Stotra
Manisha Panchakam
मनीषापञ्चकम्
- उपोद्घातः (चण्डालोक्तिः)
अन्नमयादन्नमयमथवा चैतन्यमेव चैतन्यात्। द्विजवर दूरीकर्तुं वाञ्छसि किं ब्रूहि गच्छ गच्छेति॥
Annamayadannamayamathava chaitanyameva chaitanyat, dvijavara durikartum vanchhasi kim bruhi gachchha gachchheti.
O best of the twice-born, when you say 'go away, go away', tell me what you want to move away. Is it one body made of food from another body made of food, or is it consciousness from consciousness itself?
Word by word
- उपोद्घातः (चण्डालोक्तिः)
प्रत्यग्वस्तुनि निस्तरङ्गसहजानन्दावबोधाम्बुधौ विप्रोऽयं श्वपचोऽयमित्यपि महान्कोऽयं विभेदभ्रमः। किं गङ्गाम्बुनि बिम्बितेऽम्बरमणौ चाण्डालवीथीपयः पूरे वान्तरमस्ति काञ्चनघटीमृत्कुम्भयोर्वाम्बरे॥
Pratyagvastuni nistarangasahajanandavabodhambudhau viproyam shvapachoyamityapi mahankoyam vibhedabhramah, kim gangambuni bimbitembaramanau chandalavithipayah pure vantaramasti kanchanaghatimritkumbhayorvambare.
In the inner reality, which is a calm, waveless ocean of natural bliss and awareness, what is this great confusion of difference that says 'this is a Brahmin, this is an outcaste'? Is the sun reflected in the water of the Ganga any different from the sun reflected in water flowing in an outcaste's lane? Is the space inside a golden pot any different from the space inside a clay pot?
Word by word
- १
जाग्रत्स्वप्नसुषुप्तिषु स्फुटतरा या संविदुज्जृम्भते या ब्रह्मादिपिपीलिकान्ततनुषु प्रोता जगत्साक्षिणी। सैवाहं न च दृश्यवस्त्विति दृढप्रज्ञापि यस्यास्ति चे- च्चण्डालोऽस्तु स तु द्विजोऽस्तु गुरुरित्येषा मनीषा मम॥
Jagratsvapnasushuptishu sphutatara ya sanvidujjrimbhate ya brahmadipipilikantatanushu prota jagatsakshini, saivaham na cha drishyavastviti dridhapragyapi yasyasti che- chchandalostu sa tu dvijostu gururityesha manisha mama.
Consciousness shines clearly in waking, dream and deep sleep. It runs through every body, from Brahma down to the ant, and witnesses the whole world. Whoever has the firm understanding 'I am that consciousness, not any object that is seen' is my guru, whether born an outcaste or twice-born. This is my conviction.
Word by word
- २
ब्रह्मैवाहमिदं जगच्च सकलं चिन्मात्रविस्तारितं सर्वं चैतदविद्यया त्रिगुणयाशेषं मया कल्पितम्। इत्थं यस्य दृढा मतिः सुखतरे नित्ये परे निर्मले चण्डालोऽस्तु स तु द्विजोऽस्तु गुरुरित्येषा मनीषा मम॥
Brahmaivahamidam jagachcha sakalam chinmatravistaritam sarvam chaitadavidyaya trigunayashesham maya kalpitam, ittham yasya dridha matih sukhatare nitye pare nirmale chandalostu sa tu dvijostu gururityesha manisha mama.
'I am Brahman alone, and this whole world is only an unfolding of pure consciousness. All of it has been imagined by me through ignorance made of the three gunas.' Whoever holds this firm understanding about the Supreme, which is eternal, pure and full of the highest joy, is my guru, whether born an outcaste or twice-born. This is my conviction.
Word by word
- ३
शश्वन्नश्वरमेव विश्वमखिलं निश्चित्य वाचा गुरो- र्नित्यं ब्रह्म निरन्तरं विमृशता निर्व्याजशान्तात्मना। भूतं भावि च दुष्कृतं प्रदहता संविन्मये पावके प्रारब्धाय समर्पितं स्ववपुरित्येषा मनीषा मम॥
Shashvannashvarameva vishvamakhilam nishchitya vacha guro- rnityam brahma nirantaram vimrishata nirvyajashantatmana, bhutam bhavi cha dushkritam pradahata sanvinmaye pavake prarabdhaya samarpitam svavapurityesha manisha mama.
Through the guru's words I have firmly understood that this whole world is always passing away. With a calm and sincere mind I reflect without a break on the eternal Brahman. Burning past and future wrong deeds in the fire of consciousness, I have handed my body over to prarabdha, the karma already in motion. This is my conviction.
Word by word
- ४
या तिर्यङ्नरदेवताभिरहमित्यन्तः स्फुटा गृह्यते यद्भासा हृदयाक्षदेहविषया भान्ति स्वतोऽचेतनाः। तां भास्यैः पिहितार्कमण्डलनिभां स्फूर्तिं सदा भावय- न्योगी निर्वृतमानसो हि गुरुरित्येषा मनीषा मम॥
Ya tiryannaradevatabhirahamityantah sphuta grihyate yadbhasa hridayakshadehavishaya bhanti svatochetanah, tam bhasyaih pihitarkamandalanibham sphurtim sada bhavaya- nyogi nirvritamanaso hi gururityesha manisha mama.
Animals, humans and devas all clearly feel this awareness within as 'I'. By its light the mind, senses, body and their objects shine, though on their own they have no awareness. It is like the sun hidden by the very clouds it lights up. The yogi who always meditates on this inner radiance, with a mind at rest, is indeed a guru. This is my conviction.
Word by word
- ५
यत्सौख्याम्बुधिलेशलेशत इमे शक्रादयो निर्वृता यच्चित्ते नितरां प्रशान्तकलने लब्ध्वा मुनिर्निर्वृतः। यस्मिन्नित्यसुखाम्बुधौ गलितधीर्ब्रह्मैव न ब्रह्मविद् यः कश्चित्स सुरेन्द्रवन्दितपदो नूनं मनीषा मम॥
Yatsaukhyambudhileshaleshata ime shakradayo nirvrita yachchitte nitaram prashantakalane labdhva munirnirvritah, yasminnityasukhambudhau galitadhirbrahmaiva na brahmavid yah kashchitsa surendravanditapado nunam manisha mama.
Indra and the other devas are content with just a tiny drop of a drop of that ocean of joy. Finding it in a fully stilled mind, the muni is fulfilled. One whose intellect has melted into that eternal ocean of joy is not merely a knower of Brahman but Brahman itself. Whoever such a person is, Indra himself surely bows at their feet. This is my conviction.
Word by word
- उपसंहारः
दासस्तेऽहं देहदृष्ट्याऽस्मि शम्भो जातस्तेऽंशो जीवदृष्ट्या त्रिदृष्टे। सर्वस्याऽऽत्मन्नात्मदृष्ट्या त्वमेवेत्येवं मे धीर्निश्चिता सर्वशास्त्रैः॥
Dasasteham dehadrishtyasmi shambho jatastensho jivadrishtya tridrishte, sarvasyatmannatmadrishtya tvamevetyevam me dhirnishchita sarvashastraih.
O Shambhu, seen as a body, I am your servant. O three-eyed Bhagwan Shiva, seen as an individual soul, I am born as a part of you. O Self of all, seen as the Self, you alone are me. All the scriptures have confirmed this understanding for me.
Word by word
About this text
Manisha Panchakam is a short Sanskrit stotra by Adi Shankaracharya: whoever knows the one Self is a guru, whatever their birth.
When it is recited: Adi Shankaracharya Jayanti, Vedanta study, Daily contemplation, Satsang
