Stotra · Bhagwan Shiva
Shiv Mahimna Stotram
शिवमहिम्नःस्तोत्रम्
- Shloka 1
महिम्नः पारं ते परमविदुषो यद्यसदृशी स्तुतिर्ब्रह्मादीनामपि तदवसन्नास्त्वयि गिरः। अथावाच्यः सर्वः स्वमतिपरिणामावधि गृणन् ममाप्येष स्तोत्रे हर निरपवादः परिकरः॥१॥
Mahimnah param te paramavidusho yadyasadrishi stutirbrahmadinamapi tadavasannastvayi girah, athavachyah sarvah svamatiparinamavadhi grinan mamapyesha stotre hara nirapavadah parikarah.
O Hara, if praise from someone who does not know the farthest limit of your greatness is unworthy of you, then even the words of Brahma and the other gods fall short before you. But if no one is to blame who praises you as far as their own understanding reaches, then this effort of mine to compose a hymn is also free from fault.
Word by word
- Shloka 2
अतीतः पन्थानं तव च महिमा वाङ्मनसयो- रतद्व्यावृत्त्या यं चकितमभिधत्ते श्रुतिरपि। स कस्य स्तोतव्यः कतिविधगुणः कस्य विषयः पदे त्वर्वाचीने पतति न मनः कस्य न वचः॥२॥
Atitah panthanam tava cha mahima vanmanasayo- ratadvyavrittya yam chakitamabhidhatte shrutirapi, sa kasya stotavyah katividhagunah kasya vishayah pade tvarvachine patati na manah kasya na vachah.
Your greatness lies beyond the reach of speech and mind. Even the Vedas speak of it with awe, only by saying what it is not. Who can fully praise it, how many qualities does it hold, and whose understanding can reach it? Yet when you take a form near to us, whose mind and words do not turn toward you?
Word by word
- Shloka 3
मधुस्फीता वाचः परमममृतं निर्मितवत- स्तव ब्रह्मन् किं वागपि सुरगुरोर्विस्मयपदम्। मम त्वेतां वाणीं गुणकथनपुण्येन भवतः पुनामीत्यर्थेऽस्मिन् पुरमथन बुद्धिर्व्यवसिता॥३॥
Madhusphita vachah paramamamritam nirmitavata- stava brahman kim vagapi suragurorvismayapadam, mama tvetam vanim gunakathanapunyena bhavatah punamityarthesmin puramathana buddhirvyavasita.
O Supreme Brahman, you created the Vedas, words rich as honey and the highest nectar. How could even the speech of Brihaspati, guru of the devas, amaze you? O destroyer of Tripura, my mind has resolved on this praise only to purify my own speech by speaking of your qualities.
Word by word
- Shloka 4
तवैश्वर्यं यत्तज्जगदुदयरक्षाप्रलयकृत् त्रयीवस्तु व्यस्तं तिसृषु गुणभिन्नासु तनुषु। अभव्यानामस्मिन् वरद रमणीयामरमणीं विहन्तुं व्याक्रोशीं विदधत इहैके जडधियः॥४॥
Tavaishvaryam yattajjagadudayarakshapralayakrit trayivastu vyastam tisrishu gunabhinnasu tanushu, abhavyanamasmin varada ramaniyamaramanim vihantum vyakroshim vidadhata ihaike jadadhiyah.
O giver of boons, your divine power creates, protects and dissolves the world. The three Vedas describe it, and it is divided among three forms according to the three gunas. Yet some dull-minded people raise loud arguments against it, which please the unfortunate but are truly unpleasant.
Word by word
- Shloka 5
किमीहः किंकायः स खलु किमुपायस्त्रिभुवनं किमाधारो धाता सृजति किमुपादान इति च। अतर्क्यैश्वर्ये त्वय्यनवसरदुःस्थो हतधियः कुतर्कोऽयं कांश्चिन्मुखरयति मोहाय जगतः॥५॥
Kimihah kinkayah sa khalu kimupayastribhuvanam kimadharo dhata srijati kimupadana iti cha, atarkyaishvarye tvayyanavasaraduhstho hatadhiyah kutarkoyam kanshchinmukharayati mohaya jagatah.
"With what wish, what body, what means, what support and what material does the Creator make the three worlds?" Your power is beyond reasoning, so such faulty argument about you has no ground to stand on. It only makes some confused people talkative and leads the world astray.
Word by word
- Shloka 6
अजन्मानो लोकाः किमवयववन्तोऽपि जगता- मधिष्ठातारं किं भवविधिरनादृत्य भवति। अनीशो वा कुर्याद् भुवनजनने कः परिकरो यतो मन्दास्त्वां प्रत्यमरवर संशेरत इमे॥६॥
Ajanmano lokah kimavayavavantopi jagata- madhishthataram kim bhavavidhiranadritya bhavati, anisho va kuryad bhuvanajanane kah parikaro yato mandastvam pratyamaravara sansherata ime.
O best of the devas, can the worlds be without origin when they are made of parts? Can creation happen without a ruler guiding it? And if someone other than the Supreme were the creator, what tools would he use? Because of such questions, the dull-minded doubt you.
Word by word
- Shloka 7
त्रयी साङ्ख्यं योगः पशुपतिमतं वैष्णवमिति प्रभिन्ने प्रस्थाने परमिदमदः पथ्यमिति च। रुचीनां वैचित्र्यादृजुकुटिलनानापथजुषां नृणामेको गम्यस्त्वमसि पयसामर्णव इव॥७॥
Trayi sankhyam yogah pashupatimatam vaishnavamiti prabhinne prasthane paramidamadah pathyamiti cha, ruchinam vaichitryadrijukutilananapathajusham nrinameko gamyastvamasi payasamarnava iva.
The Vedic path, Sankhya, Yoga, the Pashupata way and the Vaishnava way are different paths, and people say this one is best or that one is right. Because tastes differ, people follow straight or winding paths. Still, you alone are the goal they all reach, as all waters reach the ocean.
Word by word
- Shloka 8
महोक्षः खट्वाङ्गं परशुरजिनं भस्म फणिनः कपालं चेतीयत्तव वरद तन्त्रोपकरणम्। सुरास्तां तामृद्धिं दधति तु भवद्भ्रूप्रणिहितां न हि स्वात्मारामं विषयमृगतृष्णा भ्रमयति॥८॥
Mahokshah khatvangam parashurajinam bhasma phaninah kapalam chetiyattava varada tantropakaranam, surastam tamriddhim dadhati tu bhavadbhrupranihitam na hi svatmaramam vishayamrigatrishna bhramayati.
O giver of boons, a great bull, the khatvanga staff, an axe, a deer skin, ash, snakes and a skull: these alone are your belongings. Yet the devas enjoy great wealth granted by just a movement of your brow. One who delights in the Self is not misled by the mirage of worldly things.
Word by word
- Shloka 9
ध्रुवं कश्चित् सर्वं सकलमपरस्त्वध्रुवमिदं परो ध्रौव्याध्रौव्ये जगति गदति व्यस्तविषये। समस्तेऽप्येतस्मिन् पुरमथन तैर्विस्मित इव स्तुवन् जिह्रेमि त्वां न खलु ननु धृष्टा मुखरता॥९॥
Dhruvam kashchit sarvam sakalamaparastvadhruvamidam paro dhrauvyadhrauvye jagati gadati vyastavishaye, samastepyetasmin puramathana tairvismita iva stuvan jihremi tvam na khalu nanu dhrishta mukharata.
One says all this is eternal, another says it is all passing, and another says the world is partly eternal and partly passing. O destroyer of Tripura, amazed among all these views, I am not shy in praising you. Surely it is boldness that makes me speak.
Word by word
- Shloka 10
तवैश्वर्यं यत्नाद् यदुपरि विरिञ्चिर्हरिरधः परिच्छेत्तुं यातावनलमनलस्कन्धवपुषः। ततो भक्तिश्रद्धाभरगुरुगृणद्भ्यां गिरिश यत् स्वयं तस्थे ताभ्यां तव किमनुवृत्तिर्न फलति॥१०॥
Tavaishvaryam yatnad yadupari virinchirhariradhah parichchhettum yatavanalamanalaskandhavapushah, tato bhaktishraddhabharagurugrinadbhyam girisha yat svayam tasthe tabhyam tava kimanuvrittirna phalati.
When you took the form of a pillar of fire, Brahma went upward and Vishnu went downward to measure your glory, and neither could. Then, as they praised you with deep devotion and faith, you yourself appeared before them. O dweller of the mountain, does devotion to you ever go without fruit?
Word by word
- Shloka 11
अयत्नादासाद्य त्रिभुवनमवैरव्यतिकरं दशास्यो यद्बाहूनभृत रणकण्डूपरवशान्। शिरःपद्मश्रेणीरचितचरणाम्भोरुहबलेः स्थिरायास्त्वद्भक्तेस्त्रिपुरहर विस्फूर्जितमिदम्॥११॥
Ayatnadasadya tribhuvanamavairavyatikaram dashasyo yadbahunabhrita ranakanduparavashan, shirahpadmashrenirachitacharanambhoruhabaleh sthirayastvadbhaktestripurahara visphurjitamidam.
O destroyer of Tripura, ten-headed Ravana easily won the three worlds without any rival, and his arms longed for battle. This was the shining result of his firm devotion, when he offered his own heads like a row of lotuses at your lotus feet.
Word by word
- Shloka 12
अमुष्य त्वत्सेवासमधिगतसारं भुजवनं बलात् कैलासेऽपि त्वदधिवसतौ विक्रमयतः। अलभ्या पातालेऽप्यलसचलिताङ्गुष्ठशिरसि प्रतिष्ठा त्वय्यासीद् ध्रुवमुपचितो मुह्यति खलः॥१२॥
Amushya tvatsevasamadhigatasaram bhujavanam balat kailasepi tvadadhivasatau vikramayatah, alabhya patalepyalasachalitangushthashirasi pratishtha tvayyasid dhruvamupachito muhyati khalah.
But when Ravana used his forest of arms, made strong by serving you, to forcefully shake Kailasa, your own home, you lightly moved the tip of your toe, and he found no footing even in the netherworld. Surely the wicked lose their judgment when they grow powerful.
Word by word
- Shloka 13
यदृद्धिं सुत्राम्णो वरद परमोच्चैरपि सती- मधश्चक्रे बाणः परिजनविधेयत्रिभुवनः। न तच्चित्रं तस्मिन् वरिवसितरि त्वच्चरणयो- र्न कस्या उन्नत्यै भवति शिरसस्त्वय्यवनतिः॥१३॥
Yadriddhim sutramno varada paramochchairapi sati- madhashchakre banah parijanavidheyatribhuvanah, na tachchitram tasmin varivasitari tvachcharanayo- rna kasya unnatyai bhavati shirasastvayyavanatih.
O giver of boons, Banasura, who had the three worlds obeying him like servants, surpassed even the lofty wealth of Indra. That is no wonder for one who served your feet. Whose rise does not come from bowing the head before you?
Word by word
- Shloka 14
अकाण्डब्रह्माण्डक्षयचकितदेवासुरकृपा- विधेयस्यासीद् यस्त्रिनयन विषं संहृतवतः। स कल्माषः कण्ठे तव न कुरुते न श्रियमहो विकारोऽपि श्लाघ्यो भुवनभयभङ्गव्यसनिनः॥१४॥
Akandabrahmandakshayachakitadevasurakripa- vidheyasyasid yastrinayana visham sanhritavatah, sa kalmashah kanthe tava na kurute na shriyamaho vikaropi shlaghyo bhuvanabhayabhangavyasaninah.
O three-eyed one, out of compassion for the devas and asuras alarmed at the sudden end of the universe, you swallowed the poison. The dark mark it left on your throat only adorns you. For one devoted to removing the world's distress, even a blemish is worthy of praise.
Word by word
- Shloka 15
असिद्धार्था नैव क्वचिदपि सदेवासुरनरे निवर्तन्ते नित्यं जगति जयिनो यस्य विशिखाः। स पश्यन्नीश त्वामितरसुरसाधारणमभूत् स्मरः स्मर्तव्यात्मा न हि वशिषु पथ्यः परिभवः॥१५॥
Asiddhartha naiva kvachidapi sadevasuranare nivartante nityam jagati jayino yasya vishikhah, sa pashyannisha tvamitarasurasadharanamabhut smarah smartavyatma na hi vashishu pathyah paribhavah.
Kamadeva's arrows never return without success among devas, asuras and humans, and are always victorious. Yet, O Supreme, when he looked on you as just another deva, he became only a memory. Disrespect toward the self-controlled brings no good.
Word by word
- Shloka 16
मही पादाघाताद् व्रजति सहसा संशयपदं पदं विष्णोर्भ्राम्यद्भुजपरिघरुग्णग्रहगणम्। मुहुर्द्यौर्दौस्थ्यं यात्यनिभृतजटाताडिततटा जगद्रक्षायै त्वं नटसि ननु वामैव विभुता॥१६॥
Mahi padaghatad vrajati sahasa sanshayapadam padam vishnorbhramyadbhujaparigharugnagrahaganam, muhurdyaurdausthyam yatyanibhritajatataditatata jagadrakshayai tvam natasi nanu vamaiva vibhuta.
When you dance to protect the world, the earth shakes under the strike of your feet, the planets in the sky are scattered by your swinging, mace-like arms, and heaven is unsettled as your loose matted locks strike its edges. Truly, your mighty power works in wondrous ways.
Word by word
- Shloka 17
वियद्व्यापी तारागणगुणितफेनोद्गमरुचिः प्रवाहो वारां यः पृषतलघुदृष्टः शिरसि ते। जगद्द्वीपाकारं जलधिवलयं तेन कृतमि- त्यनेनैवोन्नेयं धृतमहिम दिव्यं तव वपुः॥१७॥
Viyadvyapi taraganagunitaphenodgamaruchih pravaho varam yah prishatalaghudrishtah shirasi te, jagaddvipakaram jaladhivalayam tena kritami- tyanenaivonneyam dhritamahima divyam tava vapuh.
The stream of Ganga spreads across the sky, its foam made brighter by the stars, yet on your head it looks like a tiny drop. That same stream shaped the world into islands ringed by oceans. From this alone one can sense how vast and divine your form is.
Word by word
- Shloka 18
रथः क्षोणी यन्ता शतधृतिरगेन्द्रो धनुरथो रथाङ्गे चन्द्रार्कौ रथचरणपाणिः शर इति। दिधक्षोस्ते कोऽयं त्रिपुरतृणमाडम्बरविधि- र्विधेयैः क्रीडन्त्यो न खलु परतन्त्राः प्रभुधियः॥१८॥
Rathah kshoni yanta shatadhritiragendro dhanuratho rathange chandrarkau rathacharanapanih shara iti, didhakshoste koyam tripuratrinamadambaravidhi- rvidheyaih kridantyo na khalu paratantrah prabhudhiyah.
The earth was your chariot, Brahma the charioteer, Mount Meru the bow, the sun and moon the wheels, and Vishnu, holder of the discus, the arrow. Why such a grand setup to burn Tripura, which was like a blade of grass to you? The will of the Master needs no outside help; it simply plays with what is at hand.
Word by word
- Shloka 19
हरिस्ते साहस्रं कमलबलिमाधाय पदयो- र्यदेकोने तस्मिन् निजमुदहरन्नेत्रकमलम्। गतो भक्त्युद्रेकः परिणतिमसौ चक्रवपुषा त्रयाणां रक्षायै त्रिपुरहर जागर्ति जगताम्॥१९॥
Hariste sahasram kamalabalimadhaya padayo- ryadekone tasmin nijamudaharannetrakamalam, gato bhaktyudrekah parinatimasau chakravapusha trayanam rakshayai tripurahara jagarti jagatam.
Vishnu placed an offering of a thousand lotuses at your feet. When one lotus was missing, he plucked out his own lotus-like eye. That overflowing devotion took the form of the Sudarshana discus, which stays ever alert to protect the three worlds, O destroyer of Tripura.
Word by word
- Shloka 20
क्रतौ सुप्ते जाग्रत् त्वमसि फलयोगे क्रतुमतां क्व कर्म प्रध्वस्तं फलति पुरुषाराधनमृते। अतस्त्वां सम्प्रेक्ष्य क्रतुषु फलदानप्रतिभुवं श्रुतौ श्रद्धां बद्ध्वा दृढपरिकरः कर्मसु जनः॥२०॥
Kratau supte jagrat tvamasi phalayoge kratumatam kva karma pradhvastam phalati purusharadhanamrite, atastvam samprekshya kratushu phaladanapratibhuvam shrutau shraddham baddhva dridhaparikarah karmasu janah.
When a sacrifice is over, you stay awake to join those who performed it with its fruit. How could an action already gone bear fruit without worship of the Supreme Being? Seeing you as the one who ensures the fruit of rituals, people place faith in the Vedas and take up rituals with firm resolve.
Word by word
- Shloka 21
क्रियादक्षो दक्षः क्रतुपतिरधीशस्तनुभृता- मृषीणामार्त्विज्यं शरणद सदस्याः सुरगणाः। क्रतुभ्रंशस्त्वत्तः क्रतुफलविधानव्यसनिनो ध्रुवं कर्तुः श्रद्धाविधुरमभिचाराय हि मखाः॥२१॥
Kriyadaksho dakshah kratupatiradhishastanubhrita- mrishinamartvijyam sharanada sadasyah suraganah, kratubhranshastvattah kratuphalavidhanavyasanino dhruvam kartuh shraddhavidhuramabhicharaya hi makhah.
O giver of refuge, Daksha, skilled in rites and a ruler of beings, was the host of the sacrifice, the rishis were the officiants and the devas sat in the assembly. Yet you, who grant the fruits of sacrifice, ended that sacrifice. Surely rituals done without faith turn against the one who performs them.
Word by word
- Shloka 22
प्रजानाथं नाथ प्रसभमभिकं स्वां दुहितरं गतं रोहिद्भूतां रिरमयिषुमृष्यस्य वपुषा। धनुष्पाणेर्यातं दिवमपि सपत्राकृतममुं त्रसन्तं तेऽद्यापि त्यजति न मृगव्याधरभसः॥२२॥
Prajanatham natha prasabhamabhikam svam duhitaram gatam rohidbhutam riramayishumrishyasya vapusha, dhanushpaneryatam divamapi sapatrakritamamum trasantam tedyapi tyajati na mrigavyadharabhasah.
O Prabhu, Prajapati took the form of a stag and forcefully pursued his own daughter, who had become a doe. He fled even to the sky, but you, bow in hand, pierced him with an arrow. Even today your hunter's force does not leave him as he trembles there.
Word by word
- Shloka 23
स्वलावण्याशंसाधृतधनुषमह्नाय तृणवत् पुरः प्लुष्टं दृष्ट्वा पुरमथन पुष्पायुधमपि। यदि स्त्रैणं देवी यमनिरत देहार्धघटना- दवैति त्वामद्धा बत वरद मुग्धा युवतयः॥२३॥
Svalavanyashansadhritadhanushamahnaya trinavat purah plushtam drishtva puramathana pushpayudhamapi, yadi strainam devi yamanirata dehardhaghatana- davaiti tvamaddha bata varada mugdha yuvatayah.
O destroyer of Tripura, devoted to self-restraint, Devi saw you burn Kamadeva like straw in an instant, though he held his bow trusting in her beauty. If even then she thinks you are bound to her because she shares half your body, then truly, O giver of boons, young women are innocent.
Word by word
- Shloka 24
श्मशानेष्वाक्रीडा स्मरहर पिशाचाः सहचरा- श्चिताभस्मालेपः स्रगपि नृकरोटीपरिकरः। अमङ्गल्यं शीलं तव भवतु नामैवमखिलं तथापि स्मर्तॄणां वरद परमं मङ्गलमसि॥२४॥
Shmashaneshvakrida smarahara pishachah sahachara- shchitabhasmalepah sragapi nrikarotiparikarah, amangalyam shilam tava bhavatu namaivamakhilam tathapi smartaॄnam varada paramam mangalamasi.
O destroyer of Kama, you play in cremation grounds, spirits are your companions, you smear yourself with pyre ash and wear a garland of human skulls. Even if all your ways seem inauspicious, for those who remember you, you are the highest auspiciousness.
Word by word
- Shloka 25
मनः प्रत्यक्चित्ते सविधमवधायात्तमरुतः प्रहृष्यद्रोमाणः प्रमदसलिलोत्सङ्गितदृशः। यदालोक्याह्लादं ह्रद इव निमज्ज्यामृतमये दधत्यन्तस्तत्त्वं किमपि यमिनस्तत्किल भवान्॥२५॥
Manah pratyakchitte savidhamavadhayattamarutah prahrishyadromanah pramadasalilotsangitadrishah, yadalokyahladam hrada iva nimajjyamritamaye dadhatyantastattvam kimapi yaminastatkila bhavan.
Yogis hold their breath, fix the mind inward as taught, their hair stands on end with joy and their eyes fill with tears of bliss. Seeing some inner truth, they feel a delight like bathing in a lake of nectar. That truth, it is said, is you.
Word by word
- Shloka 26
त्वमर्कस्त्वं सोमस्त्वमसि पवनस्त्वं हुतवह- स्त्वमापस्त्वं व्योम त्वमु धरणिरात्मा त्वमिति च। परिच्छिन्नामेवं त्वयि परिणता बिभ्रति गिरं न विद्मस्तत्तत्त्वं वयमिह तु यत्त्वं न भवसि॥२६॥
Tvamarkastvam somastvamasi pavanastvam hutavaha- stvamapastvam vyoma tvamu dharaniratma tvamiti cha, parichchhinnamevam tvayi parinata bibhrati giram na vidmastattattvam vayamiha tu yattvam na bhavasi.
You are the sun, the moon, the wind, fire, water, space, earth and the self. The wise speak of you in these limited terms, but we do not know any reality that you are not.
Word by word
- Shloka 27
त्रयीं तिस्रो वृत्तीस्त्रिभुवनमथो त्रीनपि सुरा- नकाराद्यैर्वर्णैस्त्रिभिरभिदधत्तीर्णविकृति। तुरीयं ते धाम ध्वनिभिरवरुन्धानमणुभिः समस्तं व्यस्तं त्वां शरणद गृणात्योमिति पदम्॥२७॥
Trayim tisro vrittistribhuvanamatho trinapi sura- nakaradyairvarnaistribhirabhidadhattirnavikriti, turiyam te dhama dhvanibhiravarundhanamanubhih samastam vyastam tvam sharanada grinatyomiti padam.
O giver of refuge, through its letters A, U and M, the word Om names the three Vedas, the three states of waking, dream and deep sleep, the three worlds and the three devas. Through its subtle sound beyond, it points to your fourth state, beyond all change. So Om speaks of you both as the whole and in parts.
Word by word
- Shloka 28
भवः शर्वो रुद्रः पशुपतिरथोग्रः सहमहां- स्तथा भीमेशानाविति यदभिधानाष्टकमिदम्। अमुष्मिन् प्रत्येकं प्रविचरति देव श्रुतिरपि प्रियायास्मै धाम्ने प्रणिहितनमस्योऽस्मि भवते॥२८॥
Bhavah sharvo rudrah pashupatirathograh sahamaham- statha bhimeshanaviti yadabhidhanashtakamidam, amushmin pratyekam pravicharati deva shrutirapi priyayasmai dhamne pranihitanamasyosmi bhavate.
Bhava, Sharva, Rudra, Pashupati, Ugra, Mahadeva, Bhima and Ishana: these are your eight names, and the Vedas speak at length on each of them. O Deva, I bow wholeheartedly to you, the beloved abode of these names.
Word by word
- Shloka 29
नमो नेदिष्ठाय प्रियदव दविष्ठाय च नमो नमः क्षोदिष्ठाय स्मरहर महिष्ठाय च नमः। नमो वर्षिष्ठाय त्रिनयन यविष्ठाय च नमो नमः सर्वस्मै ते तदिदमितिशर्वाय च नमः॥२९॥
Namo nedishthaya priyadava davishthaya cha namo namah kshodishthaya smarahara mahishthaya cha namah, namo varshishthaya trinayana yavishthaya cha namo namah sarvasmai te tadidamitisharvaya cha namah.
O lover of quiet forests, salutations to you, the nearest and the farthest. O destroyer of Kama, salutations to you, the smallest and the greatest. O three-eyed one, salutations to you, the oldest and the youngest. Salutations to you who are everything, and to Sharva, beyond all words of 'this' and 'that'.
Word by word
- Shloka 30
बहुलरजसे विश्वोत्पत्तौ भवाय नमो नमः प्रबलतमसे तत्संहारे हराय नमो नमः। जनसुखकृते सत्त्वोद्रिक्तौ मृडाय नमो नमः प्रमहसि पदे निस्त्रैगुण्ये शिवाय नमो नमः॥३०॥
Bahularajase vishvotpattau bhavaya namo namah prabalatamase tatsanhare haraya namo namah, janasukhakrite sattvodriktau mridaya namo namah pramahasi pade nistraigunye shivaya namo namah.
Salutations again and again to Bhava, full of rajas, who creates the universe. Salutations to Hara, full of tamas, who dissolves it. Salutations to Mrida, full of sattva, who brings joy to people. Salutations to Shiva, the radiant state beyond the three gunas.
Word by word
- Shloka 31
कृशपरिणति चेतः क्लेशवश्यं क्व चेदं क्व च तव गुणसीमोल्लङ्घिनी शश्वदृद्धिः। इति चकितममन्दीकृत्य मां भक्तिराधाद् वरद चरणयोस्ते वाक्यपुष्पोपहारम्॥३१॥
Krishaparinati chetah kleshavashyam kva chedam kva cha tava gunasimollanghini shashvadriddhih, iti chakitamamandikritya mam bhaktiradhad varada charanayoste vakyapushpopaharam.
O giver of boons, how small my mind is and how easily troubled, and how vast and ever-growing is your glory, beyond every limit! This made me hesitate, but devotion made me bold and placed this offering of word-flowers at your feet.
Word by word
- Shloka 32
असितगिरिसमं स्यात् कज्जलं सिन्धुपात्रे सुरतरुवरशाखा लेखनी पत्रमुर्वी। लिखति यदि गृहीत्वा शारदा सर्वकालं तदपि तव गुणानामीश पारं न याति॥३२॥
Asitagirisamam syat kajjalam sindhupatre surataruvarashakha lekhani patramurvi, likhati yadi grihitva sharada sarvakalam tadapi tava gunanamisha param na yati.
If the ink were a black mountain, the ocean its pot, a branch of the wish-granting tree the pen and the earth the paper, and if Sharada wrote with these for all time, even then, O Supreme, she would not reach the end of your qualities.
Word by word
- Shloka 33
असुरसुरमुनीन्द्रैरर्चितस्येन्दुमौले- र्ग्रथितगुणमहिम्नो निर्गुणस्येश्वरस्य। सकलगणवरिष्ठः पुष्पदन्ताभिधानो रुचिरमलघुवृत्तैः स्तोत्रमेतच्चकार॥३३॥
Asurasuramunindrairarchitasyendumaule- rgrathitagunamahimno nirgunasyeshvarasya, sakalaganavarishthah pushpadantabhidhano ruchiramalaghuvrittaih stotrametachchakara.
Pushpadanta, the foremost of the ganas, composed this beautiful stotra in long meters for the moon-crowned Supreme, who is worshipped by asuras, devas and great sages, whose glory is sung, and who is beyond all qualities.
Word by word
- Shloka 34
अहरहरनवद्यं धूर्जटेः स्तोत्रमेतत् पठति परमभक्त्या शुद्धचित्तः पुमान् यः। स भवति शिवलोके रुद्रतुल्यस्तथात्र प्रचुरतरधनायुः पुत्रवान् कीर्तिमांश्च॥३४॥
Aharaharanavadyam dhurjateh stotrametat pathati paramabhaktya shuddhachittah puman yah, sa bhavati shivaloke rudratulyastathatra prachurataradhanayuh putravan kirtimanshcha.
The text says that one who reads this flawless stotra of Dhurjati every day with deep devotion and a pure mind becomes like Rudra in Shivaloka, and in this world is blessed with plenty of wealth, long life, children and good name.
Word by word
- Shloka 35
महेशान्नापरो देवो महिम्नो नापरा स्तुतिः। अघोरान्नापरो मन्त्रो नास्ति तत्त्वं गुरोः परम्॥३५॥
Maheshannaparo devo mahimno napara stutih, aghorannaparo mantro nasti tattvam guroh param.
There is no deva higher than Mahesha, no hymn higher than the Mahimna, no mantra higher than Aghora, and no truth higher than the guru.
Word by word
- Shloka 36
दीक्षा दानं तपस्तीर्थं ज्ञानं यागादिकाः क्रियाः। महिम्नस्तवपाठस्य कलां नार्हन्ति षोडशीम्॥३६॥
Diksha danam tapastirtham gyanam yagadikah kriyah, mahimnastavapathasya kalam narhanti shodashim.
The text says that initiation, charity, austerity, pilgrimage, knowledge and rituals like sacrifice do not equal even a sixteenth part of reciting the Mahimna stava.
Word by word
- Shloka 37
कुसुमदशननामा सर्वगन्धर्वराजः शशिधरवरमौलेर्देवदेवस्य दासः। स खलु निजमहिम्नो भ्रष्ट एवास्य रोषात् स्तवनमिदमकार्षीद् दिव्यदिव्यं महिम्नः॥३७॥
Kusumadashananama sarvagandharvarajah shashidharavaramaulerdevadevasya dasah, sa khalu nijamahimno bhrashta evasya roshat stavanamidamakarshid divyadivyam mahimnah.
Pushpadanta, king of all gandharvas and servant of the moon-crowned Mahadeva, fell from his own glory because of Shiva's displeasure. He then composed this most divine hymn of Shiva's greatness.
Word by word
- Shloka 38
सुरवरमुनिपूज्यं स्वर्गमोक्षैकहेतुं पठति यदि मनुष्यः प्राञ्जलिर्नान्यचेताः। व्रजति शिवसमीपं किन्नरैः स्तूयमानः स्तवनमिदममोघं पुष्पदन्तप्रणीतम्॥३८॥
Suravaramunipujyam svargamokshaikahetum pathati yadi manushyah pranjalirnanyachetah, vrajati shivasamipam kinnaraih stuyamanah stavanamidamamogham pushpadantapranitam.
This hymn by Pushpadanta is honoured by devas and great sages and never goes in vain. The text says that a person who reads it with folded hands and an undistracted mind goes near Shiva, praised by the kinnaras, and that it is a means to heaven and liberation.
Word by word
- Shloka 39
आसमाप्तमिदं स्तोत्रं पुण्यं गन्धर्वभाषितम्। अनौपम्यं मनोहारि सर्वमीश्वरवर्णनम्॥३९॥
Aasamaptamidam stotram punyam gandharvabhashitam, anaupamyam manohari sarvamishvaravarnanam.
Here ends this sacred stotra spoken by the gandharva. It is beyond compare, charming to the heart, and wholly a description of the Supreme.
Word by word
- Shloka 40
इत्येषा वाङ्मयी पूजा श्रीमच्छङ्करपादयोः। अर्पिता तेन देवेशः प्रीयतां मे सदाशिवः॥४०॥
Ityesha vanmayi puja shrimachchhankarapadayoh, arpita tena deveshah priyatam me sadashivah.
This worship made of words is offered at the feet of Shri Shankara. May Sadashiva, ruler of the devas, be pleased with me through it.
Word by word
- Shloka 41
तव तत्त्वं न जानामि कीदृशोऽसि महेश्वर। यादृशोऽसि महादेव तादृशाय नमो नमः॥४१॥
Tava tattvam na janami kidrishosi maheshvara, yadrishosi mahadeva tadrishaya namo namah.
O Maheshvara, I do not know your true nature or what you are like. O Mahadeva, whatever you are, to you as you are, salutations again and again.
Word by word
- Shloka 42
एककालं द्विकालं वा त्रिकालं यः पठेन्नरः। सर्वपापविनिर्मुक्तः शिवलोके महीयते॥४२॥
Ekakalam dvikalam va trikalam yah pathennarah, sarvapapavinirmuktah shivaloke mahiyate.
The text says that a person who reads this once, twice or three times a day is freed from all sins and is honoured in Shivaloka.
Word by word
- Shloka 43
श्रीपुष्पदन्तमुखपङ्कजनिर्गतेन स्तोत्रेण किल्बिषहरेण हरप्रियेण। कण्ठस्थितेन पठितेन समाहितेन सुप्रीणितो भवति भूतपतिर्महेशः॥४३॥
Shripushpadantamukhapankajanirgatena stotrena kilbishaharena harapriyena, kanthasthitena pathitena samahitena suprinito bhavati bhutapatirmaheshah.
This stotra flowed from the lotus mouth of Shri Pushpadanta, removes sins and is dear to Hara. The text says that when it is learned by heart and recited with a focused mind, Mahesha, ruler of all beings, is deeply pleased.
Word by word
About this text
Shiv Mahimna Stotram is a Sanskrit stotra, a hymn of praise, to Bhagwan Shiva, traditionally said to be composed by the Gandharva Pushpadanta.
When it is recited: mahashivratri, shravan, pradosh, somvar, rudrabhishek
