा द्वादशादित्याः । सैषा विश्वेदेवाः सोमपा असोमपाश्च । सैषा यातुधाना असुरा रक्षांसि पिशाचा यक्षाः सिद्धाः । सैषा सत्वरजस्तमांसि । सैषा ब्रह्मविष्णुरुद्ररूपिणी । सैषा प्रजापतीन्द्रमनवः । सैषा ग्रहनक्षत्रज्योतींषि । कलाकाष्ठादिकालरूपिणी । तामहं प्रणौमि नित्यम् ॥
Saishashtau vasavah, saishaikadasha rudrah, saisha dvadashadityah, saisha vishvedevah somapa asomapashcha, saisha yatudhana asura rakshansi pishacha yakshah siddhah, saisha satvarajastamansi, saisha brahmavishnurudrarupini, saisha prajapatindramanavah, saisha grahanakshatrajyotinshi, kalakashthadikalarupini, tamaham pranaumi nityam.
She is the eight Vasus, the eleven Rudras and the twelve Adityas. She is the Vishvedevas, those who drink Soma and those who do not. She is also the yatudhanas, asuras, rakshasas, pishachas, yakshas and siddhas. She is sattva, rajas and tamas. She takes the forms of Brahma, Vishnu and Rudra. She is Prajapati, Indra and the Manus. She is the planets, the stars and all lights. She is time in its measures such as kala and kashtha. I bow to her always.
Word by word
- Shloka 18
पापापहारिणीं दैवीं भुक्तिमुक्तिप्रदायिनीम् । अनन्तां विजयां शुद्धां शरण्यां शिवदां शिवाम् ॥
Papapaharinim daivim bhuktimuktipradayinim, anantam vijayam shuddham sharanyam shivadam shivam.
I bow to her who removes sins, the divine one, who grants both worldly enjoyment and liberation, who is endless, victorious and pure, the refuge of all, the giver of good, the auspicious one.
Word by word
- Shloka 19
वियदीकारसंयुक्तं वीतिहोत्रसमन्वितम् । अर्धेन्दुलसितं देव्या बीजं सर्वार्थसाधकम् ॥
Viyadikarasanyuktam vitihotrasamanvitam, ardhendulasitam devya bijam sarvarthasadhakam.
The letter of the sky (Ha), joined with the vowel Ī and with fire (Ra), and shining with the half-moon: this is the Devi's seed syllable, Hrīm, which the text calls the fulfiller of all aims.
Word by word
- Shloka 20
एवमेकाक्षरं ब्रह्म यतयः शुद्धचेतसः । ध्यायन्ति परमानन्दमया ज्ञानाम्बुराशयः ॥
Evamekaksharam brahma yatayah shuddhachetasah, dhyayanti paramanandamaya gyanamburashayah.
In this way, ascetics with pure minds, full of supreme bliss and oceans of knowledge, meditate on this single-syllable Brahman.
Word by word
- Shloka 21
वाङ्माया ब्रह्मसूस्तस्मात् षष्ठं वक्त्रसमन्वितम् । सूर्योऽवामश्रोत्रबिन्दुसंयुक्तष्टात्तृतीयकः । नारायणेन संमिश्रो वायुश्चाधरयुक् ततः । विच्चे नवार्णकोऽर्णः स्यान्महदानन्ददायकः ॥
Vanmaya brahmasustasmat shashtham vaktrasamanvitam, suryovamashrotrabindusanyuktashtattritiyakah, narayanena sammishro vayushchadharayuk tatah, vichche navarnakornah syanmahadanandadayakah.
Vak (Aim), Maya (Hrīm) and Brahmasu (Klīm); then the sixth consonant with the vowel of the mouth (Chā); the Sun letter (Ma) with the right-ear vowel and the dot (Muṇ); the third from Ṭa (Ḍa) joined with Narayana (Ā), giving Ḍā; the wind letter (Ya) with the lower-lip vowel (Ai), giving Yai; and then Vicce. This is the nine-syllable mantra, which the text says gives great bliss.
Word by word
- Shloka 22
हृत्पुण्डरीकमध्यस्थां प्रातःसूर्यसमप्रभाम् । पाशाङ्कुशधरां सौम्यां वरदाभयहस्तकाम् । त्रिनेत्रां रक्तवसनां भक्तकामदुघां भजे ॥
Hritpundarikamadhyastham pratahsuryasamaprabham, pashankushadharam saumyam varadabhayahastakam, trinetram raktavasanam bhaktakamadugham bhaje.
I worship her who dwells in the lotus of the heart, glowing like the morning sun, holding the noose and the goad, gentle in form, her hands showing the gestures of blessing and of fearlessness, three-eyed, dressed in red, who fulfils the wishes of her devotees like the wish-giving cow.
Word by word
- Shloka 23
नमामि त्वां महादेवीं महाभयविनाशिनीम् । महादुर्गप्रशमनीं महाकारुण्यरूपिणीम् ॥
Namami tvam mahadevim mahabhayavinashinim, mahadurgaprashamanim mahakarunyarupinim.
I bow to you, Mahadevi, who removes great fears, who eases great hardships, who is the very form of great compassion.
Word by word
- Shloka 24
यस्याः स्वरूपं ब्रह्मादयो न जानन्ति तस्मादुच्यते अज्ञेया । यस्या अन्तो न लभ्यते तस्मादुच्यते अनन्ता । यस्या लक्ष्यं नोपलक्ष्यते तस्मादुच्यते अलक्ष्या । यस्या जननं नोपलभ्यते तस्मादुच्यते अजा । एकैव सर्वत्र वर्तते तस्मादुच्यते एका । एकैव विश्वरूपिणी तस्मादुच्यते नैका । अत एवोच्यते अज्ञेयानन्ताऽलक्ष्याजैका नैकेति ॥२३॥
Yasyah svarupam brahmadayo na jananti tasmaduchyate agyeya, yasya anto na labhyate tasmaduchyate ananta, yasya lakshyam nopalakshyate tasmaduchyate alakshya, yasya jananam nopalabhyate tasmaduchyate aja, ekaiva sarvatra vartate tasmaduchyate eka, ekaiva vishvarupini tasmaduchyate naika, ata evochyate agyeyanantalakshyajaika naiketi.
Even Brahma and the other devas do not know her true nature, so she is called Ajneya, the Unknowable. Her end cannot be found, so she is called Ananta, the Endless. Her mark cannot be perceived, so she is called Alakshya, the Imperceptible. Her birth cannot be found, so she is called Aja, the Unborn. She alone is present everywhere, so she is called Eka, the One. She alone takes the form of the whole universe, so she is called Naika, the Many. That is why she is called Unknowable, Endless, Imperceptible, Unborn, One and Many.
Word by word
- Shloka 25
मन्त्राणां मातृका देवी शब्दानां ज्ञानरूपिणी । ज्ञानानां चिन्मयातीता शून्यानां शून्यसाक्षिणी । यस्याः परतरं नास्ति सैषा दुर्गा प्रकीर्तिता ॥
Mantranam matrika devi shabdanam gyanarupini, gyananam chinmayatita shunyanam shunyasakshini, yasyah parataram nasti saisha durga prakirtita.
Among mantras she is the Matrika, the source letters. Among words she is knowledge itself. Among kinds of knowing she is beyond even pure consciousness. Among voids she is the witness of the void. There is nothing higher than her; she is celebrated as Durga.
Word by word
- Shloka 26
तां दुर्गां दुर्गमां देवीं दुराचारविघातिनीम् । नमामि भवभीतोऽहं संसारार्णवतारिणीम् ॥
Tam durgam durgamam devim duracharavighatinim, namami bhavabhitoham sansararnavatarinim.
Troubled by the round of worldly existence, I bow to that Devi Durga, who is hard to reach, who puts an end to wrong conduct, and who carries us across the ocean of samsara.
Word by word
- Shloka 27
इदमथर्वशीर्षं योऽधीते स पञ्चाथर्वशीर्षजपफलमाप्नोति । इदमथर्वशीर्षमज्ञात्वा योऽर्चां स्थापयति शतलक्षं प्रजप्त्वापि सोऽर्चासिद्धिं न विन्दति ।
Idamatharvashirsham yodhite sa panchatharvashirshajapaphalamapnoti, idamatharvashirshamagyatva yorcham sthapayati shatalaksham prajaptvapi sorchasiddhim na vindati
The text says that one who studies this Atharvashirsha gains the fruit of reciting the five Atharvashirshas. It also says that one who installs a murti for worship without knowing this Atharvashirsha does not attain fulfilment in that worship, even after a hundred lakh recitations.
Word by word
- Shloka 28
शतमष्टोत्तरं चास्य पुरश्चर्याविधिः स्मृतः । दशावारं पठेद् यस्तु सद्यः पापैः प्रमुच्यते । महादुर्गाणि तरति महादेव्याः प्रसादतः ॥
Shatamashtottaram chasya purashcharyavidhih smritah, dashavaram pathed yastu sadyah papaih pramuchyate, mahadurgani tarati mahadevyah prasadatah.
One hundred and eight recitations are said to be its purascharana, the preparatory practice. The text says that one who reads it ten times is freed from sins at once, and by the grace of Mahadevi crosses great difficulties.
Word by word
- Shloka 29
सायमधीयानो दिवसकृतं पापं नाशयति । प्रातरधीयानो रात्रिकृतं पापं नाशयति । सायं प्रातः प्रयुञ्जानो अपापो भवति । निशीथे तुरीयसंध्यायां जप्त्वा वाक्सिद्धिर्भवति । नूतनायां प्रतिमायां जप्त्वा देवतासांनिध्यं भवति । प्राणप्रतिष्ठायां जप्त्वा प्राणानां प्रतिष्ठा भवति । भौमाश्विन्यां महादेवीसंनिधौ जप्त्वा महामृत्युं तरति । स महामृत्युं तरति य एवं वेद । इत्युपनिषत् ॥
Sayamadhiyano divasakritam papam nashayati, prataradhiyano ratrikritam papam nashayati, sayam pratah prayunjano apapo bhavati, nishithe turiyasandhyayam japtva vaksiddhirbhavati, nutanayam pratimayam japtva devatasannidhyam bhavati, pranapratishthayam japtva prananam pratishtha bhavati, bhaumashvinyam mahadevisannidhau japtva mahamrityum tarati, sa mahamrityum tarati ya evam veda, ityupanishat.
The text says: reciting it in the evening removes the sins of the day, and reciting it in the morning removes the sins of the night. One who recites it morning and evening becomes free of sin. Reciting it at midnight, the fourth sandhya, brings mastery of speech. Reciting it before a new murti brings the presence of the deity, and reciting it during prana pratishtha establishes life in the murti. Reciting it in the presence of Mahadevi when Tuesday falls with the Ashvini nakshatra, one crosses beyond the great death. The one who knows this crosses beyond the great death. Thus ends the Upanishad.
Word by word
About this text
Devi Atharvashirsha is a short Sanskrit Upanishad in which Maa Durga reveals herself as the Supreme reality and the devas sing her praise.
When it is recited: navratri, chaitra-navratri, sharad-navratri, durga-ashtami, durga-saptashati-path, daily-puja, prana-pratishtha
