Stotra · Maa Durga
Bhavani Bhujangam
भवानीभुजङ्गम्
- Shloka 1
षडाधारपङ्केरुहान्तर्विराज- -त्सुषुम्नान्तरालेऽतितेजोल्लसन्तीम् । सुधामण्डलं द्रावयन्तीं पिबन्तीं सुधामूर्तिमीडे चिदानन्दरूपाम् ॥ १ ॥
Shadadharapankeruhantarviraja- -tsushumnantaraletitejollasantim, sudhamandalam dravayantim pibantim sudhamurtimide chidanandarupam.
Within the sushumna channel, which shines through the six lotus centres of the body, she glows with intense radiance. She melts the circle of nectar and drinks it. I praise her, whose form is nectar and whose nature is consciousness and bliss.
Word by word
- Shloka 2
ज्वलत्कोटिबालार्कभासारुणाङ्गीं सुलावण्यशृङ्गारशोभाभिरामाम् । महापद्मकिञ्जल्कमध्ये विराज- -त्त्रिकोणे निषण्णां भजे श्रीभवानीम् ॥ २ ॥
Jvalatkotibalarkabhasarunangim sulavanyashringarashobhabhiramam, mahapadmakinjalkamadhye viraja- -ttrikone nishannam bhaje shribhavanim.
Her body is reddish with the glow of countless blazing rising suns, lovely with grace and adornment. She is seated in the shining triangle at the centre of the great lotus's filaments. I worship Shri Bhavani.
Word by word
- Shloka 3
क्वणत्किङ्किणीनूपुरोद्भासिरत्न- -प्रभालीढलाक्षार्द्रपादाब्जयुग्मम् । अजेशाच्युताद्यैः सुरैः सेव्यमानं महादेवि मन्मूर्ध्नि ते भावयामि ॥ ३ ॥
Kvanatkinkininupurodbhasiratna- -prabhalidhalakshardrapadabjayugmam, ajeshachyutadyaih suraih sevyamanam mahadevi manmurdhni te bhavayami.
Your two lotus feet tinkle with small bells and anklets, are touched by the light of gems, and are moist with red lac. Brahma, Shiva, Vishnu and the other devas serve them. O Mahadevi, I picture them resting on my head.
Word by word
- Shloka 4
सुशोणाम्बराबद्धनीवीविराज- -न्महारत्नकाञ्चीकलापं नितम्बम् । स्फुरद्दक्षिणावर्तनाभिं च तिस्रो वलीरम्ब ते रोमराजिं भजेऽहम् ॥ ४ ॥
Sushonambarabaddhaniviviraja- -nmaharatnakanchikalapam nitambam, sphuraddakshinavartanabhim cha tisro valiramba te romarajim bhajeham.
O Mother, I worship your waist with its great jewelled girdle shining over the knot of your deep red garment. I also worship your navel turning to the right, the three folds of your waist, and the fine line of hair above.
Word by word
- Shloka 5
लसद्वृत्तमुत्तुङ्गमाणिक्यकुम्भो- -पमश्रि स्तनद्वन्द्वमम्बाम्बुजाक्षि । भजे दुग्धपूर्णाभिरामं तवेदं महाहारदीप्तं सदा प्रस्नुतास्यम् ॥ ५ ॥
Lasadvrittamuttungamanikyakumbho- -pamashri stanadvandvamambambujakshi, bhaje dugdhapurnabhiramam tavedam mahaharadiptam sada prasnutasyam.
O lotus-eyed Mother, I worship your two breasts, round and full like pots of ruby, beautiful and full of milk, shining with a great necklace and always flowing for your children.
Word by word
- Shloka 6
शिरीषप्रसूनोल्लसद्बाहुदण्डै- -र्ज्वलद्बाणकोदण्डपाशाङ्कुशैश्च । चलत्कङ्कणोदारकेयूरभूषो- -ज्ज्वलद्भिर्लसन्तीं भजे श्रीभवानीम् ॥ ६ ॥
Shirishaprasunollasadbahudandai- -rjvaladbanakodandapashankushaishcha, chalatkankanodarakeyurabhusho- -jjvaladbhirlasantim bhaje shribhavanim.
Her arms are soft as shirisha flowers and hold a shining arrow, bow, noose and goad. She glows with moving bangles and fine armlets. I worship Shri Bhavani.
Word by word
- Shloka 7
शरत्पूर्णचन्द्रप्रभापूर्णबिम्बा- -धरस्मेरवक्त्रारविन्दां सुशान्ताम् । सुरत्नावलीहारताटङ्कशोभां महासुप्रसन्नां भजे श्रीभवानीम् ॥ ७ ॥
Sharatpurnachandraprabhapurnabimba- -dharasmeravaktraravindam sushantam, suratnavaliharatatankashobham mahasuprasannam bhaje shribhavanim.
Her lotus face, with smiling lips, is round and bright like the full moon of autumn. She is deeply calm, adorned with necklaces of fine gems and earrings, and very gracious. I worship Shri Bhavani.
Word by word
- Shloka 8
सुनासापुटं सुन्दरभ्रूललाटं तवौष्ठश्रियं दानदक्षं कटाक्षम् । ललाटे लसद्गन्धकस्तूरिभूषं स्फुरच्छ्रीमुखाम्भोजमीडेऽहमम्ब ॥ ८ ॥
Sunasaputam sundarabhrulalatam tavaushthashriyam danadaksham kataksham, lalate lasadgandhakasturibhusham sphurachchhrimukhambhojamidehamamba.
O Mother, I praise your shining lotus face: the graceful nose, the lovely brows and forehead, the beauty of your lips, the glance that is quick to give, and the forehead adorned with fragrant musk.
Word by word
- Shloka 9
चलत्कुन्तलान्तर्भ्रमद्भृङ्गबृन्दं घनस्निग्धधम्मिल्लभूषोज्ज्वलं ते । स्फुरन्मौलिमाणिक्यबद्धेन्दुरेखा- -विलासोल्लसद्दिव्यमूर्धानमीडे ॥ ९ ॥
Chalatkuntalantarbhramadbhringabrindam ghanasnigdhadhammillabhushojjvalam te, sphuranmaulimanikyabaddhendurekha- -vilasollasaddivyamurdhanamide.
I praise your divine head, with thick, glossy braided hair shining with ornaments, swarms of bees hovering among your moving locks, and the crescent moon gleaming on your ruby-set crown.
Word by word
- Shloka 10
इति श्रीभवानि स्वरूपं तवेदं प्रपञ्चात्परं चातिसूक्ष्मं प्रसन्नम् । स्फुरत्वम्ब डिम्भस्य मे हृत्सरोजे सदा वाङ्मयं सर्वतेजोमयं च ॥ १० ॥
Iti shribhavani svarupam tavedam prapanchatparam chatisukshmam prasannam, sphuratvamba dimbhasya me hritsaroje sada vanmayam sarvatejomayam cha.
O Shri Bhavani, Mother, may this form of yours, beyond the world, very subtle and gracious, made of words and full of all light, always shine in the lotus of my heart, for I am your child.
Word by word
- Shloka 11
गणेशाभिमुख्याखिलैः शक्तिबृन्दै- -र्वृतां वै स्फुरच्चक्रराजोल्लसन्तीम् । परां राजराजेश्वरि त्रैपुरि त्वां शिवाङ्कोपरिस्थां शिवां भावयामि ॥ ११ ॥
Ganeshabhimukhyakhilaih shaktibrindai- -rvritam vai sphurachchakrarajollasantim, param rajarajeshvari traipuri tvam shivankoparistham shivam bhavayami.
You are surrounded by all the groups of Shaktis led by Ganesha and shine within the radiant king of chakras. O Rajarajeshwari, O Tripura, Supreme One, seated on the lap of Shiva, I meditate on you, the auspicious one.
Word by word
- Shloka 12
त्वमर्कस्त्वमिन्दुस्त्वमग्निस्त्वमाप- -स्त्वमाकाशभूवायवस्त्वं महत्त्वम् । त्वदन्यो न कश्चित् प्रपञ्चोऽस्ति सर्वं सदानन्दसंवित्स्वरूपं भजेऽहम् ॥ १२ ॥
Tvamarkastvamindustvamagnistvamapa- -stvamakashabhuvayavastvam mahattvam, tvadanyo na kashchit prapanchosti sarvam sadanandasanvitsvarupam bhajeham.
You are the sun, the moon, fire and water. You are sky, earth and air, and you are the great principle of creation. There is no world apart from you. I worship you as everything, whose nature is eternal bliss and awareness.
Word by word
- Shloka 13
श्रुतीनामगम्ये सुवेदागमज्ञा महिम्नो न जानन्ति पारं तवाम्ब । स्तुतिं कर्तुमिच्छामि ते त्वं भवानि क्षमस्वेदमत्र प्रमुग्धः किलाहम् ॥ १३ ॥
Shrutinamagamye suvedagamagya mahimno na jananti param tavamba, stutim kartumichchhami te tvam bhavani kshamasvedamatra pramugdhah kilaham.
O Mother, you are beyond the reach of the Vedas, and even those who know the Vedas and Agamas do not know the end of your greatness. Still I wish to praise you, Bhavani. Please forgive me for this, for I am truly simple-minded.
Word by word
- Shloka 14
गुरुस्त्वं शिवस्त्वं च शक्तिस्त्वमेव त्वमेवासि माता पिता च त्वमेव । त्वमेवासि विद्या त्वमेवासि बन्धु- -र्गतिर्मे मतिर्देवि सर्वं त्वमेव ॥ १४ ॥
Gurustvam shivastvam cha shaktistvameva tvamevasi mata pita cha tvameva, tvamevasi vidya tvamevasi bandhu- -rgatirme matirdevi sarvam tvameva.
You are my Guru, you are Shiva, and you alone are Shakti. You are my mother and you are my father. You are my learning and my kin. O Devi, you are my refuge, my understanding, my everything.
Word by word
- Shloka 15
शरण्ये वरेण्ये सुकारुण्यमूर्ते हिरण्योदराद्यैरगण्ये सुपुण्ये । भवारण्यभीतेश्च मां पाहि भद्रे नमस्ते नमस्ते नमस्ते भवानि ॥ १५ ॥
Sharanye varenye sukarunyamurte hiranyodaradyairaganye supunye, bhavaranyabhiteshcha mam pahi bhadre namaste namaste namaste bhavani.
O refuge of all, most worthy of choice, embodiment of compassion, beyond the counting of Brahma and others, most holy one, O gracious Bhadra, protect me, who am troubled in the wilderness of worldly life. Salutations, salutations, salutations to you, Bhavani.
Word by word
- Shloka 16
इतीमां महच्छ्रीभवानीभुजङ्गं स्तुतिं यः पठेद्भक्तियुक्तश्च तस्मै । स्वकीयं पदं शाश्वतं वेदसारं श्रियं चाष्टसिद्धिं भवानी ददाति ॥ १६ ॥
Itimam mahachchhribhavanibhujangam stutim yah pathedbhaktiyuktashcha tasmai, svakiyam padam shashvatam vedasaram shriyam chashtasiddhim bhavani dadati.
The text says that whoever reads this great hymn, the Shri Bhavani Bhujanga, with devotion, receives from Bhavani her own eternal abode, the essence of the Vedas, prosperity and the eight siddhis.
Word by word
- Shloka 17
भवानी भवानी भवानी त्रिवारं उदारं मुदा सर्वदा ये जपन्ति । न शोकं न मोहं न पापं न भीतिः कदाचित्कथञ्चित्कुतश्चिज्जनानाम् ॥ १७ ॥
Bhavani bhavani bhavani trivaram udaram muda sarvada ye japanti, na shokam na moham na papam na bhitih kadachitkathanchitkutashchijjananam.
The text says that for those who always joyfully chant the noble name "Bhavani, Bhavani, Bhavani" three times, there is never any grief, delusion, sin or fear, in any way or from anywhere.
Word by word
About this text
Bhavani Bhujangam is a Sanskrit stotra to Maa Durga in her form as Maa Bhavani, traditionally attributed to Adi Shankaracharya, in seventeen verses.
When it is recited: Navratri, Durga Ashtami, Friday Devi puja, Daily Devi worship
