Stotra
Goda Stuti
गोदास्तुतिः
- Shloka 1
श्रीविष्णुचित्तकुलनन्दनकल्पवल्लीं श्रीरङ्गराजहरिचन्दनयोगदृश्याम् । साक्षात्क्षमां करुणया कमलामिवान्यां गोदामनन्यशरणः शरणं प्रपद्ये ॥ १ ॥
Shrivishnuchittakulanandanakalpavallim shrirangarajaharichandanayogadrishyam, sakshatkshamam karunaya kamalamivanyam godamananyasharanah sharanam prapadye.
I have no other refuge, so I take refuge in Goda. She is the wish-fulfilling creeper who brings joy to the family of Sri Vishnuchitta. She is seen united with Sri Ranganatha like a creeper around a sandal tree, and she is Bhumi Devi herself, like a second Lakshmi in her compassion.
Word by word
- Shloka 2
वैदेशिकः श्रुतिगिरामपि भूयसीनां वर्णेषु माति महिमा न हि मादृशां ते । इत्थं विदन्तमपि मां सहसैव गोदे मौनद्रुहो मुखरयन्ति गुणास्त्वदीयाः ॥ २ ॥
Vaideshikah shrutigiramapi bhuyasinam varneshu mati mahima na hi madrisham te, ittham vidantamapi mam sahasaiva gode maunadruho mukharayanti gunastvadiyah.
O Goda, your greatness does not fit even within the words of the vast Vedas, so how could it fit in the words of someone like me? I know this, yet your qualities, which do not let anyone stay silent, suddenly make me speak.
Word by word
- Shloka 3
त्वत्प्रेयसः श्रवणयोरमृतायमानां तुल्यां त्वदीयमणिनूपुरशिञ्जितानाम् । गोदे त्वमेव जननि त्वदभिष्टवार्हां वाचं प्रसन्नमधुरां मम संविधेहि ॥ ३ ॥
Tvatpreyasah shravanayoramritayamanam tulyam tvadiyamaninupurashinjitanam, gode tvameva janani tvadabhishtavarham vacham prasannamadhuram mama sanvidhehi.
O Goda, Mother, you alone can give me speech that is clear and sweet and worthy of praising you. Let it be like nectar to the ears of your beloved and equal to the jingling of your jewelled anklets.
Word by word
- Shloka 4
कृष्णान्वयेन दधतीं यमुनानुभावं तीर्थैर्यथावदवगाह्य सरस्वतीं ते । गोदे विकस्वरधियां भवती कटाक्षात् वाचः स्फुरन्ति मकरन्दमुचः कवीनाम् ॥ ४ ॥
Krishnanvayena dadhatim yamunanubhavam tirthairyathavadavagahya sarasvatim te, gode vikasvaradhiyam bhavati katakshat vachah sphuranti makarandamuchah kavinam.
O Goda, your speech is like the river Sarasvati that takes on the glory of the Yamuna through its link with Krishna. Poets who bathe in it properly through the guidance of teachers find their minds blossoming by your glance, and their words flow out pouring honey.
Word by word
- Shloka 5
अस्मादृशामपकृतौ चिरदीक्षितानाम् अह्नाय देवि दयते यदसौ मुकुन्दः । तन्निश्चितं नियमितस्तव मौलिदाम्ना तन्त्रीनिनादमधुरैश्च गिरां निगुम्फैः ॥ ५ ॥
Asmadrishamapakritau chiradikshitanam ahnaya devi dayate yadasau mukundah, tannishchitam niyamitastava maulidamna tantrininadamadhuraishcha giram nigumphaih.
O Devi, Mukunda quickly shows mercy to people like us, who have long been devoted to wrongdoing. Surely this is because he is bound by the garland from your hair and by your words, sweet as the sound of veena strings.
Word by word
- Shloka 6
शोणाधरेऽपि कुचयोरपि तुङ्गभद्रा वाचां प्रवाहनिवहेऽपि सरस्वती त्वम् । अप्राकृतैरपि रसैर्विरजा स्वभावात् गोदाऽपि देवि कमितुर्ननु नर्मदाऽसि ॥ ६ ॥
Shonadharepi kuchayorapi tungabhadra vacham pravahanivahepi sarasvati tvam, aprakritairapi rasairviraja svabhavat godapi devi kamiturnanu narmadasi.
In your red lips you are the Shona, in your lofty grace you are the Tungabhadra, and in the flow of your words you are the Sarasvati. By nature you are the Viraja, pure and full of divine feeling. Though you are Goda, O Devi, to your beloved you are surely the Narmada, the giver of delight.
Word by word
- Shloka 7
वल्मीकतः श्रवणतो वसुधात्मनस्ते जातो बभूव स मुनिः कविसार्वभौमः । गोदे किमद्भुतमिदं यदमी स्वदन्ते वक्त्रारविन्दमकरन्दनिभाः प्रबन्धाः ॥ ७ ॥
Valmikatah shravanato vasudhatmanaste jato babhuva sa munih kavisarvabhaumah, gode kimadbhutamidam yadami svadante vaktraravindamakarandanibhah prabandhah.
O Goda, you are the Earth itself, and from an anthill, which is like your ear, came the sage Valmiki, the emperor of poets. So what wonder is it that the poems flowing from your lotus face taste sweet like nectar?
Word by word
- Shloka 8
भोक्तुं तव प्रियतमं भवतीव गोदे भक्तिं निजां प्रणयभावनया गृणन्तः । उच्चावचैर्विरहसङ्गमजैरुदन्तैः शृङ्गारयन्ति हृदयं गुरवस्त्वदीयाः ॥ ८ ॥
Bhoktum tava priyatamam bhavativa gode bhaktim nijam pranayabhavanaya grinantah, uchchavachairvirahasangamajairudantaih shringarayanti hridayam guravastvadiyah.
O Goda, your elders, the Alvars, wishing to enjoy your beloved just as you do, express their devotion in the mood of a loving bride. Through many tales of separation and union, they fill the heart with the sweetness of love.
Word by word
- Shloka 9
मातः समुत्थितवतीमधिविष्णुचित्तं विश्वोपजीव्यममृतं वचसा दुहानाम् । तापच्छदं हिमरुचेरिव मूर्तिमन्यां सन्तः पयोधिदुहितुः सहजां विदुस्त्वाम् ॥ ९ ॥
Matah samutthitavatimadhivishnuchittam vishvopajivyamamritam vachasa duhanam, tapachchhadam himarucheriva murtimanyam santah payodhiduhituh sahajam vidustvam.
O Mother, you arose from Vishnuchitta and draw out with your words a nectar that sustains the whole world. You are like another form of the moon that removes heat. So the wise know you as the sister of Lakshmi, daughter of the ocean.
Word by word
- Shloka 10
तातस्तु ते मधुभिदः स्तुतिलेशवश्यात् कर्णामृतैः स्तुतिशतैरनवाप्तपूर्वम् । त्वन्मौलिगन्धसुभगामुपहृत्य मालां लेभे महत्तरपदानुगुणं प्रसादम् ॥ १० ॥
Tatastu te madhubhidah stutileshavashyat karnamritaih stutishatairanavaptapurvam, tvanmauligandhasubhagamupahritya malam lebhe mahattarapadanugunam prasadam.
Madhusudana is won over by even a little praise. Yet your father had never received from him, even with hundreds of hymns sweet to the ear, the grace he received when he offered the garland made lovely by the fragrance of your hair. That grace was fitting for his higher place as your father.
Word by word
- Shloka 11
दिग्दक्षिणाऽपि परिपक्त्रिमपुण्यलभ्यात् सर्वोत्तरा भवति देवि तवावतारात् । यत्रैव रङ्गपतिना बहुमानपूर्वं निद्रालुनापि नियतं निहिताः कटाक्षाः ॥ ११ ॥
Digdakshinapi paripaktrimapunyalabhyat sarvottara bhavati devi tavavatarat, yatraiva rangapatina bahumanapurvam nidralunapi niyatam nihitah katakshah.
O Devi, the southern direction, reached only through fully ripened merit, became the highest of all because you were born there. It is there that Sri Ranganatha, even while in sleep, always casts his glances with great honour.
Word by word
- Shloka 12
प्रायेण देवि भवतीव्यपदेशयोगात् गोदावरी जगदिदं पयसा पुनीते । यस्यां समेत्य समयेषु चिरं निवासात् भागीरथीप्रभृतयोऽपि भवन्ति पुण्याः ॥ १२ ॥
Prayena devi bhavativyapadeshayogat godavari jagadidam payasa punite, yasyam sametya samayeshu chiram nivasat bhagirathiprabhritayopi bhavanti punyah.
O Devi, the Godavari purifies this world with its waters mostly because it shares your name. Even the Ganga and other rivers become holy by gathering in it at sacred times and staying there long.
Word by word
- Shloka 13
नागेशयः सुतनु पक्षिरथः कथं ते जातः स्वयंवरपतिः पुरुषः पुराणः । एवं विधाः समुचितं प्रणयं भवत्याः सन्दर्शयन्ति परिहासगिरः सखीनाम् ॥ १३ ॥
Nageshayah sutanu pakshirathah katham te jatah svayanvarapatih purushah puranah, evam vidhah samuchitam pranayam bhavatyah sandarshayanti parihasagirah sakhinam.
"O lovely one, how did this ancient person, who sleeps on a serpent and rides a bird, become your chosen husband?" Such teasing words of your friends only show how fitting your love is.
Word by word
- Shloka 14
त्वद्भुक्तमाल्यसुरभीकृतचारुमौलेः हित्वा भुजान्तरगतामपि वैजयन्तीम् । पत्युस्तवेश्वरि मिथः प्रतिघातलोलाः बर्हातपत्ररुचिमारचयन्ति भृङ्गाः ॥ १४ ॥
Tvadbhuktamalyasurabhikritacharumauleh hitva bhujantaragatamapi vaijayantim, patyustaveshvari mithah pratighatalolah barhatapatraruchimarachayanti bhringah.
O Queen, your husband's beautiful crown is perfumed by the garland you wore. The bees leave even the Vaijayanti garland on his chest and swarm there, playfully bumping into one another, until they look like an umbrella of peacock feathers.
Word by word
- Shloka 15
आमोदवत्यपि सदा हृदयङ्गमाऽपि रागान्विताऽपि ललिताऽपि गुणोत्तराऽपि । मौलिस्रजा तव मुकुन्दकिरीटभाजा गोदे भवत्यधरिता खलु वैजयन्ती ॥ १५ ॥
Aamodavatyapi sada hridayangamapi raganvitapi lalitapi gunottarapi, maulisraja tava mukundakiritabhaja gode bhavatyadharita khalu vaijayanti.
O Goda, the Vaijayanti garland is always fragrant, pleasing to the heart, richly coloured, graceful and finely strung. Still, it is surpassed by your hair garland, which sits on Mukunda's crown.
Word by word
- Shloka 16
त्वन्मौलिदामनि विभोः शिरसा गृहीते स्वच्छन्दकल्पितसपीतिरसप्रमोदाः । मञ्जुस्वना मधुलिहो विदधुः स्वयं ते स्वायंवरं कमपि मङ्गलतूर्यघोषम् ॥ १६ ॥
Tvanmaulidamani vibhoh shirasa grihite svachchhandakalpitasapitirasapramodah, manjusvana madhuliho vidadhuh svayam te svayanvaram kamapi mangalaturyaghosham.
When the Supreme took your hair garland upon his head, the sweet-humming bees, delighting freely in drinking honey together, made on their own a kind of auspicious wedding music for your marriage.
Word by word
- Shloka 17
विश्वासमानरजसा कमलेन नाभौ वक्षःस्थले च कमलास्तनचन्दनेन । आमोदितोऽपि निगमैर्विभुरङ्घ्रियुग्मे धत्ते नतेन शिरसा तव मौलिमालाम् ॥ १७ ॥
Vishvasamanarajasa kamalena nabhau vakshahsthale cha kamalastanachandanena, Aamoditopi nigamairvibhuranghriyugme dhatte natena shirasa tava maulimalam.
The Supreme is fragrant with the lotus at his navel, whose pollen holds the worlds, with the sandal from Lakshmi on his chest, and with the Vedas at his feet. Yet he bows his head to wear your hair garland.
Word by word
- Shloka 18
चूडापदेन परिगृह्य तवोत्तरीयं मालामपि त्वदलकैरधिवास्य दत्ताम् । प्रायेण रङ्गपतिरेष बिभर्ति गोदे सौभाग्यसम्पदभिषेकमहाधिकारम् ॥ १८ ॥
Chudapadena parigrihya tavottariyam malamapi tvadalakairadhivasya dattam, prayena rangapatiresha bibharti gode saubhagyasampadabhishekamahadhikaram.
O Goda, Sri Ranganatha wears your upper cloth as his crown and also the garland you gave after scenting it with your hair. In this way he seems to hold the great right of being anointed with the wealth of good fortune.
Word by word
- Shloka 19
तुङ्गैरकृत्रिमगिरः स्वयमुत्तमाङ्गैः यं सर्वगन्ध इति सादरमुद्वहन्ति । आमोदमन्यमधिगच्छति मालिकाभिः सोऽपि त्वदीयकुटिलालकवासिताभिः ॥ १९ ॥
Tungairakritrimagirah svayamuttamangaih yam sarvagandha iti sadaramudvahanti, Aamodamanyamadhigachchhati malikabhih sopi tvadiyakutilalakavasitabhih.
The lofty Vedas, words not made by anyone, respectfully carry him on their heads as "the source of all fragrance." Even he gains a new fragrance from garlands scented by your curly hair.
Word by word
- Shloka 20
धन्ये समस्तजगतां पितुरुत्तमाङ्गे त्वन्मौलिमाल्यभरसम्भरणेन भूयः । इन्दीवरस्रजमिवादधति त्वदीयान्याकेकराणि बहुमानविलोकितानि ॥ २० ॥
Dhanye samastajagatam pituruttamange tvanmaulimalyabharasambharanena bhuyah, indivarasrajamivadadhati tvadiyanyakekarani bahumanavilokitani.
O blessed one, along with the weight of your hair garland, your loving sidelong glances full of honour also fall on the head of the father of all the worlds. They look like a garland of blue lotuses placed there.
Word by word
- Shloka 21
रङ्गेश्वरस्य तव च प्रणयानुबन्धात् अन्योन्यमाल्यपरिवृत्तिमभिष्टुवन्तः । वाचालयन्ति वसुधे रसिकास्त्रिलोकीं न्यूनाधिकत्वसमताविषयैर्विवादैः ॥ २१ ॥
Rangeshvarasya tava cha pranayanubandhat anyonyamalyaparivrittimabhishtuvantah, vachalayanti vasudhe rasikastrilokim nyunadhikatvasamatavishayairvivadaih.
O Earth Devi, the lovers of beauty praise the exchange of garlands between you and Sri Ranganatha born of your bond of love. They fill the three worlds with debate about who is lesser, who is greater, or whether both are equal.
Word by word
- Shloka 22
दूर्वादलप्रतिमया तव देहकान्त्या गोरोचनारुचिरया च तथेन्दिरायाः । आसीदनुज्झितशिखावलकण्ठशोभं माङ्गल्यदं प्रणमतां मधुवैरिगात्रम् ॥ २२ ॥
Durvadalapratimaya tava dehakantya gorochanaruchiraya cha tathendirayah, Aasidanujjhitashikhavalakanthashobham mangalyadam pranamatam madhuvairigatram.
With your glow, green like durva grass, and Lakshmi's glow, golden like gorochana, the body of the foe of Madhu always shines like a peacock's neck. That form gives auspiciousness to all who bow to it.
Word by word
- Shloka 23
अर्च्यं समर्च्य नियमैर्निगमप्रसूनैः नाथं त्वया कमलया च समेयिवांसम् । मातश्चिरं निरविशन्निजमाधिराज्यं मान्या मनुप्रभृतयोऽपि महीक्षितस्ते ॥ २३ ॥
Archyam samarchya niyamairnigamaprasunaih natham tvaya kamalaya cha sameyivansam, matashchiram niravishannijamadhirajyam manya manuprabhritayopi mahikshitaste.
O Mother, honoured kings like Manu, rulers of you who are the Earth, worshipped with Vedic flowers and disciplined vows the adorable Prabhu who is united with you and Lakshmi. Through this, they enjoyed their own sovereignty for a long time.
Word by word
- Shloka 24
आर्द्रापराधिनि जनेऽप्यभिरक्षणार्थं रङ्गेश्वरस्य रमया विनिवेद्यमाने । पार्श्वे परत्र भवती यदि तत्र नासीत् प्रायेण देवि वदनं परिवर्तितं स्यात् ॥ २४ ॥
Aardraparadhini janepyabhirakshanartham rangeshvarasya ramaya vinivedyamane, parshve paratra bhavati yadi tatra nasit prayena devi vadanam parivartitam syat.
When Lakshmi presents to Sri Ranganatha someone whose faults are still fresh, asking for his protection, you stand at his other side. O Devi, if you were not there, he might well have turned his face away.
Word by word
- Shloka 25
गोदे गुणैरपनयन् प्रणतापराधान् भ्रूक्षेप एव तव भोगरसानुकूलः । कर्मानुबन्धि फलदानरतस्य भर्तुः स्वातन्त्र्यदुर्व्यसनमर्मभिदा निदानम् ॥ २५ ॥
Gode gunairapanayan pranataparadhan bhrukshepa eva tava bhogarasanukulah, karmanubandhi phaladanaratasya bhartuh svatantryadurvyasanamarmabhida nidanam.
O Goda, your husband is intent on giving results according to karma. A mere movement of your brow, suited to his delight, removes the faults of those who bow by your good qualities. It is the very thing that breaks through his strict independence.
Word by word
- Shloka 26
रङ्गे तटिद्गुणवतो रमयैव गोदे कृष्णाम्बुदस्य घटितां कृपया सुवृष्ट्या । दौर्गत्यदुर्विषविनाशसुधानदीं त्वां सन्तः प्रपद्य शमयन्त्यचिरेण तापान् ॥ २६ ॥
Range tatidgunavato ramayaiva gode krishnambudasya ghatitam kripaya suvrishtya, daurgatyadurvishavinashasudhanadim tvam santah prapadya shamayantyachirena tapan.
O Goda, at Srirangam, Krishna is a dark rain cloud with Lakshmi as his lightning. Out of mercy, you were formed from him as good rain, a river of nectar that removes the poison of hardship. The good take refuge in you and soon find their sorrows calmed.
Word by word
- Shloka 27
जातापराधमपि मामनुकम्प्य गोदे गोप्त्री यदि त्वमसि युक्तमिदं भवत्याः । वात्सल्यनिर्भरतया जननी कुमारं स्तन्येन वर्धयति दष्टपयोधराऽपि ॥ २७ ॥
Jataparadhamapi mamanukampya gode goptri yadi tvamasi yuktamidam bhavatyah, vatsalyanirbharataya janani kumaram stanyena vardhayati dashtapayodharapi.
O Goda, if out of compassion you protect me even though I have done wrong, that is truly fitting for you. A mother overflowing with love keeps feeding her child with her milk even when the child bites her.
Word by word
- Shloka 28
शतमखमणिनीला चारु कल्हारहस्ता स्तनभरनमिताङ्गी सान्द्रवात्सल्यसिन्धुः । अलकविनिहिताभिः स्रग्भराकृष्टनाथा विलसतु हृदि गोदा विष्णुचित्तात्मजा नः ॥ २८ ॥
Shatamakhamaninila charu kalharahasta stanabharanamitangi sandravatsalyasindhuh, alakavinihitabhih sragbharakrishtanatha vilasatu hridi goda vishnuchittatmaja nah.
May Goda, daughter of Vishnuchitta, shine in our hearts. She is dark blue like a sapphire, holds a lovely kalhara flower, has a full, gently bending form, and is a deep ocean of motherly love. She drew Bhagwan to herself with the garlands placed in her hair.
Word by word
- Shloka 29
इति विकसितभक्तेरुत्थतां वेङ्कटेशात् बहुगुणरमणीयां वक्ति गोदास्तुतिं यः । स भवति बहुमान्यः श्रीमतो रङ्गभर्तुः चरणकमलसेवां शाश्वतीमभ्युपैष्यन् ॥ २९ ॥
Iti vikasitabhakterutthatam venkateshat bahugunaramaniyam vakti godastutim yah, sa bhavati bahumanyah shrimato rangabhartuh charanakamalasevam shashvatimabhyupaishyan.
This Goda Stuti, lovely with many good qualities, came from Venkatesha (Vedanta Desika) when his devotion blossomed. The text says that whoever recites it becomes greatly honoured by the glorious Sri Ranganatha and attains eternal service at his lotus feet.
Word by word
About this text
Goda Stuti is a 29-verse Sanskrit stotra (hymn) by Swami Vedanta Desika in praise of Goda Devi, also called Andal, daughter of Periyalvar.
When it is recited: Margazhi / Dhanurmas, Adi Pooram, Andal Kalyanam, Friday puja, Daily Sri Vaishnava recitation
